സഫീർ
അൽഐൻ: പക്ഷാഘാതത്തെ തുടർന്ന് ചികിത്സയിൽ കഴിഞ്ഞുവന്ന പാലക്കാട് സ്വദേശി അൽഐനിലെ ആശുപത്രിയിൽ മരിച്ചു. പാലക്കാട് കൂറ്റനാട് കൂരിയറ്റ വീട്ടിൽ സഫീർ (34) ആണ് മരിച്ചത്. അൽഐനിൽ ജിം ട്രെയിനറായി ജോലി ചെയ്തുവരുകയായിരുന്നു.
കഴിഞ്ഞ ദിവസം താമസിക്കുന്ന റൂമിൽ വെച്ച് പക്ഷാഘാതം വന്നതിനെ തുടർന്ന് ആശുപത്രി വെന്‍റിലേറ്ററിലേക്ക് മാറ്റിയിരുന്നു. ശരീരത്തിൽ ഷുഗറിന്‍റെ അളവ് കൂടുതലായി കണ്ടെത്തിയിരുന്നു. കൂരിയറ്റ സൈതലവി - ഹസീന ദമ്പതികളുടെ മകനാണ്. ഷഹനയാണ് സഫീറിന്‍റെ ഭാര്യ. അയാൻ (6), അയ്ദിൻ (4) മക്കളാണ്.
അനുജൻ സജീർ ഷാർജയിലാണ്. ശനിയാഴ്ച മഗ്‌രിബ് നമസ്കാരാനന്തരം അൽഐനിൽ മയ്യിത്ത്‌ നമസ്‍കാരം നടക്കും. മൃതദേഹം നാട്ടിലെത്തിക്കാനുള്ള നടപടിക്രമങ്ങൾ പൂർത്തിയായിവരുകയാണെന്ന് അൽഐൻ കെ.എം.സി.സി ഭാരവാഹികളായ പി.ടി. അമീർ, സമദ് പൂന്താനം എന്നിവർ അറിയിച്ചു. അർധരാത്രിയോടെ മൃതദേഹം കോഴിക്കോട് എത്തിക്കാനാണ് തീരുമാനം. ഞായറാഴ്ച രാവിലെ ഖബറടക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.