ഹോളിവുഡില്‍ ഏറ്റവും കൂടുതൽ പ്രതിഫലം വാങ്ങുന്ന അഭിനേതാക്കളുടെ പട്ടികയിൽ ഒന്നാമതെത്തി നടി എമ്മ സ്റ്റോൺ. ഫോബ്സ് മാസിക പുറത്തിറക്കിയ പട്ടികയിലാണ് എമ്മക്ക് ഒന്നാം സ്ഥാനം. 26 ദശലക്ഷം ഡോളര്‍ ആണ് കഴിഞ്ഞ വര്‍ഷം സിനിമയില്‍ നിന്ന് ഓസ്കര്‍ ജേതാവ് കൂടിയായ എമ്മ സ്റ്റോണ്‍ നേടിയത്. നീല്‍സണ്‍, കോംസ്‌കോര്‍, ഐ.എം.ഡി.ബി എന്നിവര്‍ സംയുക്തമായി തയാറാക്കിയ പട്ടിക പരിഗണിച്ചിരിക്കുന്നത് 2016 ജൂണ്‍ ഒന്ന് മുതല്‍ 2017 ജൂണ്‍ ഒന്ന് വരെയുള്ള താരങ്ങളുടെ വരുമാനമാണ്.
മുന്‍ വര്‍ഷത്തില്‍ ഒന്നാം സ്ഥാനത്തായിരുന്ന ജെന്നിഫര്‍ ലോറന്‍സിനെയും എമ്മ വാട്സണെയും പിന്തള്ളിയാണ് എമ്മ സ്റ്റോണ്‍ ഇക്കുറി മുന്നിലെത്തിയത്. കഴിഞ്ഞ വര്‍ഷം ഒരു കോടി ഡോളറായിരുന്ന പ്രതിഫല തുകയില്‍ ഈ വര്‍ഷം 160 ശതമാനം വര്‍ധനവാണ് ഉണ്ടായത്. 28 കാരിയായ എമ്മ സ്റ്റോണ്‍ നേരത്തെ പ്രതിഫല തുകയിലെ സ്ത്രീ പുരുഷ വിവേചനത്തെ കുറിച്ച് പ്രതികരിച്ചിരുന്നു. ജെന്നിഫര്‍ ലോറണ്‍സ് ആണ് രണ്ടാം സ്ഥാനത്ത്. കഴിഞ്ഞ വര്‍ഷം ഒന്നാം സ്ഥാനത്തായിരുന്ന ജെന്നിഫര്‍ ലോറന്‍സ് ഈ വര്‍ഷം നേടിയത് 24 ദശലക്ഷം ഡോളര്‍ ആണ്. ആദ്യ പത്ത് സ്ഥാനത്തുള്ളവരും 11. ദശലക്ഷത്തിന് മുകളില്‍ സമ്പാദിച്ചവരാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.