മരണമുഖത്തുനിന്ന്​ ഡോക്ടർ എന്ന സ്വപ്നത്തിലേക്ക് അടുത്ത് നന്ദന

മ​ണ്ണ​ഞ്ചേ​രി: മ​ര​ണ​ത്തി​ന്റെ ദു​ര​ന്ത​മു​ഖ​ത്തു​നി​ന്ന് ഡോ​ക്ട​ർ എ​ന്ന സ്വ​പ്ന​ത്തി​ലേ​ക്കു​ള്ള ന​ന്ദ​ന​യു​ടെ വ​ഴി​ദൂ​രം കു​റ​യു​ന്നു. മാ​രാ​രി​ക്കു​ളം തെ​ക്ക് പ​ഞ്ചാ​യ​ത്ത്‌ മൂ​ന്നാം വാ​ർ​ഡ്‌ ന​ന്ദു നി​വാ​സി​ൽ ന​ന്ദ​ന (18), ഉ​യ​ർ​ന്ന റാ​ങ്കോ​ടെ ആ​ല​പ്പു​ഴ ഗ​വ. ടി.​ഡി മെ​ഡി​ക്ക​ൽ കോ​ള​ജി​ൽ പ്ര​വേ​ശ​നം നേ​ടി.

ഓ​ട്ടോ ഡ്രൈ​വ​റാ​യ ഉ​ല്ലാ​സി​ന്റെ​യും റാ​ണി മോ​ളു​ടെ​യും മ​ക​ളാ​യ ന​ന്ദ​ന​ക്ക് 2018 ഡി​സം​ബ​ർ 13നാ​ണ് ജീ​വി​ത​ത്തി​ലെ ക​റു​ത്ത അ​ധ്യാ​യം സം​ഭ​വി​ച്ച​ത്. എ​സ്.​എ​ൽ പു​രം എ​സ്.​എ​ൻ ട്ര​സ്റ്റി​ൽ​നി​ന്ന് പ​ത്താം ക്ലാ​സ് മോ​ഡ​ൽ പ​രീ​ക്ഷ ക​ഴി​ഞ്ഞ് കൂ​ട്ടു​കാ​രി മീ​നാ​ക്ഷി​യു​മാ​യി സൈ​ക്കി​ളി​ൽ റോ​ഡ​രി​കി​ൽ നി​ൽ​ക്കു​മ്പോ​ൾ ക​ഞ്ഞി​ക്കു​ഴി ക​മ്പി​യ​ക​ത്ത് ഭാ​ഗ​ത്ത് നി​യ​ന്ത്ര​ണം തെ​റ്റി വ​ന്ന കാ​റി​ടി​ക്കു​ക​യാ​യി​രു​ന്നു. അ​പ​ക​ട​ത്തി​ൽ കാ​ന​യി​ലേ​ക്ക് തെ​റി​ച്ചു​വീ​ണ്​ ത​ല​ക്കും കാ​ലി​നും കൈ​ക​ൾ​ക്കും ഗു​രു​ത​ര പ​രി​ക്കേ​റ്റു. പ്രാ​ഥ​മി​ക ചി​കി​ത്സ​ക്കു​ശേ​ഷം മ​ര​ണം വി​ധി​ച്ച ആ​ശു​പ​ത്രി​യി​ൽ​നി​ന്ന്​ ജീ​വ​ന്റെ നേ​രി​യ തു​ടി​പ്പു​മാ​യി എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ തു​ട​ർ​ചി​കി​ത്സ. അ​വി​ടെ ഒ​ന്ന​ര മാ​സം വെ​ന്റി​ലേ​റ്റ​റി​ൽ. ആ​റ് സ​ർ​ജ​റി, ഒ​രു വ​ർ​ഷം നീ​ണ്ട പ്ലാ​സ്റ്റി​ക് സ​ർ​ജ​റി, ഫി​സി​യോ​തെ​റ​പ്പി. ഒ​ടു​വി​ൽ​ ജീ​വി​ത​ത്തി​ലേ​ക്കു​ള്ള തി​രി​ച്ചു​വ​ര​വ്.

ആ ​വ​ർ​ഷം അ​​ധ്യ​യ​നം മു​ട​ങ്ങി​യെ​ങ്കി​ലും 2019ൽ ​വീ​ണ്ടും അ​തേ സ്കൂ​ളി​ൽ പ​ത്താം ക്ലാ​സി​ൽ ചേ​ർ​ന്നു. അ​ധ്യാ​പ​ക​രു​ടെ​യും കൂ​ട്ടു​കാ​രു​ടെ​യും സ്കൂ​ൾ അ​ധി​കൃ​ത​രു​ടെ​യും ചേ​ർ​ത്തു​നി​ർ​ത്ത​ലി​ൽ പ​ത്തും പ്ല​സ് ടു​വും പൂ​ർ​ത്തി​യാ​ക്കി. സ​ഹാ​യി​യെ വെ​ച്ചാ​ണ്​ പ​രീ​ക്ഷ എ​ഴു​തി​യ​ത്. പ​രീ​ക്ഷ​ണം എ​ന്ന​പോ​ലെ മെ​ഡി​ക്ക​ൽ പ്ര​വേ​ശ​ന പ​രീ​ക്ഷ​യും എ​ഴു​തി. ഉ​യ​ർ​ന്ന റാ​ങ്കോ​ടെ ജ​യി​ക്കു​ക​യും ചെ​യ്തു. ഇ​തി​നി​ടെ, സ്വ​ന്തം ജോ​ലി​പോ​ലും ഉ​പേ​ക്ഷി​ച്ച് സ​ഹോ​ദ​ര​ൻ ന​ന്ദു എ​ല്ലാ​ത്തി​നും കൂ​ടെ നി​ന്നു. ഇ​പ്പോ​ൾ എ​ല്ലാ കാ​ര്യ​ങ്ങ​ളും ഒ​റ്റ​ക്ക് ചെ​യ്യു​ന്നു​ണ്ട് ന​ന്ദ​ന. ന​ല്ല ഒ​രു ഡോ​ക്ട​ർ ആ​ക​ണം. എ​ല്ലാ​വ​ർ​ക്കും ത​ന്റെ സേ​വ​നം ന​ൽ​ക​ണം. അ​താ​ണ്‌ ആ​ഗ്ര​ഹം.