ഡെസ്മണ്ട് ടുട്ടു; സ്​നേഹംകൊണ്ട്​ പടുക്കപ്പെ​ട്ടൊരാൾ

എവിടെയാ​െണങ്കിലും ആവുന്ന നന്മകൾ ചെയ്യുക, നന്മയുടെ ആ ചെറുകണങ്ങൾ ഒരുമിച്ചു ചേർന്ന്​ ഈ ലോകത്തെ പുളകമണിയിക്കും എന്നു പറഞ്ഞ ആർച്ച്​ ബിഷപ്​ ടുട്ടു നമ്മെ വിട്ടുപിരിഞ്ഞിരിക്കുന്നു, ലോകത്തിന്​ ഒരു അതികായനെ നഷ്​ടമായി. ധീരനായ നേതാവായിരുന്നു, അസാമാന്യ ഉൾക്കാഴ്​ചകൾ നിറഞ്ഞ ചിന്തകനും പ്രിയ സുഹൃത്തുമായിരുന്നു. ഒപ്പം കുസൃതി നിറഞ്ഞ ആനന്ദവുമായിരുന്നു.

ഒപ്പം ഇടപഴകാൻ ഭാഗ്യം ലഭിച്ചവർക്കും ലോകത്തിനും അദ്ദേഹം എന്തുമാത്രം പ്രചോദനമാണ്​ പകർന്നതെന്ന്​ പറഞ്ഞറിയിക്കാൻ പ്രയാസമായിരിക്കും. കൈമുതലായുണ്ടായ അനിതരസാധാരണമായ ധാർമിക ആർജവം ലോകത്തി​െൻറ വിടവുകൾ നികത്താനും എങ്ങനെ മാനുഷ്യരെല്ലാരും ഒന്നുപോലെ നിലകൊള്ളണമെന്ന്​ നമുക്ക്​ കാണിച്ചു തരുവാനുമാണ്​ ​ അദ്ദേഹം വിനിയോഗിച്ചത്​.

ആർച്ച്​ ബിഷപ്​ ടുട്ടുവി​െൻറ ഉറ്റ സ​​ുഹൃത്തായിരുന്ന നെൽസൺ മണ്ടേലയോട്​ പീറ്റർ ഗബ്രിയേലും ഞാനും ആഗോള നായകരുടെ ഒരു സ്വതന്ത്രകൂട്ടായ്​മയായി 'ദ എൽഡേഴ്​സ്​' രൂപം നൽകാൻ നിർദേശിച്ചതു മുതലാണ്​ ഞങ്ങളുടെ സൗഹൃദവും ആരംഭിക്കുന്നത്​. എൽഡേഴ്​സ്​ യാഥാർഥ്യമാക്കുന്നതിന്​ സഹായിക്കാൻ ബിഷപ്​ ടുട്ടുവിനോട്​ മണ്ടേല നിർദേശിക്കുകയായിരുന്നു. മാനവരാശി നേരിടുന്ന കടുത്ത വെല്ലുവിളികളെ മറികടക്കുന്നതിന്​ ആഗോള നായകരുടെ ശബ്​ദവും ധിഷണയും മധ്യസ്​ഥശേഷിയും ഫലപ്രദമായി ഉപയോഗിക്കുന്നതിൽ മനോഹരമായ പങ്കാണ്​ അദ്ദേഹം വഹിച്ചത്​. 2007 മുതൽ ആറു വർഷം എൽഡേഴ്​സി​െൻറ നേതൃസ്​ഥാനത്ത്​ അദ്ദേഹമുണ്ടായിരുന്നു.

വർണ വിവേചനത്തിനെതിരെ സന്ധിയില്ലാതെ പൊരുതി, ആഴത്തിൽ മുറിവേറ്റ ഒരു രാഷ്​ട്രത്തെ ഒരുമിപ്പിച്ച്​ നിർത്തുന്നതിൽ വഹിച്ച നിർണായക പങ്ക്​ പരിഗണിച്ചാണ്​ 1984ൽ അദ്ദേഹത്തിന്​ നൊ​േബൽ പുരസ്​കാരം ലഭിക്കുന്നത്​, ഏറ്റവും അർഹമായ ഒരു സമ്മാന നിർണയമായിരുന്നു അത്​.

നീതിക്കായി തളർച്ചയില്ലാതെ പൊരുതി, മനുഷ്യാവകാശങ്ങൾക്കായി അചഞ്ചലമായി നിലകൊണ്ടു; അധികാര കേന്ദ്രങ്ങൾക്കു മുന്നിൽ സത്യം വിളിച്ചു പറയുന്നതിൽ തീർത്തും ഭയരഹിതനുമായിരുന്നു. പ്രത്യാശയുടെയും പ്രതീക്ഷയുടെയും സ്​നേഹത്തി​െൻറയും സന്ദേശത്തിലൂടെ, ഭിന്നതകൾ മാറ്റിവെച്ച്​ എങ്ങനെ ഒരുമിക്കാമെന്നും ഇന്നലെയിൽനിന്ന്​ പാഠങ്ങളുൾക്കൊണ്ട്​ എങ്ങനെ നല്ലൊരു നാളെ കെട്ടിപ്പടുക്കാമെന്നും ദക്ഷിണാഫ്രിക്കയെയും ലോകത്തെയും അദ്ദേഹം പഠിപ്പിച്ചു.

അദ്ദേഹവും ഭാര്യ ലിയയും തമ്മിലെ ബന്ധം അതിശയകരമായിരുന്നു. അവർ പരസ്പരം പിന്തുണച്ചിരുന്നതും സഹകരിച്ചിരുന്ന​തുമെങ്ങനെയെന്ന്​ ഓർക്കാൻ തന്നെ എനിക്ക്​ വലിയ ഇഷ്​ടമാണ്​. ലിയക്ക്​ കിടക്കയിലേക്ക്​ കാപ്പിയുമായി പോകുന്ന ബിഷപ്​, അദ്ദേഹത്തിന്​ വയ്യാത്ത സമയം ശുശ്രൂഷിക്കുന്ന ലിയ... നമ്മൾ സ്​നേഹിക്കാനായി പടക്കപ്പെട്ടവരാണ് എന്നാണ്​ അദ്ദേഹം പറയാറ്​. സ്​നേഹിച്ചില്ലെങ്കിൽ വെള്ളം ലഭിക്കാത്ത ചെടികളെപ്പോലെയാവും നമ്മൾ. എന്തോ ഒരു കാര്യത്തിന്​ ആർച്ച്​ ബിഷപ്പി​െൻറ അഭിപ്രായത്തോട്​ ലിയ വിയോജിച്ചു. അ​തിന്​ മറുപടിയായി അദ്ദേഹമൊരു കഥ പറഞ്ഞു. സ്വർഗലോകത്തേക്ക്​ കയറിപ്പറ്റാൻ ക്യൂ നിൽക്കുന്ന ഭാര്യാ പേടിക്കാരന്മാരെപ്പറ്റി. ആ ക്യൂവിന്​ വലിയ നീളമായിരുന്നു, മറ്റൊരു ക്യൂവിൽ ഒരാൾ മാത്രമാണുണ്ടായിരുന്നത്​. സെൻറ്​ പീറ്റർ അദ്ദേഹത്തോട്​ ചോദിച്ചു- നിങ്ങൾ മാത്രമെന്താണിങ്ങനെ?

എ​െൻറ ഭാര്യയെന്നോട്​ പറഞ്ഞതാണിവിടെ നിൽക്കാൻ എന്നായിരുന്നു മറുപടി. എനിക്കുറപ്പുണ്ട്​, ഏതു വരിയും ചാടിക്കടക്കാൻ ആർച്ചിനെ സെൻറ്​ പീറ്റർ അനുവദിക്കുമെന്ന്​. അദ്ദേഹമത്​ അർഹിക്കുന്നുണ്ട്​.

പീറ്റർ ഗബ്രിയേലുമൊത്ത്​ അദ്ദേഹത്തെ നീന്തൽ പഠിപ്പിച്ചതാണ്​ ജീവിതത്തിലെ ഏറ്റവും സന്തോഷകരമായ കാര്യങ്ങളിലൊന്ന്​. അതിവേഗം പഠി​െച്ചടുത്ത അദ്ദേഹം പൊട്ടിച്ചിരിച്ച്​, വെള്ളം തെറിപ്പിച്ച്​ നീന്തിക്കടന്നു. അദ്ദേഹത്തി​െൻറ ഊർജം, ആവേശം, സ്​നേഹം, മാനവരാശിയോടുള്ള സ്​നേഹം ഇതെല്ലാം ചെയ്യുന്ന ഒ​ാരോ കർമത്തിലും നിഴലിച്ചിരുന്നു. അദ്ദേഹത്തി​െൻറ സാന്നിധ്യവും പുഞ്ചിരിയും ഞങ്ങൾക്കിടയിൽ എത്രമാത്രം പ്രകാശം പരത്തിയിരുന്നുവെന്നത്​ മറക്കാനാവില്ല.

വേദനയുടെ ഈ നിമിഷത്തിലും നമ്മെ ഉയർത്താൻ അദ്ദേഹത്തി​െൻറ വാക്കുകൾ തന്നെ ശരണം: നാം ഓരോര​ുത്തരും സ്​നേഹത്തി​െൻറയും സഹാനുഭൂതിയുടേയും ഉത്തമ ഗുണങ്ങളാലാണ്​ പടക്കപ്പെട്ടിരിക്കുന്നത്​. ഈ സത്യങ്ങളുമായി നാം മുന്നോട്ടു നീങ്ങവെ നമ്മുടെ ജീവിതവും ഈ ലോകവും പരിവർത്തിക്കപ്പെടുന്നു.

ഞങ്ങൾക്ക്​ വഴി കാണിച്ച സ്​നേഹത്തിനും പുഞ്ചിരികൾക്കും ഒരുപാട്​ നന്ദി...