ഭ​ര​ണ​ഘ​ട​ന മാ​റ്റ​ണ്ട, ത​ന്റെ പ്ര​സം​ഗം വ​ള​ച്ചൊ​ടി​ച്ചു -​പേ​ജാ​വ​ർ മ​ഠാ​ധി​പ​തി

മം​ഗ​ളൂ​രു: ഇ​ന്ത്യ​ൻ ഭ​ര​ണ​ഘ​ട​ന​യി​ൽ മാ​റ്റം​വ​രു​ത്ത​ണ​മെ​ന്ന അ​ഭി​പ്രാ​യം ത​നി​ക്കി​ല്ലെ​ന്ന് ഉ​ഡു​പ്പി പേ​ജാ​വ​ർ മ​ഠാ​ധി​പ​തി​യും അ​യോ​ധ്യ ശ്രീ​രാ​മ ജ​ന്മ​ഭൂ​മി തീ​ർ​ഥ​ക്ഷേ​ത്രം ട്ര​സ്റ്റി​യു​മാ​യ സ്വാ​മി വി​ശ്വ​പ്ര​സ​ന്ന തീ​ർ​ഥ പ​റ​ഞ്ഞു. ബം​ഗ​ളൂ​രു​വി​ൽ വി​ശ്വ​ഹി​ന്ദു പ​രി​ഷ​ത്തി​ന്റെ പ​രി​പാ​ടി​യി​ൽ താ​ൻ പ​റ​ഞ്ഞ​ത് വ​ള​ച്ചൊ​ടി​ച്ചാ​ണ് മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്ത​ത്. മു​ഖ്യ​മ​ന്ത്രി സി​ദ്ധ​രാ​മ​യ്യ​യാ​വ​ട്ടെ വ​സ്തു​ത​യ​റി​യാ​തെ ആ ​റി​പ്പോ​ർ​ട്ട് അ​ടി​സ്ഥാ​ന​മാ​ക്കി പ്ര​തി​ക​രി​ച്ചു. ഭ​ര​ണ​ഘ​ട​ന​യു​ടെ അ​ന്തഃ​സ​ത്ത നി​ല​നി​ൽ​ക്ക​ണ​മെ​ന്നാ​ണ് ത​ന്റെ നി​ല​പാ​ടെ​ന്ന് സ്വാ​മി വി​ശ്വ​പ്ര​സ​ന്ന തീ​ർ​ഥ മാ​ധ്യ​മ​ങ്ങ​ളോ​ട് പ​റ​ഞ്ഞു.‘​ഞാ​ൻ ഭ​ര​ണ​ഘ​ട​ന​യെ ആ​ദ​രി​ക്കു​ന്നു. അ​തി​ന്റെ സ​ത്ത​ക്കെ​തി​രാ​യ യാ​തൊ​രു നീ​ക്ക​ത്തെ​യും പി​ന്തു​ണ​ക്കു​ന്നി​ല്ല’-​സ്വാ​മി വ്യ​ക്ത​മാ​ക്കി.

ക​ഴി​ഞ്ഞ മാ​സം 23ന് ​ബം​ഗ​ളൂ​രു​വി​ൽ വി.​എ​ച്ച്.​പി സം​ഘ​ടി​പ്പി​ച്ച സ​ന്യാ​സി​മാ​രു​ടെ സം​ഗ​മ​ത്തി​ലാ​യി​രു​ന്നു സ്വാ​മി​യു​ടെ പ്ര​സം​ഗം. അ​തി​നെ വി​മ​ർ​ശി​ച്ച മു​ഖ്യ​മ​ന്ത്രി സി​ദ്ധ​രാ​മ​യ്യ പേ​ജാ​വ​ർ മ​ഠാ​ധി​പ​തി​യു​ടെ ഉ​ള്ളി​ലെ​ന്താ​ണെ​ന്ന് മ​ന​സ്സി​ലാ​വു​ന്നി​ല്ലെ​ന്ന് പ​റ​യു​ക​യും ചെ​യ്തു. ‘മു​ഖ്യ​മ​ന്ത്രി കു​റേ​ക്കൂ​ടി ഉ​ത്ത​ര​വാ​ദി​ത്ത​ബോ​ധ​ത്തോ​ടെ പ്ര​തി​ക​രി​ക്ക​ണ​മാ​യി​രു​ന്നു. സ​ർ​ക്കാ​ർ എ​ല്ലാ വി​ഭാ​ഗ​ത്തെ​യും ഒ​രു​പോ​ലെ കാ​ണ​ണം, ന്യൂ​ന​പ​ക്ഷ പ്രീ​ണ​നം നി​ർ​ത്ത​ണം എ​ന്നാ​ണ് താ​ൻ ബം​ഗ​ളൂ​രു​വി​ൽ പ​റ​ഞ്ഞ​ത്. അ​തി​ന് ഭ​ര​ണ​ഘ​ട​ന മാ​റ്റ​ണ​മെ​ന്ന് എ​ങ്ങ​നെ​യാ​ണ് അ​ർ​ഥ​മാ​ക്കു​ക’-​മ​ഠാ​ധി​പ​തി ആ​രാ​ഞ്ഞു.