ന്യൂഡൽഹി: ഡി.ജെ പാർട്ടിക്കിടെ പാട്ടിനെ ചൊല്ലിയുള്ള തർക്കത്തെ തുടർന്ന് രണ്ട് യുവാക്കൾക്ക് വെടിയേറ്റു. പടിഞ്ഞാറൻ ഡൽഹിയിലെ പലാം ഗ്രാമത്തിലാണ് സംഭവം. ‘ബുള്ളറ്റ് രാജ’ എന്ന ബോളിവുഡ് സിനിമയിലെ പാട്ട് വീണ്ടും അവതരിപ്പിക്കാൻ ആവശ്യപ്പെട്ട രണ്ടുപേർക്കെതിരെ ഡി.ജെയും സംഘവും ചേർന്ന് വെടിയുതിർക്കുകയായിരുന്നു. ഷാൻങ്കി(23), തുഷാർ ഭരദ്വാജ്(16) എന്നിവർക്കാണ് വെടിയേറ്റത്. സംഭവത്തിൽ ഡി.ജെ അക്ഷയ്(19), സുഹൃത്തുക്കളായ സജ്ഞയ് ശർമ(29), ആഷിഷ് ശർമ(23) എന്നിവരെ പൊലീസ് അറസ്റ്റ് ചെയ്തു.
ഞായറാഴ്ച രാത്രി നടന്ന കുടുംബ പരിപാടിക്കിടെയാണ് അക്രമ സംഭവങ്ങൾ നടന്നത്. ഒരേ പാട്ട് വീണ്ടും അവതരിപ്പിക്കാൻ ഷാൻങ്കിയും തുഷാറും നിരവധി തവണ അക്ഷയ്യെ നിർബന്ധിപ്പിക്കുകയായിരുന്നു. കുപിതനായ അക്ഷയ് തെൻറ ടീം അംഗങ്ങളെ വിളിച്ചു വരുത്തുകയും സഹോദരങ്ങൾക്ക് നേരെ വെടിയുതിർക്കുകയും ചെയ്തു.
അക്രമത്തിനുശേഷം ഇവർ രക്ഷപ്പെട്ടു. പൊലീസ് എത്തിയാണ് പരിക്കേറ്റവരെ ആശുപത്രിയിൽ പ്രവേശിപ്പിച്ചത്. ദ്വാരകയിലെ ആശുപത്രിയിൽ പ്രവേശിപ്പിച്ച ഇവരുടെ നില ഗുരുതമായി തുടരുകയാണ്. ഒളിവിൽ പോയ പ്രതികളെ തിങ്കളാഴ്ചയാണ് പടിഞ്ഞാറൻ ഡൽഹിയിലെ ഒളിസേങ്കതത്തിൽ നിന്നും പൊലീസ് പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.