ലഖ്നോ: ബോളിവുഡ് ഗായിക കനിക കപൂറിന് കോവിഡ്19 സ്ഥീരികരിച്ചു. സമ്പർക്കവിലക്കിൽ കഴിയുകയായിരുന്ന തെൻറ സ്ര വങ്ങളുടെ പരിശോധനാഫലം പോസിറ്റീവാണെന്ന് തെളിഞ്ഞതായി താരം ട്വിറ്ററിലൂടെ അറിയിച്ചു.
പത്ത് ദിവസങ്ങള്‍ക്ക് മുമ്പാണ് കനിക ലണ്ടനില്‍ നിന്നും തിരിച്ചെത്തിയത്. തുടർന്ന് കനികക്കും കുടുംബത്തിനും സമ്പർക്ക വിലക്ക് ഏർപ്പെടുത്തിയിരുന്നു. എന്നാൽ കഴിഞ്ഞ നാലു ദിവസങ്ങളായി കനികക്ക് തൊണ്ട വേദനയും പനിയും മറ്റ് രോഗലക്ഷണങ്ങളും ഉണ്ടായി. തുടർന്ന് നടത്തിയ പരിശോധനയിൽ രോഗം സ്ഥിരീകരിക്കുകയായിരുന്നു. കനികയെ ലഖ്നോവിലെ ആശുപത്രിയിൽ പ്രവേശിപ്പിച്ചു.
പത്ത് ദിവസം മുമ്പ് എയര്‍പോര്‍ട്ടില്‍ നിന്നും കോവിഡ് പരിശോധന ചെയ്തിരുന്നു. അന്ന് നോര്‍മല്‍ ആയിരുന്നങ്കിലും വീട്ടിലെത്തി നാല് ദിവസത്തിനുള്ളില്‍ രോഗലക്ഷണങ്ങൾ കണ്ടുവരികയായിരുന്നുവെന്ന് കനിക അറിയിച്ചു.
രാജ്യത്ത് കോവിഡ് ബാധിതരുടെ എണ്ണം വർധിച്ച് വരികയാണ്. ഇതുവരെ 206 പേർക്കാണ് ഇന്ത്യയിൽ കോവിഡ്19 സ്ഥിരീകരിച്ചത്. ബോളിവുഡ് താരം അമിതാഭ് ബച്ചന്‍ അടക്കമുള്ളവര്‍ വീടുകളില്‍ നിരീക്ഷണത്തില്‍ കഴിയുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.