മഞ്ചേരി: സമൂഹമാധ്യമമായ ‘ടിക്ക് ടോക്കി’ൽ താരമായ നാല് വയസ്സുകാരി എയ്മി നാഷിനെ നേരില്‍ കാണാനുള്ള താൽപര്യമറിയി ച്ച് നടൻ മമ്മൂട്ടി. മമ്മൂട്ടി അഭിനയിച്ച ‘മധുരരാജ’ എന്ന ചിത്രത്തിലെ ഗാനത്തിനനുസരിച്ചുള്ള മഞ്ചേരി സ്വദേശിനി എയ്മിയുടെ ചുവടുവെപ്പാണ് വൈറലായത്. ചിത്രത്തിെൻറ പോസ്റ്റര്‍ പിടിച്ചുനില്‍ക്കുന്ന കുട്ടിയുടെ ചിത്രം സോഷ്യല ്‍ മീഡിയയില്‍ ഇതിനകം സുപരിചിതമായി.
പാണ്ടിക്കാട് കാട്ടില്‍ കുടുംബത്തിലെ നൗഷാദിെൻറയും റുമൈഷ ഷെറിെൻറയും മകളായ ഇവൾ മധുരരാജ ചിത്രത്തിലെ ‘രാജ രാജ’ എന്ന ഗാനം കേട്ടാലുടൻ നൃത്തം ചെയ്യും. ഇതിെൻറ വിഡിയോ പിതാവ് നൗഷാദ് തന്നെയാണ് ടിക്ക് ടോക്കിൽ പോസ്റ്റ് ചെയ്തത്. നിരവധി പേർ കണ്ട ഈ വിഡിയോ, മമ്മൂട്ടിയുടെ ശ്രദ്ധയിൽപെടുകയും എയ്മിയെ കാണാൻ താൽപര്യം പ്രകടിപ്പിക്കുകയും ചെയ്തു.
‘മധുരരാജ’യുടെ ആക്ഷൻ ഡയറക്ടർ പീറ്റര്‍ ഹെയ്നും ‘ലിറ്റിൽ ഫാൻ’ എന്ന അടിക്കുറിപ്പോടെ തെൻറ ഫേസ്ബുക്ക് പേജിൽ ചിത്രം പോസ്റ്റ് ചെയ്തിട്ടുണ്ട്. മമ്മൂട്ടിയുടെയും മെസ്സിയുടെയും ആരാധികയായ എയ്മി, ‘അര്‍ജൻറീന ഫാന്‍സ് കാട്ടൂര്‍ക്കടവ്’ എന്ന ചിത്രത്തിലും വ്യാപാരസ്ഥാപനങ്ങളുടെ പരസ്യമോഡലായും അഭിനയിച്ചിട്ടുണ്ട്. മമ്മുക്കയെ നേരില്‍ കാണാനാകുമെന്ന പ്രതീക്ഷയിലാണിപ്പോൾ കുഞ്ഞാരാധികയും കുടുംബവും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.