24 കോ​ടി​യു​ടെ മ​യ​ക്കു​മ​രു​ന്നു​മാ​യി നൈ​ജീ​രി​യ​ൻ യു​വ​തി അ​റ​സ്റ്റി​ൽ

ബം​ഗ​ളൂ​രു: ന​ഗ​ര​ത്തി​ൽ സെ​ൻ​ട്ര​ൽ ക്രൈം​ബ്രാ​ഞ്ച് പൊ​ലീ​സ് (സി.​സി.​ബി) ന​ട​ത്തി​യ പ​രി​ശോ​ധ​ന​യി​ൽ 24 കോ​ടി രൂ​പ വി​ല​മ​തി​ക്കു​ന്ന 12 കി​ലോ​ഗ്രാം എം.​ഡി.​എം.​എ ക്രി​സ്റ്റ​ലു​ക​ൾ പി​ടി​ച്ചെ​ടു​ത്തു. ഇ​തു​മാ​യി ബ​ന്ധ​പ്പെ​ട്ട് ടി.​സി പാ​ള​യ​യി​ൽ താ​മ​സി​ക്കു​ന്ന നൈ​ജീ​രി​യ​ൻ വ​നി​ത റോ​സ്‌​ലി​നെ (40) അ​റ​സ്റ്റ് ചെ​യ്തു. ക​ർ​ണാ​ട​ക​യി​ൽ അ​ടു​ത്ത കാ​ല​ത്താ​യി ന​ട​ന്ന ഏ​റ്റ​വും​വ​ലി​യ ല​ഹ​രി​വേ​ട്ട​ക​ളി​ലൊ​ന്നാ​ണി​തെ​ന്ന് ബം​ഗ​ളൂ​രു സി​റ്റി പൊ​ലീ​സ് ക​മീ​ഷ​ണ​ർ ബി. ​ദ​യാ​ന​ന്ദ പ​റ​ഞ്ഞു. ടി.​സി പാ​ള​യ​യി​ൽ പ​ല​ച​ര​ക്ക് ക​ട ന​ട​ത്തു​ക​യാ​യി​രു​ന്നു യു​വ​തി​യെ​ന്ന് അ​ന്വേ​ഷ​ണ​ത്തി​ൽ ക​ണ്ടെ​ത്തി.

വി​ദേ​ശ യു​വ​തി ല​ഹ​രി ഇ​ട​പാ​ടു​ക​ൾ ന​ട​ത്തു​ന്നു​ണ്ടെ​ന്ന ര​ഹ​സ്യ​വി​വ​ര​ത്തെ​ത്തു​ട​ർ​ന്ന് സി.​സി.​ബി ന​ട​ത്തി​യ പ​രി​ശോ​ധ​ന​യി​ലാ​ണ് ക​ച്ച​വ​ട​സ്ഥ​ല​ത്തു​നി​ന്ന് എം.​ഡി.​എം.​എ പി​ടി​ച്ചെ​ടു​ത്ത​ത്. 70 സിം ​കാ​ർ​ഡു​ക​ളും പൊ​ലീ​സ് പി​ടി​ച്ചെ​ടു​ത്തു. ബം​ഗ​ളൂ​രു​വി​ലു​ള്ള വി​ദേ​ശ പൗ​ര​ന്മാ​ർ​ക്കും കോ​ള​ജ് വി​ദ്യാ​ർ​ഥി​ക​ൾ​ക്കും ഐ.​ടി ജീ​വ​ന​ക്കാ​ർ​ക്കു​മാ​ണ് ല​ഹ​രി​മ​രു​ന്ന് വി​ത​ര​ണം ചെ​യ്തി​രു​ന്ന​തെ​ന്ന് യു​വ​തി പൊ​ലീ​സി​ന് മൊ​ഴി ന​ൽ​കി.

മ​റ്റൊ​രു വി​ദേ​ശ വ​നി​ത വ​ഴി മും​ബൈ​യി​ൽ​നി​ന്നാ​ണ് ല​ഹ​രി​മ​രു​ന്ന് ബം​ഗ​ളൂ​രു​വി​ലെ​ത്തി​ച്ച​തെ​ന്നാ​ണ് വി​വ​രം. ഇ​വ​രെ പി​ടി​കൂ​ടാ​നു​ള്ള ശ്ര​മം ന​ട​ത്തു​ക​യാ​ണെ​ന്നും ക​മീ​ഷ​ണ​ർ അ​റി​യി​ച്ചു. മും​ബൈ​യി​ൽ​നി​ന്ന് സോ​പ്പ് പാ​ക്ക​റ്റു​ക​ളി​ലും ഉ​ണ​ക്ക​മീ​ൻ പെ​ട്ടി​ക​ളി​ലു​മാ​ണ് ല​ഹ​രി​മ​രു​ന്ന് കൊ​ണ്ടു​വ​ന്നി​രു​ന്ന​ത്. പ​ല​ച​ര​ക്ക് ക​ട​യു​ടെ മ​റ​വി​ലാ​ണ് ല​ഹ​രി​മ​രു​ന്ന് ക​ച്ച​വ​ടം ന​ട​ത്തി​യി​രു​ന്ന​ത്. അ​ഞ്ചു​വ​ർ​ഷം മു​മ്പ് ബി​സി​ന​സ് വി​സ​യി​ലാ​ണ് യു​വ​തി ബം​ഗ​ളൂ​രു​വി​ലെ​ത്തി​യ​ത്.