ഐരാവത്
ബംഗളൂരു: ശബരിമല തീർഥാടകർക്കായി കർണാടക ആർ.ടി.സി ബംഗളൂരുവിൽനിന്ന് പമ്പയിലേക്ക് ഈ മാസം 29 മുതൽ ഐരാവത് എ.സി ബസ് സ്പെഷൽ സർവിസ് ആരംഭിക്കും. ഓൺലൈൻ ടിക്കറ്റ് റിസർവേഷൻ അടുത്ത ദിവസം തുടങ്ങും. മകരവിളക്ക് കഴിയുന്നതുവരെ സർവിസ് തുടരും.
ഉച്ച 1.50ന് ശാന്തിനഗർ ബസ് ടെർമിനലിൽനിന്ന് പുറപ്പെടുന്ന ബസ് സാറ്റലൈറ്റ് (2.30), മൈസൂരു (5.35), ബത്തേരി, കോഴിക്കോട്, തൃശൂർ, എരുമേലി വഴി രാവിലെ 6.45ന് നിലക്കലിൽ എത്തും. തിരിച്ച് വൈകുന്നേരം അഞ്ചിന് നിലക്കലിൽനിന്ന് പുറപ്പെട്ട് രാവിലെ 10ന് ബംഗളൂരുവിൽ എത്തും. തിരക്ക് കൂടുന്നതോടെ വാരാന്ത്യങ്ങളിൽ ഒരു സർവിസ് കൂടി ആരംഭിക്കുമെന്ന് കർണാടക ആർ.ടി.സി കേരള മേഖല ഓഫിസർ അറിയിച്ചു. മൈസൂരുവിൽനിന്നും റിസർവേഷൻ സൗകര്യം ഉണ്ടാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.