ബംഗളൂരു: കർണാടക സ്റ്റേറ്റ് ക്രിക്കറ്റ് അസോസിയേഷൻ സംഘടിപ്പിക്കുന്ന മഹാരാജ ട്രോഫി ട്വന്റി 20 ലീഗിൽ ബംഗളൂരു ബ്ലാസ്റ്റേഴ്സിന് ആദ്യ തോൽവി. തിങ്കളാഴ്ച വൈകീട്ട് മൂന്നിന് നടന്ന മത്സരത്തിൽ ഹുബ്ലി ടൈഗേഴ്സാണ് അഞ്ച് വിക്കറ്റിന് ബംഗളൂരുവിനെ വീഴ്ത്തിയത്.
ബംഗളൂരു ബ്ലാസ്റ്റേഴ്സ് 20 ഓവറിൽ 10 വിക്കറ്റിന് 142 റണ്ണെടുത്തു. മറുപടി ബാറ്റിങ്ങിനിറങ്ങിയ ഹുബ്ലി ടൈഗേഴ്സ് 18.5 ഓവറിൽ അഞ്ച് വിക്കറ്റ് നഷ്ടത്തിൽ ലക്ഷ്യം കണ്ടു. ബംഗളൂരുവിനായി ശുഭാങ് ഹെഗ്ഡെ 36 പന്തിൽ 52 റണ്ണെടുത്തു. 37 പന്തിൽ 47 റണ്ണെടുത്ത തിപ്പപറെഡ്ഡി, 35 പന്തിൽ 41 റണ്ണെടുത്ത കെ.എൽ. ശ്രീജിത്ത് എന്നിവരുടെ ബാറ്റിങ് മികവിൽ ടൈഗേഴ്സ് വിജയത്തിലേക്ക് നീങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.