എസ്. പി. വെങ്കിടേഷിനെ വീണ്ടും സ്വീകരിച്ച് കേരളം. എസ്.പിയുടെ സംഗീതസംവിധാനത്തിൽ പുറത്തിറങ്ങിയ ‘മൂകഭാവം തരളമായ്...’ എന്നു തുടങ്ങുന്ന ഗാനം അഞ്ചു ദിവസംകൊണ്ട് അര ലക്ഷത്തിലേറെ പേരാണ് Anon Trendz യൂട്യൂബിൽ കണ്ടത്. മലയാളത്തിന്റെ ഭാവഗായകൻ ജയചന്ദ്രനാണ് ഗാനം ആലപിച്ചിരിക്കുന്നത്.
ഒരുകാലത്ത് സംഗീതത്തിലൂടെ മലയാളികളുടെ ഹൃദയം കീഴടക്കിയ എസ്.പി. വെങ്കടേഷിന്റെ വർഷങ്ങൾക്കു ശേഷം മലയാള സിനിമയിലേക്കുള്ള തിരിച്ചുവരവു കൂടിയാണീ സിനിമ. ചിത്രത്തിന്റെ പശ്ചാത്തല സംഗീതവും എസ്.പിയാണ് ഒരുക്കിയത്. വാസു അരീക്കോടാണ് ഗാനങ്ങൾ രചിച്ചിരിക്കുന്നത്.പ്രഭാകരൻ നറുകര, കെ.ടി. ജയചന്ദ്രൻ എന്നിവർ എഴുതിയ ഗാനങ്ങളും ചിത്രത്തിലുണ്ട്. തമിഴിൽ (രാമുവിൻ മനൈവികൾ) വൈരഭാരതിയാണ് ഗാനങ്ങൾ എഴുതിയത്. പി. ജയചന്ദ്രൻ, രഞ്ജിത്ത് ഉണ്ണി, വി.വി. പ്രസന്ന, നിമിഷ കുറുപ്പത്ത് എന്നിവർ ഗാനങ്ങൾ ആലപിച്ചു.
സുധീഷ് സുബ്രഹ്മണ്യം സംവിധാനം ചെയ്ത ‘രാമുവിന്റെ മനൈവികൾ’ നവംബർ 22ന് പ്രദർശനത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.