ന്യൂഡൽഹി: ബോളിവുഡിൽ നിലനിൽക്കുന്ന വംശീതക്കെതിരെ രൂക്ഷ പ്രതികരണവുമായി നടൻ നവാസുദ്ദീൻ സിദ്ദീഖി. ഇരുനിറവും സൗന്ദര്യമില്ലാത്തവനുമായ തന്‍റെ കൂടെ നിറമുള്ളവരെ അഭിനയിപ്പിക്കാനാവില്ലെന്ന് മനസിലാക്കി തന്നതിന് നന്ദി. എന്നാൽ താൻ അക്കാര്യം ശ്രദ്ധിക്കുന്നില്ലെന്നും സിദ്ദീഖ് ട്വീറ്റ് ചെയ്തു.
Thank U 4 making me realise dat I cannot b paired along wid d fair & handsome bcz I m dark & not good looking, but I never focus on that.
— Nawazuddin Siddiqui (@Nawazuddin_S) July 17, 2017
താരത്തിന്‍റെ പുതിയ ചിത്രമായ ബബുമോഷായി ബന്ദുകാബ്സ് എന്ന ചിത്രത്തിന്‍റെ സംവിധായകൻ സഞ്ജയ് ചൗഹാന് മറുപടിയായാണ് ട്വീറ്റ് പോസ്റ്റ് ചെയ്തത്. ചിത്രത്തിൽ നവാസുദ്ദീൻ സിദ്ദീഖി ഇരു നിറമുള്ള ആളായതിനാൽ കൂടെ നിറമുള്ളവരെ അഭിനയിപ്പിക്കാനാവില്ലെന്നും ഇത് അനുചിതമാവുമെന്നും ഒരു പത്രത്തിന് നൽകിയ അഭിമുഖത്തിൽ സഞ്ജയ് ചൗഹാൻ പറഞ്ഞിരുന്നു.
നവാസുദ്ദീന്‍റെ ട്വീറ്റിനെ അനുകൂലിച്ചും പ്രതികൂലിച്ചും നിരവധി പേരാണ് രംഗത്തെത്തിയത്. കൂടുതൽ പേരും അദ്ദേഹത്തെ പിന്തുണക്കുന്ന മറുപടിയാണ് പോസ്റ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.