തിയറ്ററുകൾ പൂരപ്പറമ്പാക്കി മുന്നേറുന്ന മെഗാ സ്റ്റാർ മമ്മൂട്ടി ചിത്രം മധുരാജയുടെ ലൊക്കേഷൻ വിഡിയോ തരംഗമാവ ുന്നു. ചിത്രീകരണ വേളയിൽ മധുരരാജ കോസ്റ്റ്യൂമിലെത്തിയ ഒരു കൂട്ടം കുട്ടികൾ മമ്മൂട്ടിക്കൊപ്പം ഡാൻസ് ചെയ്യുന് ന വിഡിയോ ആണ് സമൂഹ മാധ്യമങ്ങളിൽ പ്രചരിക്കുന്നത്. ചിത്രത്തിൻെറ ടൈറ്റിൽ ട്രാക് ചിത്രീകരണ വേളയിലുള്ള ദൃശ്യങ്ങളായിരുന്നു അത്.
വൈശാഖ് സംവിധാനം ചെയ്ത മധുരരാജ വിഷു ചിത്രങ്ങളിൽ ഏറ്റവും കൂടുതൽ പ്രേക്ഷക പിന്തുണയോടെ കുതിക്കുകയാണ്. ആദ്യ ദിനം ലോകവ്യാപകമായി 9.2കോടിയോളം രൂപ കളക്ട് ചെയ്ത രാജ നാലാം ദിവസം പൂർത്തിയായപ്പോൾ ഇതുവരെ 30 കോടിക്ക് മുകളിൽ കളക്ഷൻ നേടി.
മമ്മൂട്ടിയുടെ ഇതുവരെയുള്ള സിനിമകളിലെ ഏറ്റവും മികച്ച സംഘട്ടന രംഗങ്ങളാണ് മധുരരാജയിൽ. നിരവധി ഹിറ്റ് ചിത്രങ്ങൾക്ക് സംഘട്ടനമൊരുക്കിയ പീറ്റർഹെയ്നാണ് വൈശാഖിന് വേണ്ടി മധുരരാജയിൽ പ്രവർത്തിച്ചത്. സലിം കുമാർ, അജു വർഗീസ്, നെടുമുടി വേണു, സിദ്ധിഖ്, ഷംന കാസിം, അന്ന രേഷ്മ രാജൻ, അനുശ്രീ എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്. ഗോപി സുന്ദറാണ് ചിത്രത്തിനായി സംഗീതം ഒരുക്കിയിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.