കൊൽക്കത്ത: ഊബർ ഡ്രൈവർ യാത്രക്കിടെ കൈയേറ്റത്തിന് ശ്രമിച്ച് കാറിൽ നിന്ന് ഇറക്കി വിട്ടതായി കാണിച്ച് ബംഗാ ളി ടെിലിവിഷൻ നടി സ്വസ്തിക ദത്ത പൊലീസിൽ പരാതി നൽകി. നടിയുടെ പരാതിയെ തുടർന്ന് ജംെഷദ് എന്ന ഡ്രൈവറെ പൊലീസ് അറസ്റ്റ് ചെയ്തു. ബുധനാഴ്ചയാണ് കേസിനാസ്പദമായ സംഭവം നടന്നത്. ഡ്രൈവറുടെ ചിത്രവും ഫോൺ നമ്പറും വാഹനത്തിൻെ റ നമ്പർ പ്ലേറ്റിൻെറ ചിത്രവുമടക്കം സ്വസ്തിക ഫേസ്ബുക്കിൽ കുറിപ്പിട്ടിരുന്നു.
താൻ വീട്ടിൽ നിന്ന് സ്റ്റുഡിയോവിലേക്ക് ഊബർ ബുക് ചെയ്തിട്ടുണ്ടായിരുന്നു. രാവിലെ 8.15ന് ജംഷെദ് എന്നയാൾ കാറുമായി വന്ന് തന്നെ കൂട്ടി. എന്നാൽ പെട്ടെന്ന് പാതിവഴിയിൽ വെച്ച് അയാൾ യാത്ര റദ്ദാക്കി തന്നോട് കാറിൽ നിന്ന് ഇറങ്ങാൻ ആവശ്യപ്പെടുകയായിരുന്നുവെന്ന് സ്വസ്തിക ഫേസ്ബുക്കിൽ കുറിച്ചു.
ഡ്രൈവറുടെ നിർദേശം അവഗണിച്ചതോടെ അയാൾ കാർ തിരിച്ച് അയാളുടെ പ്രദേശത്തേക്ക് തന്നെ കൊണ്ടുപോയി. തുടർന്ന് തന്നെ അപമാനിക്കാൻ തുടങ്ങി. അയാൾ കാറിൽ നിന്ന് ഇറങ്ങി താനിരുന്ന ഭാഗത്തെ ഡോർ തുറന്ന് തന്നെ പുറത്തേക്ക് വലിച്ചിട്ടു. സഹായമഭ്യർത്ഥിച്ചപ്പോൾ ഡ്രൈവർ തന്നെ ഭീഷണിപ്പെടുത്തുകയും മറ്റ് ആളുകളെ വിളിക്കുകയും ചെയ്തു. താൻ അക്ഷരാർത്ഥത്തിൽ കാറിൽ നിന്ന് പുറത്തേക്കെറിയപ്പെട്ടുവെന്നും അപമാനിതയായെന്നും അവർ കുറിച്ചു.
ഷൂട്ടിങ്ങിനെത്താൻ വൈകിയതിനാൽ തൻെറ യൂണിറ്റ് തന്നേയും കാത്തിരിക്കുകയായിരുന്നു. പിന്നീട് പിതാവിനെ വിളിച്ച് കാര്യം പറഞ്ഞു. ഉത്തർ പഞ്ചാനയിൽ ഇ.എം ബൈപ്പാസിലെ ദേവ്ദാസ് റെസ്റ്റോറൻറിന് മുന്നിൽ വെച്ച് ബുധനാഴ്ച രാവിലെ 8.15നും 8.45നും മധ്യേ ആയിരുന്നു സംഭവമെന്ന് സ്വസ്തി വ്യക്തമാക്കി. സംഭവത്തിൽ ആവശ്യമായ നിയമനടപടികൾ കൈക്കൊള്ളുമെന്നും അവർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.