രാഹുൽ ഗാന്ധിക്കെതിരായ ഗുജറാത്ത് ഹൈകോടതി വിധിക്കെതിരെ കോൺഗ്രസ് നേതാക്കൾ വിധാൻ സൗധ പരിസരത്തെ ഗാന്ധി പ്രതിമക്ക് മുന്നിൽ പ്രതിഷേധം സംഘടിപ്പിച്ചപ്പോൾ
ബംഗളൂരു: രാഹുൽ ഗാന്ധിക്കെതിരായ അപകീർത്തി കേസിൽ സ്റ്റേ തടഞ്ഞ ഗുജറാത്ത് ഹൈകോടതി വിധി ജനാധിപത്യത്തിന്റെ മരണമാണ് സൂചിപ്പിക്കുന്നതെന്ന് കെ.പി.സി.സി അധ്യക്ഷൻ ഡി.കെ. ശിവകുമാർ പറഞ്ഞു. രാജ്യത്തെ വിലക്കയറ്റത്തെയും അഴിമതിയെയും തൊഴിലില്ലായ്മയെയും ചോദ്യം ചെയ്യുന്ന രാഹുൽ ഗാന്ധി മികച്ച നേതാവാണെന്നും അദ്ദേഹത്തിന്റെ സാന്നിധ്യം പാർലമെന്റിൽ ബി.ജെ.പി ആഗ്രഹിക്കുന്നില്ലെന്നും അദ്ദേഹം പറഞ്ഞു. നീരവ് മോദി, നിഷാൽ മോദി തുടങ്ങിയവരൊക്കെ ബാങ്ക് തട്ടിപ്പ് നടത്തിയവരായിട്ടും ശിക്ഷ നൽകാതെ തട്ടിപ്പിനെ കുറിച്ച് പറഞ്ഞ രാഹുൽഗാന്ധിയെ ശിക്ഷിക്കുകയാണെന്ന് എ.ഐ.സി.സി ജനറൽ സെക്രട്ടറി രൺദീപ് സിങ് സുർജെവാല ചൂണ്ടിക്കാട്ടി. കോടതി വിധിക്കെതിരെ വെള്ളിയാഴ്ച നിയമസഭ സമ്മേളനം കഴിഞ്ഞതിന് പിറകെ കോൺഗ്രസ് അംഗങ്ങളുടെ നേതൃത്വത്തിൽ വിധാൻ സൗധ പരിസരത്തെ ഗാന്ധി പ്രതിമക്ക് മുന്നിൽ പ്രതിഷേധ പ്രകടനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.