മുഖ്യമന്ത്രി സിദ്ധരാമയ്യ പ്രധാനമന്ത്രി നരേന്ദ്ര മോദിയെ പാർലമെന്റ് കോംപ്ലക്സിൽ
കണ്ടപ്പോൾ
ബംഗളൂരു: മുഖ്യമന്ത്രി സിദ്ധരാമയ്യ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. പാർലമെന്റ് കോംപ്ലക്സിൽ മോദിയെ കണ്ട സിദ്ധരാമയ്യ അദ്ദേഹത്തിന് ഉപഹാരം കൈമാറി. മുഖ്യമന്ത്രിയായ ശേഷം പ്രധാനമന്ത്രിയെ ആദ്യമായി കാണുകയാണ് സിദ്ധരാമയ്യ. പ്രതിരോധമന്ത്രി രാജ്നാഥ് സിങ്ങിനെയും സിദ്ധരാമയ്യ കണ്ടു.
ഒക്ടോബർ 15 മുതൽ 24 വരെ മൈസൂരുവിൽ നടക്കുന്ന ദസറ ആഘോഷത്തിന് ഇന്ത്യൻ വ്യോമസേനയുടെ എയർഷോ നടത്തണമെന്ന് സിദ്ധരാമയ്യ ആവശ്യപ്പെട്ടു. 2017ലും 2019ലും വ്യോമസേനയുടെ എയർഷോ മൈസൂരു പരേഡ്ഗൗണ്ടിലെ ടോർച്ച് ലൈറ്റിൽ നടന്ന കാര്യം മുഖ്യമന്ത്രി അവതരിപ്പിച്ചു.
കേന്ദ്ര ധനകാര്യമന്ത്രി നിർമല സീതാരാമൻ, എ.ഐ.സി.സി അധ്യക്ഷൻ മല്ലികാർജുൻഖാർഗെ എന്നിവരെയും സിദ്ധരാമയ്യ കണ്ടു. വ്യാഴാഴ്ച 76 വയസ്സുതികഞ്ഞ സിദ്ധരാമയ്യക്ക് കർണാടക ഭവനിലേക്ക് നിരവധി നേതാക്കൾ ആശംസകൾ കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.