‘മു​ഡ’ ഭൂ​മി ഇ​ട​പാ​ട്: മു​ഖ്യ​മ​ന്ത്രി​ക്ക് എ​തി​രെ പ്ര​ത്യേ​ക കോ​ട​തി​യി​ൽ സ്വ​കാ​ര്യ ഹ​ര​ജി

ബം​ഗ​ളൂ​രു: മു​ഖ്യ​മ​ന്ത്രി സി​ദ്ധ​രാ​മ​യ്യ​ക്ക് എ​തി​രെ വ്യാ​ഴാ​ഴ്ച ജ​ന​പ്ര​തി​നി​ധി​ക​ൾ​ക്കാ​യു​ള്ള ബം​ഗ​ളൂ​രു പ്ര​ത്യേ​ക കോ​ട​തി​യി​ൽ സ്വ​കാ​ര്യ ഹ​ര​ജി ഫ​യ​ൽ ചെ​യ്തു. മൈ​സൂ​രു വി​ക​സ​ന അ​തോ​റി​റ്റി (മു​ഡ) ഭൂ​മി ഇ​ട​പാ​ടി​ൽ മു​ഖ്യ​മ​ന്ത്രി​ക്ക് പ​ങ്കു​ണ്ടെ​ന്നും സ്വ​ത​ന്ത്ര അ​ന്വേ​ഷ​ണം സാ​ധ്യ​മാ​വാ​ൻ സി.​ബി.​ഐ​യെ ഏ​ൽ​പി​ക്ക​ണം എ​ന്നും ആ​വ​ശ്യ​പ്പെ​ട്ടാ​ണ് ഹ​ര​ജി. മൈ​സൂ​രു​വി​ലെ സാ​മൂ​ഹി​ക പ്ര​വ​ർ​ത്ത​ക​ൻ സ്നേ​ഹ​മ​യ് കൃ​ഷ്ണ​യാ​ണ് ഹ​ര​ജി ന​ൽ​കി​യ​ത്.

സി​ദ്ധ​രാ​മ​യ്യ​യു​ടെ ഭാ​ര്യ പാ​ർ​വ​തി​ക്ക് മു​ഡ മു​ഖേ​ന അ​ന​ധി​കൃ​ത​മാ​യി ഭൂ​മി കൈ​മാ​റി എ​ന്ന് ആ​രോ​പി​ച്ച് മു​ഖ്യ​മ​ന്ത്രി​യു​ടെ രാ​ജി ആ​വ​ശ്യ​വു​മാ​യി ബി.​ജെ.​പി -ജെ.​ഡി.​എ​സ് സ​ഖ്യം പ​ദ​യാ​ത്ര തു​ട​രു​ക​യാ​ണ്. ഭൂ​മി വി​ഷ​യ​ത്തി​ൽ വി​ശ​ദീ​ക​ര​ണം തേ​ടി ഗ​വ​ർ​ണ​ർ മു​ഖ്യ​മ​ന്ത്രി​ക്ക് നോ​ട്ടീ​സ് അ​യ​ച്ചി​ട്ടു​ണ്ട്. ഇ​ത് പി​ൻ​വ​ലി​ക്ക​ണം എ​ന്ന മ​ന്ത്രി​സ​ഭ​യു​ടെ നി​ർ​ദേ​ശം ഇ​തു​വ​രെ ഗ​വ​ർ​ണ​ർ അം​ഗീ​ക​രി​ച്ചി​ട്ടി​ല്ല.

ത​ന്നെ​യും മു​ഖ്യ​മ​ന്ത്രി​യെ​യും ജ​യി​ലി​ല​ട​ക്കാ​ൻ ഗൂ​ഢാ​ലോ​ച​ന ന​ട​ക്കു​ക​യാ​ണെ​ന്ന് ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ർ വ്യാ​ഴാ​ഴ്ച മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. മു​ൻ പ്ര​ധാ​ന​മ​ന്ത്രി എ​ച്ച്.​ഡി. ദേ​വ​ഗൗ​ഡ​യും കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യും ച​ർ​ച്ച ന​ട​ത്തി​യ കാ​ര്യം ഡി.​കെ. ശി​വ​കു​മാ​ർ സൂ​ചി​പ്പി​ച്ചു.