കുവൈത്ത് സിറ്റി: ഓണാഘോഷത്തിന് ഇരട്ടി മധുരം പകരാൻ ഗൾഫ് മാധ്യമവും ജോയ് ആലുക്കാസും ചേർന്നൊരുക്കുന്ന 'നൊസ്റ്റാൾജിക് ഓണം ജോയ്ഫുൾ മെമറീസി'ൽ സ്വർണ സമ്മാനം നേടാൻ ഇപ്പോൾ അവസരം. ഓണാഘോഷത്തിന്‍റെ ചിത്രങ്ങൾക്കും വിഡിയോകൾക്കും അനുഭവക്കുറിപ്പുകൾക്കുമാണ് നാല് ഗ്രാം സ്വർണം വീതം സമ്മാനം നൽകുന്നത്. ഈ ഓണത്തിന്‍റേത് മാത്രമല്ല, പഴയകാല ഓണം ഓർമകൾക്കും സമ്മാനം നൽകുന്നുണ്ട്.
ഗൾഫ് മാധ്യമത്തിന്‍റെ സമൂഹ മാധ്യമ പേജുകളിലൂടെ അനായാസം മത്സരത്തിൽ പങ്കെടുക്കാം. ആറ് ഗൾഫ് രാജ്യങ്ങളിലായി 24 പേർക്കാണ് സമ്മാനം നൽകുന്നത്. പൂക്കളമിടൽ, ഓണസദ്യ, കുടുംബങ്ങളുടെ ഒത്തുചേരൽ, ഓണം കല-കായിക പരിപാടികൾ, യാത്രകൾ, ഷോപ്പിങ്, പാചകം, സന്തോഷ നിമിഷങ്ങൾ തുടങ്ങിയവയെല്ലാം നിങ്ങളെ സമ്മാനാർഹനാക്കിയേക്കാം. സുഹൃത്തുക്കൾ, സഹോദരങ്ങൾ, സഹപ്രവർത്തകർ, അതിഥികൾ, അയൽക്കാർ, വിദേശികൾ തുടങ്ങിയവർക്കൊപ്പമുള്ള ആഘോഷങ്ങളും പങ്കുവെക്കാം. ഗൾഫിൽനിന്ന് അവധിക്ക് നാട്ടിലെത്തിയവർക്കും പങ്കെടുക്കാൻ അവസരമുണ്ട്.
ഗൾഫ് മാധ്യമം ഫേസ്ബുക്ക് പേജ് (www.facebook.com/gulfmadhyamamkuwait) വഴിയാണ് മത്സരത്തിൽ പങ്കെടുക്കേണ്ടത്. ആദ്യം ഈ പേജ് ലൈക്ക്/ഫോളോ ചെയ്യുക. പേജിലെ മത്സരത്തിന്‍റെ ചിത്രത്തിന് താഴെ നിങ്ങളുടെ ഓണാഘോഷത്തിന്‍റെ ചിത്രമോ വിഡിയോയോ കുറിപ്പോ പോസ്റ്റ് ചെയ്യുക. വിഡിയോ എടുക്കുന്നവർ ഒരുമിനിറ്റിൽ കുറയാത്ത വിഡിയോ പോസ്റ്റ് ചെയ്യണം. ഓണാഘോഷം സുവർണ സ്മരണകളുടേത് കൂടിയാവട്ടെ...
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.