എ.ആർ റഹ്മാൻ ഒരുക്കിയ ഹോക്കി ലോകകപ്പ് തീം സോങ് പുറത്തുവിട്ടു. ‘ജയ് ഹിന്ദ് ഹിന്ദ് ജയ് ഇന്ത്യാ’ എന്ന് തുടങ്ങുന്ന ഗാനത്തിൽ ബോളിവുഡിെൻറ ബാദ്ഷാഹ് ഷാരൂഖ് ഖാനും തെന്നിന്ത്യൻ താരറാണി നയൻതാരയും കടന്നുവരുന്നുണ്ട്.
ഗുൽസാറിെൻറ വരികൾക്ക് എ.ആർ റഹ്മാൻ സംഗീതം നൽകി ആലപിച്ച ഗാനം നിർമിച്ചിരിക്കുന്നതും റഹ്മാൻ തന്നെയാണ്. നകുൽ അബിൻകർ, എം.സി ഹീം എന്നിവരും റഹ്മാനൊപ്പം ഗാനം പാടിയിരിക്കുന്നു. രവി വർമനാണ് ഗാനത്തിന് മനോഹര രംഗങ്ങൾ ഒപ്പിയെടുത്തിരിക്കുന്നത്.
സംഗീത രംഗത്ത് നിന്നും ശിവമണി, നീതി മോഹൻ, സാശ ത്രിപാദി, ശ്വേത പണ്ഡിറ്റ്, ഹർഷദീപ് എന്നിവരും ഗാനത്തിൽ വന്നുപോകുന്നുണ്ട്. ഇന്ത്യയുടെ ഹോക്കി ലോകകപ്പ് താരങ്ങളെയും ഉൾപെടുത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.