സമീർ അഹ്മദ് ഖാൻ
ബംഗളൂരു: അനധികൃത സ്വത്ത് സമ്പാദനക്കേസുമായി ബന്ധപ്പെട്ട് കർണാടക ഭവന-വഖഫ് മന്ത്രി സമീർ അഹമ്മദ് ഖാൻ ചൊവ്വാഴ്ച ലോകായുക്ത പൊലീസിന് മുന്നിൽ ചോദ്യം ചെയ്യലിന് ഹാജരായി. നേരത്തേ ഐ.എം.എ നിക്ഷേപ തട്ടിപ്പുമായി ബന്ധപ്പെട്ട കേസിൽ എൻഫോഴ്സ്മെന്റ് ഡയറക്ടറേറ്റ് സമീർ അഹമ്മദ് ഖാന്റെ വസതിയിൽ റെയ്ഡ് നടത്തുകയും ചോദ്യം ചെയ്യുകയും ചെയ്തിരുന്നു.
ഇതിൽനിന്ന് ലഭിച്ച വിവരങ്ങളുടെ അടിസ്ഥാനത്തിലാണ് ലോകായുക്ത പൊലീസ് കേസ് രജിസ്റ്റർ ചെയ്തത്. എന്നാൽ, സമീർ അഹമ്മദ് ഖാൻ കോടതിയെ സമീപിച്ചതോടെ കേസിൽ അന്വേഷണം തുടരുന്നതിന് വിലക്കേർപ്പെടുത്തിയിരുന്നു. അടുത്തിടെ സ്റ്റേ നീങ്ങി കോടതി ഉത്തരവ് നൽകിയതിന് പിന്നാലെയാണ് മന്ത്രിക്ക് ലോകായുക്ത പൊലീസ് സമൻസ് അയച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.