ഓ​ണാ​വ​ധി ക​ഴി​ഞ്ഞ് മ​ട​ങ്ങാ​ൻ പെ​ടാ​പ്പാ​ട്

ക​ണ്ണൂ​ർ: ഓ​ണാ​വ​ധി ക​ഴി​ഞ്ഞ് ജോ​ലി​സ്ഥ​ല​ത്തേ​ക്കും വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലേ​ക്കും മ​ട​ങ്ങാ​ൻ ബു​ദ്ധി​മു​ട്ടി ജ​ന​ങ്ങ​ൾ. അ​വ​ധി ക​ഴി​ഞ്ഞ് മ​ട​ങ്ങു​ന്ന ഉ​ദ്യോ​ഗ​സ്ഥ​രും വി​ദ്യാ​ർ​ഥി​ക​ളും തൊ​ഴി​ലാ​ളി​ക​ളു​മെ​ല്ലാം തി​ര​ക്കു​മൂ​ലം ബ​സു​ക​ളി​ലും ട്രെ​യി​നു​ക​ളി​ലും തി​ങ്ങി​ഞെ​രു​ങ്ങു​ന്ന അ​വ​സ്ഥ​യാ​ണ്. റി​സ​ർ​വ് ചെ​യ്ത് പോ​കാ​ൻ ടി​ക്ക​റ്റും ല​ഭ്യ​മ​ല്ല. ബം​ഗ​ളൂ​രു, ചെ​ന്നൈ, തി​രു​വ​ന​ന്ത​പു​രം, മം​ഗ​ളൂ​രു വ​ണ്ടി​ക​ളി​ലെ​ല്ലാം വെ​യി​റ്റി​ങ് ലി​സ്റ്റ് 100 ക​ട​ന്നു. ഓ​ണ​വും ന​ബി​ദി​ന​വും ആ​ഘോ​ഷി​ക്കാ​ൻ നാ​ട്ടി​ലെ​ത്തി​യ​വ​ർ ചൊ​വ്വാ​ഴ്ച​യും ബു​ധ​നാ​ഴ്ച​യു​മാ​യാ​ണ് മ​ട​ങ്ങു​ന്ന​ത്.

ക​ണ്ണൂ​ർ, ത​ല​ശ്ശേ​രി, പ​യ്യ​ന്നൂ​ർ സ്റ്റേ​ഷ​നു​ക​ളി​ൽ​നി​ന്ന് മം​ഗ​ളൂ​രു, ഷൊ​ർ​ണൂ​ർ ഭാ​ഗ​ത്തേ​ക്കു​ള്ള ട്രെ​യി​നു​ക​ളി​ൽ വ​ലി​യ തി​ര​ക്കാ​ണ് ചൊ​വ്വാ​ഴ്ച അ​നു​ഭ​വ​പ്പെ​ട്ട​ത്. കോ​യ​മ്പ​ത്തൂ​ർ -മം​ഗ​ളൂ​രു ഇ​ന്റ​ർ​സി​റ്റി​യി​ൽ കാ​ലുകു​ത്താ​ൻ ഇ​ട​മു​ണ്ടാ​യി​ല്ല. മം​ഗ​ളൂ​രു ഭാ​ഗ​ത്തേ​ക്കു​ള്ള വി​ദ്യാ​ർ​ഥി​ക​ൾ കൂ​ടു​ത​ലാ​യും ആ​ശ്ര​യി​ക്കു​ന്ന​ത് ഈ ​വ​ണ്ടി​യെ​യാ​ണ്.

ഇ​ത​ര​സം​സ്ഥാ​ന​ങ്ങ​ളി​ൽ​നി​ന്ന് ഓ​ണം ആ​ഘോ​ഷി​ക്കാ​ൻ നാ​ട്ടി​ലെ​ത്തി​യ മ​ല​യാ​ളി​ക​ൾ​ക്ക് വ​ർ​ഷ​ങ്ങ​ളാ​യി ദു​രി​ത​യാ​ത്ര​യാ​ണ്. വ​ന്ദേ​ഭാ​ര​ത് ട്രെ​യി​നു​ക​ളി​ല​ട​ക്കം ടി​ക്ക​റ്റ് ല​ഭി​ക്കാ​നി​ല്ല. ആ​വ​ശ്യ​ത്തി​ന് സ്​​പെ​ഷ​ൻ ട്രെ​യി​നു​ക​ളും അ​ധി​ക കോ​ച്ചു​ക​ളും അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ലും പേ​രി​നു​മാ​ത്ര​മാ​ണ് ന​ൽ​കു​ക. പാ​ല​ക്കാ​ട് ഡി​വി​ഷ​നി​ൽ പ്ര​ഖ്യാ​പി​ക്ക​പ്പെ​ട്ട സ്​​പെ​ഷ​ൽ ട്രെ​യി​നു​ക​ളി​ൽ മി​ക്ക​വ​യും വ​ട​ക്കേ​മ​ല​ബാ​റി​ന്റെ യാ​ത്രാ​ദു​രി​തം പ​രി​ഹ​രി​ക്കു​ന്ന​ത​ല്ല. മ​ല​ബാ​ർ വ​ഴി പോ​കു​ന്ന വ​ണ്ടി​ക​ളി​ലൊ​ന്നും ടി​ക്ക​റ്റ് ല​ഭി​ക്കാ​നു​മി​ല്ല. ചെ​ന്നൈ-​ക​ണ്ണൂ​ർ, ക​ണ്ണൂ​ർ-​ചെ​ന്നൈ, ചെ​ന്നൈ-​മം​ഗ​ളൂ​രു, മം​ഗ​ളൂ​രു -ചെ​ന്നൈ റൂ​ട്ടി​ൽ ര​ണ്ട് സ്​​പെ​ഷ​ൽ ട്രെ​യി​നു​ക​ൾ അ​നു​വ​ദി​ച്ച​ത് യാ​ത്ര​ക്കാ​ർ​ക്ക് അ​ൽ​പം ആ​ശ്വാ​സ​മാ​യി​രു​ന്നു. 

നി​ര​ക്ക് കൂ​ട്ടി ബ​സു​ക​ൾ

ട്രെ​യി​നു​ക​ളി​ൽ ടി​ക്ക​റ്റ് ല​ഭി​ക്കാ​ത്ത​തോ​ടെ സ്വ​കാ​ര്യ ബ​സു​ക​ൾ നി​ര​ക്ക് കു​ത്ത​നെ കൂ​ട്ടി. ക​ണ്ണൂ​രി​ൽ​നി​ന്ന് ബം​ഗ​ളൂ​രു​വി​ലേ​ക്ക് 1000ല​ധി​ക​മാ​ണ് ടി​ക്ക​റ്റ് നി​ര​ക്ക്. സ്ലീ​പ്പ​ർ ബ​സു​ക​ൾ​ക്ക് 1500ലേ​റെ​യും. ഓ​ണ​ത്തി​ര​ക്കി​ൽ ആ​വ​ശ്യ​ത്തി​ന് കെ.​എ​സ്.​ആ​ർ.​ടി.​സി ബ​സു​ക​ളും സ​ർ​വി​സ് ന​ട​ത്തു​ന്നി​ല്ല. ഓ​ണ​ത്തി​ന് ക​ണ്ണൂ​രി​ൽ​നി​ന്ന് നാ​ലു സ്പെ​ഷ​ൽ ബ​സു​ക​ൾ സ​ർ​വി​സ് ന​ട​ത്തു​ന്നു​ണ്ടെ​ങ്കി​ലും ടി​ക്ക​റ്റ് ല​ഭി​ക്കാ​നി​ല്ല. വി​ദ്യാ​ർ​ഥി​ക​ളും വ്യാ​പാ​രി​ക​ളും ഐ.​ടി ജീ​വ​ന​ക്കാ​രു​മ​ട​ക്കം വ​ട​ക്ക​ൻ ജി​ല്ല​ക​ളി​ൽ​നി​ന്ന് പ​തി​നാ​യി​ര​ക്ക​ണ​ക്കി​ന് മ​ല​യാ​ളി​ക​ൾ​ക്ക് ബം​ഗ​ളൂ​രു​വി​ലെ​ത്താ​ൻ ന​ഗ​ര​ത്തി​ലേ​ക്കും തി​രി​ച്ച് നാ​ട്ടി​ലെ​ത്താ​നും ര​ണ്ടു ട്രെ​യി​നു​ക​ൾ മാ​ത്ര​മാ​ണ് ദി​വ​സേ​ന​യു​ള്ള​ത്. ക​ണ്ണൂ​ർ-​ബം​ഗ​ളൂ​രു എ​ക്സ്പ്ര​സ്, ക​ണ്ണൂ​ർ-​യ​ശ്വ​ന്ത്പൂ​ർ എ​ക്സ്പ്ര​സ് എ​ന്നീ വ​ണ്ടി​ക​ളി​ൽ ടി​ക്ക​റ്റു​ക​ൾ വെ​യി​റ്റി​ങ് ലി​സ്റ്റി​ലാ​ണ്. അ​വ​ധി ക​ഴി​ഞ്ഞ് ജോ​ലി​ക്കും ക്ലാ​സി​ലും ക​യ​റാ​നും വ്യാ​പാ​ര സ്ഥാ​പ​ന​ങ്ങ​ളി​ലെ​ത്താ​നു​മൊ​ക്കെ​യാ​യി സ്വ​ന്തം വ​ണ്ടി​യെ​ടു​ത്തും ടാ​ക്സി വി​ളി​ച്ചും പോ​​കേ​ണ്ട അ​വ​സ്ഥ​യാ​ണ് മ​ല​ബാ​റു​കാ​ർ​ക്ക്. സ്വ​ന്തം വാ​ഹ​ന​മി​ല്ലാ​ത്ത​വ​ർ​ക്ക് ജ​ന​റ​ൽ ടി​ക്ക​റ്റി​ൽ തി​ങ്ങി​ഞെ​രി​ഞ്ഞും ഇ​ര​ട്ടി​ത്തു​ക ന​ൽ​കി സ്വ​കാ​ര്യ ബ​സു​ക​ളി​ലും തി​രി​ച്ചു​പോ​ക​ണം.