ബംഗളുരു: കെ.എൻ.എസ്.എസ് ചന്താപുര കരയോഗം കുടുംബസംഗമവും ഓണാഘോഷവും ഹൊസൂർ റോഡ് ഓൾഡ് ചന്താപുരയിലുള്ള സൺ പാലസ് ഓഡിറ്റോറിയത്തിൽ ഞായറാഴ്ച രാവിലെ ഒമ്പതിന് ‘ആരവം 2024’ എന്ന പേരിൽ സംഘടിപ്പിക്കും.
അംഗങ്ങളുടെ വിവിധ കലാപരിപാടികൾ, സാംസ്കാരിക സമ്മേളനം, കേരളത്തിൽനിന്നുള്ള കലാകാരന്മാർ അവതരിപ്പിക്കുന്ന കളരിപ്പയറ്റ്, വിഭവ സമൃദ്ധമായ ഓണസദ്യ, അമ്മ മ്യൂസിക് ഗ്രൂപ് അവതരിപ്പിക്കുന്ന സംഗീത പരിപാടികൾ, അവാർഡ് വിതരണം, മുതിർന്ന അംഗങ്ങളെ ആദരിക്കൽ എന്നിവയുണ്ടാവും. സാംസ്കാരിക സമ്മേളനത്തിൽ കരയോഗം പ്രസിഡന്റ് എം. വേണുഗോപാൽ അധ്യക്ഷത വഹിക്കും. ആനെക്കൽ എം.എൽ.എ ബി. ശിവണ്ണയും ശക്തി സന്താനന്ദ മഹർഷി സ്വാമികളും ചേർന്ന് ഉദ്‌ഘാടനം നിർവഹിക്കും. ചെയർമാൻ രാമചന്ദ്രൻ പാലേരി, ജന. സെക്രട്ടറി ആർ. മനോഹര കുറുപ്പ്, ട്രഷറർ മുരളീധർ നായർ, മഹിള വിഭാഗം കോർ കമ്മിറ്റി കൺവീനർ രാജലക്ഷ്മി നായർ, വൈസ് ചെയർമാൻ വി.ആർ. ചന്ദ്രൻ എന്നിവർ പങ്കെടുക്കും. അംഗങ്ങൾക്കുള്ള കായിക മത്സരം ഇന്ന് ഉച്ച മൂന്നിന് ആരംഭിക്കുമെന്ന് സെക്രട്ടറി രാജേഷ് കുമാർ അറിയിച്ചു. ഫോൺ: 9845747563 .
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.