കീര്‍ത്തി സൂരേഷ് കേന്ദ്ര കഥാപാത്രമാകുന്ന പെന്‍ഗ്വിന്‍ സിനിമയുടെ ടീസര്‍ പുറത്തുവിട്ടു. ഒ.ടി.ടി റിലീസായി പുറത്തെത്തുന്ന ചിത്രത്തിെൻറ ടീസർ പ്രശസ്ത നടിമാരായ സാമന്ത അക്കിനേനിയും താപ്‌സീ പന്നുവും ത്രിഷയും മഞ്ജു വാര്യരും ചേര്‍ന്നാണ് റിലീസ് ചെയ്തത്.
ആമസോണ്‍ പ്രൈം വിഡിയോയിലൂടെ മാത്രമായി ജൂണ്‍ 19-ന് വേള്‍ഡ് പ്രീമിയറിന് തയ്യാറെടുക്കുന്ന ഈ സൈക്കോളജിക്കല്‍ ത്രില്ലര്‍, തെൻറ കുഞ്ഞിനെ രക്ഷിക്കാനുള്ള ഒരമ്മയുടെ വികാരനിര്‍ഭരവും സാഹസികവുമായ യാത്രയുടെ കഥയാണ്.
കാര്‍ത്തിക് സുബ്ബരാജ്, സ്‌റ്റോണ്‍ ബെഞ്ച് ഫിലിംസ്, പാഷന്‍ സ്റ്റുഡിയോസ് എന്നിവര്‍ ചേര്‍ന്ന് നിര്‍മിക്കുന്ന ചിത്രത്തിെൻറ പോസ്റ്റര്‍ കഴിഞ്ഞ ദിവസമാണ് റിലീസ് ചെയ്തത്. തമിഴിലും തെലുങ്കിലും മലയാളത്തില്‍ ഡബ് ചെയ്തെത്തുന്ന ചിത്രം തമിഴിൽ നിന്ന് നേരിട്ട് ഒ.ടി.ടി റിലീസായി വരുന്ന രണ്ടാമത്തെ ചിത്രമാണ്. നേരത്തെ ജ്യോതിക നായികയായ പൊൻമകൾ വന്താൽ എന്ന ചിത്രമാണ് ഇത്തരത്തിൽ പ്രേക്ഷകരിലേക്ക് എത്തിയത്. ചിത്രത്തിന് മികച്ച പ്രതികരണമായിരുന്നു ലഭിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.