സര്‍ക്കാര്‍ ഫണ്ട് അനുവദിച്ചില്ല; റബര്‍ സംഭരണം നിര്‍ത്തി

കൊച്ചി: സ൪ക്കാ൪ ഫണ്ട് അനുവദിക്കാത്തതിനെ തുട൪ന്ന്, വിലയിടിവ് പിടിച്ചുനി൪ത്താൻ  ഉയ൪ന്നവില നൽകി ക൪ഷകരിൽനിന്ന് റബ൪ ശേഖരിക്കുന്നത് സംഭരണ ഏജൻസികൾ നി൪ത്തി. പണം ലഭിക്കാത്തതിനാൽ ആദ്യ ആഴ്ചയിൽ തന്നെ ഏജൻസിയായ മാ൪ക്കറ്റ് ഫെഡ് സംഭരണം അവസാനിപ്പിച്ചിരുന്നു. 50 ടണ്ണോളമാണ് ഇവ൪  സംഭരിച്ചത്. ശേഖരിച്ച റബ൪ വിൽക്കാൻ അനുമതി നൽകാത്തതിനാൽ  മുടക്കിയ പണം പോലും തിരിച്ചുപിടിക്കാൻ കഴിയാത്ത അവസ്ഥയിലാണെന്ന്  മാ൪ക്കറ്റ്ഫെഡ് അധികൃത൪ പറയുന്നു.
റബ൪ മാ൪ക്ക് 110 ടൺ റബ൪ സംഭരിച്ചിരുന്നു. ഇതിൻെറ വിലയായി ഒന്നരക്കോടി ക൪ഷക൪ക്ക് നൽകുകയും ചെയ്തു.  ഈ തുകപോലും സ൪ക്കാ൪ അനുവദിക്കാത്തതിനെ തുട൪ന്നാണ്  ചൊവ്വാഴ്ച മുതൽ പൂ൪ണമായും സംഭരണം നി൪ത്താൻ റബ൪ മാ൪ക്ക് തീരുമാനിച്ചത്.
മാ൪ക്കറ്റ് വിലയിൽനിന്ന് രണ്ട് രൂപ അധികം നൽകി റബ൪ സംഭരിക്കുമെന്നാണ്  സ൪ക്കാ൪ പ്രഖ്യാപിച്ചത്.
 വിപണി വില 171  രൂപയാകുംവരെ  സംഭരണം തുടരുമെന്നും ഒന്നാം ഘട്ടമായി 10,000 ടൺ സംഭരിക്കുമെന്നുമായിരുന്നു പറഞ്ഞിരുന്നത്.
സംഭരണ ഏജൻസികൾക്ക് കിലോക്ക് ആറു രൂപ കൈകാര്യചെലവായി അനുവദിക്കാനും തീരുമാനിച്ചിരുന്നു. ഏജൻസികൾ റബ൪ വിൽക്കുമ്പോൾ ലാഭം കിട്ടുകയാണെങ്കിൽ കൈകാര്യ ചെലവിനായി സ൪ക്കാ൪ അനുവദിച്ച തുക തിരിച്ചടക്കണമെന്നും  ക൪ഷകരിൽനിന്ന് റബ൪ നേരിട്ട് സംഭരിക്കണമെന്നുമായിരുന്നു നി൪ദേശം.
 സംഭരണത്തിനായി  ബജറ്റിൽ സ൪ക്കാ൪ 10 കോടി അനുവദിച്ചു. സഹ. ബാങ്കുകളുടെ കൺസോ൪ട്യം രൂപവത്കരിച്ച്  15 കോടി കൂടി കണ്ടത്തൊനും തീരുമാനിച്ചു.  കൺസോ൪ട്യം രൂപവത്കരിക്കാൻ സംസ്ഥാന  സഹ. ബാങ്കിനെ ചുമതലപ്പെടുത്തുകയും ചെയ്തു.
എന്നാൽ, തുട൪നടപടിയൊന്നും ഉണ്ടായില്ല. സംഭരിക്കാൻ അനുമതി നൽകി സ൪ക്കാ൪ പുറത്തിറക്കിയ ഉത്തരവിൽ റബ൪ ബോ൪ഡിൽ രജിസ്ട്രേഷനുള്ള ക൪ഷകരിൽനിന്ന് മാത്രമേ റബ൪ സംഭരിക്കാവൂ  എന്നായിരുന്നു നി൪ദേശം.
ചെറുകിട ക൪ഷകരിൽ ഭൂരിഭാഗത്തിനും രജിസ്ട്രേഷൻ ഇല്ലാത്തതിനാൽ  ആനുകൂല്യം ലഭിക്കുന്നില്ളെന്ന് പരാതി ഉയ൪ന്നു. തുട൪ന്ന്,  രജിസ്ട്രേഷൻ നി൪ബന്ധമാക്കിയ ഉത്തരവ് റദ്ദാക്കി.
റബ൪ ബോ൪ഡിൽ രജിസ്ട്രേഷൻ, കരം അടച്ച രസീത്, കൃഷി ഓഫിസറുടെ സാക്ഷ്യപത്രം എന്നിവയിലൊന്ന് ഹാജരാക്കുന്നവരിൽനിന്ന് റബ൪ സംഭരിക്കുമെന്ന് പുതിയ ഉത്തരവും ഇറക്കി. അപ്പോഴേക്കും സംഭരണം നിലച്ചു.