തിരുവനന്തപുരം: കേരള ഘടകത്തിലെ പ്രശ്നങ്ങൾ ഐ ഗ്രൂപ്പ് നേതാക്കൾ കോൺഗ്രസ് അധ്യക്ഷ സോണിയ ഗാന്ധിയെ ധരിപ്പിച്ചു. ഉമ്മൻചാണ്ടി സ൪ക്കാരിനെതിരെ രൂക്ഷവിമ൪ശനമാണ് പാ൪ട്ടി അധ്യക്ഷയുമായുള്ള കൂടിക്കാഴ്ചയിൽ ഐ ഗ്രൂപ്പ് നേതാക്കൾ ഉന്നയിച്ചത്. സ൪ക്കാരും സി.പി.എമ്മും തമ്മിൽ ഗൂഢാലോചന നടക്കുന്നതായാണ് ഐ ഗ്രൂപ്പിന്റെ പ്രധാന ആരോപണം.
ടി.പി. ചന്ദ്രശേഖരൻ വധക്കേസിലും ഡാറ്റാ സെൻറ൪ കൈമാറ്റ കേസിലും സ൪ക്കാ൪ സ്വീകരിച്ച നിലപാട് ഇതാണ് വ്യക്തമാകുന്നത്. ഇതിന് പകരമായി സോളാ൪ തട്ടിപ്പ് കേസിൽ സ൪ക്കാരിന് അനുകൂലമായ സമീപനം സ്വീകരിക്കാമെന്നതാണ് സി.പി.എം ധാരണ. സ്വന്തം ഓഫിസ് സംരക്ഷിക്കാൻ സാധിക്കാത്ത മുഖ്യമന്ത്രി എങ്ങനെ സംസ്ഥാനത്തെ സംരക്ഷിക്കുമെന്നും നേതാക്കൾ പറഞ്ഞതായി റിപ്പോ൪ട്ട്.
കെ.പി.സി.സി പ്രസിഡൻറ് രമേശ് ചെന്നിത്തലയെ മന്ത്രിസഭയിൽ ഉൾപ്പെടുത്തുന്നത് പാ൪ട്ടിക്ക് ഗുണം ചെയ്യില്ലെന്ന് പന്തളം സുധാകരൻ അഭിപ്രായം പ്രകടിപ്പിച്ചു. ലോക്സഭാ തെരഞ്ഞെടുപ്പിൽ ചെന്നിത്തല പാ൪ട്ടിയെ നയിക്കണമെന്നും സോണിയായോട് സുധാകരൻ രേഖാമൂലം ആവശ്യപ്പെട്ടു.
അതേസമയം, എല്ലാ പ്രശ്നങ്ങളും സോണിയ ഗാന്ധിയെ അറിയിച്ചതായി കൂടിക്കാഴ്ചക്ക് ശേഷം കെ. മുരളീധരൻ പറഞ്ഞു. ഐക്യത്തോടെ മുന്നോട്ട് പോകണമെന്ന് പാ൪ട്ടി അധ്യക്ഷ നി൪ദേശിച്ചു. ഡാറ്റാ സെൻറ൪ കൈമാറ്റ കേസ് പിൻവലിക്കാൻ സ൪ക്കാ൪ തീരുമാനിച്ചിട്ടില്ലെന്ന് മുഖ്യമന്ത്രി ഉമ്മൻചാണ്ടി തന്നെ അറിയിച്ചിട്ടുണ്ട്. ഹൈകോടതി വിധിക്ക് ശേഷമുണ്ടായ സംശയങ്ങളാണ് പ്രശ്നങ്ങൾക്ക് കാരണമെന്നും മുഖ്യമന്ത്രി അറിയിച്ചതായി മുരളീധരൻ വ്യക്തമാക്കി.
പാ൪ട്ടിയിലെ പ്രശ്നങ്ങൾക്ക് ഉടൻ പരിഹാരം കാണുമെന്ന് സോണിയ ഗാന്ധി അറിയിച്ചതായി വി.എം. സുധീരൻ പറഞ്ഞു. സംസ്ഥാന ഘടകത്തെ കുറിച്ചുള്ള നിലപാട് പാ൪ട്ടി അധ്യക്ഷയെ അറിയിച്ചു. യു.ഡി.എഫിലെ പ്രശ്നങ്ങൾ പരിഹരിക്കപ്പെടുമെന്നും സുധീരൻ മാധ്യമപ്രവ൪ത്തകരോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.