ന്യൂഡൽഹി: കേന്ദ്രമന്ത്രി വിജയ് ഗോയലിനെ തിരുത്തി ദംഗൽ ചിത്രത്തിലെ നടി സൈറ വസീം. ന്യൂഡൽഹിയിൽ നടന്ന ആർട് ഫെസ്റ്റിവലിൽ ബുർഖ ധരിച്ചിരിക്കുന്ന സ്ത്രീ തടവിലാക്കപ്പെട്ടവളാണെന്ന് സൂചിപ്പിക്കുന്ന ചിത്രത്തെ മന്ത്രി സൈറ വസീമിനോട് ഉപമിച്ച് ട്വീറ്റ് ചെയ്യുകയായിരുന്നു. എന്നാൽ മന്ത്രിക്കെതിരെ രംഗത്തെത്തിയ സൈറ താൻ ഇതിനോട് പൂർണമായും വിയോജിക്കുന്നതായും ഹിജാബിനുള്ളിൽ പെണ്ണ് സ്വതന്ത്രയും സൗന്ദര്യമുള്ളവളുമാണെന്ന് മറുപടി നൽകുകയും ചെയ്തു.
This painting tells a story similar to @zairawasim, पिंजरा तोड़ कर हमारी बेटियां बढ़ने लगी हैं आगे | More power to our daughters!
— Vijay Goel (@VijayGoelBJP) January 19, 2017
2/2 pic.twitter.com/RaolLKrZeg
@VijayGoelBJP Women in hijab are beautiful and free (2/3)
— Zaira Wasim (@zairawasim) January 20, 2017
നേരത്തെ കശ്മീർ മുഖ്യമന്ത്രി മെഹബൂബ മുഫ്തിയെ സന്ദർശിച്ചതിന് സൈറക്കെതിരെ നവമാധ്യമങ്ങളിൽ പരിഹാസവും വിമര്‍ശനവും ഉയരുകയും ഇതേതുടർന്ന് എന്തിനെന്ന് വ്യക്തമാക്കാതെ സൈറ മാപ്പു പറയുന്ന നീണ്ട കുറിപ്പ് ഫെയ്സ്ബുക്ക് പേജില്‍ പോസ്റ്റ് ചെയ്യുകയുമുണ്ടായിരുന്നു.
സമീപകാലത്തെ തന്‍റെ ചില പ്രവര്‍ത്തികളുടെ പേരില്‍ മാപ്പു പറയുന്നുവെന്നും കഴിഞ്ഞ ആറുമാസമായി കശ്മീരിൽ നടക്കുന്ന സംഭവ വികാസങ്ങൾ പരിഗണിക്കുമ്പോള്‍ ആ വികാരം മനസ്സിലാക്കുന്നു എന്നുമാണ് സൈറ ഫേസ്ബുക്കിൽ കുറിച്ചത്. പീന്നീട് ഇൗ പോസ്റ്റും അവർ പിൻവലിച്ചു. സൈറയെ പിന്തുണച്ച് കേന്ദ്രമന്ത്രി വെങ്കയ്യനായിഡു, ആമിർഖാൻ, ഗൗതംഗംഭീർ എന്നിവർ രംഗത്തെത്തിയിരുന്നു. ഇതിന് പിന്നാലെയാണ് പുതിയ വിവാദം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.