അടിച്ചേൽപിക്കപ്പെട്ട വിലക്ക്​ വൈകാതെ വന്ന തിരുത്ത്​

2013 ഫെബ്രുവരി 10ന്​ രാത്രി ഒമ്പതിന്​​ കോഴ​ിക്കോ​ട്ടെ വെള്ളിപറമ്പിൽനിന്ന്​ സംപ്രേഷണമാരംഭിച്ച ‘മാധ്യമം’ കുടുംബത്തി​െല മീഡിയവൺ ചാനൽ, 2020 മാർച്ച്​ ആറ്​ രാത്രി 7.30 വരെയുള്ള അതി​​െൻറ പ്രയാണം നിർവിഘ്​നം തുടർന്നു. രണ്ടു വർഷമായി സമ്പൂർണ വാർത്തചാനലായി മാറിയ ‘മീഡിയ വൺ’ സാർവദേശീയ, ദേശീയ, പ്രാദേശിക വാർത്തകളും വാർത്താധിഷ്​ഠിത പരിപാടികളും പരമാവധി സത്യസന്ധവും നിഷ്​പക്ഷവുമായി അവതരിപ്പിക്കാൻ ശ്രമിച്ചിട്ടുണ്ടെന്ന്​ നാനാജാതി മതസ്​ഥരായ അതി​​െൻറ പ്രേക്ഷകർ ശരിവെക്കുന്നു. അതു​െകാണ്ടാണ്​ കടുത്ത മത്സരങ്ങൾക്കും പ്രതികൂല സാഹചര്യങ്ങൾക്കുമിടയിൽ പിടിച്ചുനിൽക്കാനും മുന്നോട്ടു ഗമിക്കാനും ചാനലിന്​ സാധിച്ചത്​. കോർപറേറ്റുകളും പണച്ചാക്കുകളും മാധ്യമരംഗമാകെ കൈയടക്കി ജനാഭിപ്രായത്തെ തങ്ങളിച്ഛിക്കുന്ന ദിശകളിലേക്ക്​ തിരിച്ചുവിടാൻ സഫലയത്​നം നടത്തുന്ന വർത്തമാനകാലത്ത്​ ജനകീയ പങ്കാളിത്തം മാത്രം മൂലധനമാക്കി ജനപക്ഷത്ത്​ ഉറച്ചുനിൽക്കുന്ന വേറിട്ട ഈ വാർത്ത ചാനലിന്​ ആരോടെങ്കിലും പ്രതിബദ്ധതയുണ്ടെങ്കിൽ അത്​ ദുരിതങ്ങളും പ്രാരബ്​ധങ്ങളും പ്രയാസങ്ങളും പീഡനങ്ങളും ചൂഷണവും ഏറ്റുവാങ്ങാൻ വിധിക്കപ്പെട്ട ജനസഞ്ചയത്തോടാണെന്ന്​ മീഡിയവൺ ചാനലി​​െൻറ സ്​ഥിരം പ്രേക്ഷകർക്ക്​ ബോധ്യപ്പെട്ടുകഴിഞ്ഞ സത്യമാണ്. പ്രളയവും മഹാമാരിയും കലാപവും വംശീയാക്രമണങ്ങളും മനുഷ്യാവകാശധ്വംസനവും സർക്കാറുകളുടെ ജനവിരുദ്ധ നയങ്ങളും അവരെ വേട്ടയാടു​േമ്പാൾ, വസ്​തുതകൾ സാഹസികമായി പുറത്തുകൊണ്ടുവരാനും സുമനസ്സുകളുടെയും അധികാരികളുടെയും ശ്രദ്ധ അതിലേക്ക്​ ക്ഷണിക്കാനുമാണ്​ ഇന്നേവരെ ചാനൽ ശ്രമിച്ചിട്ടുള്ളത്​. എന്നാൽ, ഈ പ്രവർത്തനങ്ങളത്രയും സത്യവും നീതിയും ഭരണഘടനയും നിയമവാഴ്​ചയും താൽപര്യപ്പെടുന്ന പരിധികൾക്കകത്ത്​ നിന്നുകൊണ്ടായിരിക്കണമെന്ന്​ അതിന്​ നിർബന്ധമുണ്ട്​. മതം, ജാതി, സമുദായം, കക്ഷി, സംഘടന പക്ഷപാതിത്വങ്ങൾ ഒരിക്കലും ഈ വാർത്താമാധ്യമത്തെ വഴിതെറ്റിക്കരുതെന്ന നിഷ്​കർഷയും അത്​ എന്നും പുലർത്തിയിട്ടുണ്ട്​.

ഇതാണ്​ വാസ്​തവമെന്നിരിക്കെ, കഴിഞ്ഞദിവസം രാത്രി 7.30 മുതൽ 48 മണിക്കൂർ നേരം മീഡിയവൺ സംപ്രേഷണം വിലക്കിക്കൊണ്ടുള്ള കേന്ദ്ര വാർത്ത വിതരണ പ്രക്ഷേപണ മന്ത്രാലയത്തി​​െൻറ ഉത്തരവും ചാനലിനെ​ നിശ്ശബ്​ദമാക്കിയ നടപടിയും അവിചാരിതവും അമ്പരപ്പിക്കുന്നതുമായിരുന്നു, ചാനൽ മാനേജ്​മ​െൻറും ജീവനക്കാരും പ്രേക്ഷകരും ഒരുപോലെ ഇതെന്തി​​െൻറ പേരിൽ എന്നറിയാതെ അന്തംവിട്ടു നിൽക്കു​േമ്പാഴാണ്​ ഉത്തരവിലേക്ക്​ നയിച്ച കാരണങ്ങൾ വ്യക്തമാക്കിക്കൊണ്ടുള്ള സന്ദേശം ബന്ധപ്പെട്ടവരിൽനിന്ന്​ ലഭിക്കുന്നത്​. ഫെബ്രുവരി 25 മുതൽ വടക്കു കിഴക്കൻ ഡൽഹിയിൽ നടമാടിയ, 1984ലെ സിഖ്​ വിരുദ്ധ കലാപത്തെയും 2002 ഫെബ്രുവരിയിൽ ഗുജറാത്തിനെ പിടിച്ചുകുലുക്കിയ വംശീയാക്രമണങ്ങളെയും അനുസ്​മരിപ്പിക്കുന്ന ചോരക്കളിയുടെയും നശീകരണകൃത്യങ്ങളുടെയും വാർത്തകൾ സംപ്രേഷണം ചെയ്​തതാണത്രെ വിലക്കിന്​ നിമിത്തമായത്​. അത്​ ഒരു പ്രത്യേകസമുദായത്തി​​െൻറ പക്ഷം ചേർന്ന്​ പൊലീസി​​െൻറ നിഷ്​ക്രിയത്വത്തെയും ആർ.എസ്​.എസിനെയും വിമർശിക്കുന്ന വിധത്തിലും സാമുദായിക വൈരം ഇളക്കിവിടുന്ന ശൈലിയിലുമായിരുന്നതിനാൽ കേബിൾ ടെലിവിഷൻ ന്യൂസ്​ വർക്​സ്​ റൂൾസ്​ 1994ലെ റൂൾ 6 (1) സി, റൂൾ 6 (1) ഇ വകുപ്പുകളുടെ ലംഘനമാണ്​ എന്നാരോപിച്ചാണ്​ സംപ്രേഷണം രണ്ടു ദിവസത്തേക്ക്​ വിലക്കിയത്​.

ഇക്കാര്യങ്ങൾ ചൂണ്ടിക്കാട്ടി നേരത്തേ അയച്ച നോട്ടീസിന്​ മാനേജ്​മ​െൻറ്​ കൃത്യവും വ്യക്തവുമായ മറുപടി യഥാസമയം നൽകിയിരുന്നതാണെങ്കിലും അത്​ തൃപ്​തികരമല്ലെന്ന്​ വിലയിരുത്തിയാണ്​ വിലക്ക്​. നിയമവാഴ്​ചയെ തീർത്തും മാനിക്കുന്ന ചാനൽ, സം​പ്രേഷണം ഉടനടി നിർത്തിയ നടപടിക്കെതിരെ നീതിപീഠത്തെ സമീപിക്കാനുള്ള നീക്കങ്ങളിലേർപ്പെട്ടിരിക്കെ പിറ്റേന്ന്​ -ശനിയാഴ്​ച രാവിലെ 9.30ന്​- സംപ്രേഷണം നിരുപാധികം പുനരാരംഭിക്കാനുള്ള നിർദേശവും വരുന്നു. അപ്പോഴേക്ക്​ രാജ്യത്തിനകത്തും പുറത്തുമുള്ള ആയിരക്കണക്കിന്​ പ്രേക്ഷകരുടെ ശക്തമായ പ്രതിഷേധം പ്രവഹിച്ചുകൊണ്ടിരുന്നുവെന്നതാണ്​ ശ്രദ്ധേയം. വിലക്കിനെതിരെ പ്രമുഖരായ രാഷ്​ട്രീയക്കാരുടെയും സാമൂഹിക പ്രവർത്തകരുടെയും മാധ്യമപ്രവർത്തക കൂട്ടായ്​മകളുടെയും മത-സാംസ്​കാരിക സംഘടനകളുടെയും കടുത്ത വിമർശനങ്ങളും ഉയർന്നു. ജനകീയ പ്രതിഷേധത്തി​​െൻറ വ്യാപ്​തി തിരിച്ചറിഞ്ഞതുകൊണ്ടോ, നിയമനടപടികളെ നേരിടാനുള്ള പ്രയാസമോർത്തോ, പിണഞ്ഞത്​ അബദ്ധമാണെന്ന്​ ബോധ്യപ്പെട്ടതുകൊണ്ടോ എന്താണെന്നറിഞ്ഞില്ല 14 മണിക്കൂർ പിന്നിട്ടപ്പോഴുള്ള തിരുത്തൽ നടപടിക്ക്​ പ്രേരണ.

ഇന്ത്യൻ ജനാധിപത്യത്തി​​െൻറയും ഭരണഘടനയുടെയും അലംഘനീയ വ്യവസ്​ഥയാണ്​ ആവിഷ്​കാര സ്വാതന്ത്ര്യം. അറിയാനും അറിയിക്കാനുമുള്ള പൗരസ്വാതന്ത്ര്യത്തിന്​ ക്ഷതം പറ്റുകയോ അത്​ നിഷേധിക്കപ്പെടുകയോ ചെയ്​താൽ ഫോർത്ത്​ എസ്​റ്റേറ്റ്​ കേവലം അർഥശൂന്യമായി മാറും. ഇപ്പോൾതന്നെ റിപ്പോർ​ട്ടേഴ്​സ്​ വിത്തൗട്ട്​ ബോർഡേഴ്​സ്​ എന്ന രാഷ്​ട്രാന്തരീയ ഏജൻസിയുടെ പത്രസ്വാതന്ത്ര്യത്തിനായുള്ള മുൻഗണനാ പട്ടികയിൽ 140 ആണ്​ ലോകത്തിലെ ഏറ്റവും വലിയ ജനാധിപത്യമെന്നഭിമാനിക്കുന്ന ഇന്ത്യയുടെ സ്​ഥാനം. അച്ചടി, ദൃശ്യ, ശ്രാവ്യ മാധ്യമങ്ങൾ ഭരണകൂട ധ്വംസനനടപടികളെ ഭയപ്പെടുന്നതാണ്​ ഇന്ത്യൻമാധ്യമങ്ങളുടെ അസ്വാതന്ത്ര്യത്തി​​െൻറ പിന്നിൽ എന്നാണ്​ ഏജൻസിയുടെ കണ്ടെത്തൽ. ഡൽഹി വംശീയാക്രമണങ്ങളുടെ വിഷയത്തിൽതന്നെ ആഗോള മാധ്യമങ്ങൾ തിക്തസത്യങ്ങൾ പുറത്തുകൊണ്ടുവര​ു​േമ്പാൾ ഒട്ടകപ്പക്ഷിയെപ്പോലെ ഇന്ത്യൻ മാധ്യമങ്ങൾ തലപൂഴ്​ത്തിയി​ട്ടെന്ത്​ കാര്യം എന്ന്​ ഭരണാധികാരികൾ ആലോചിക്കുന്നില്ല. തന്മൂലം ലോകശക്​തിയും വികസനത്തി​​െൻറ മാതൃകയുമാവാൻ വെമ്പുന്ന നമ്മുടെ ജന്മഭൂമിയുടെ പ്രതിച്ഛായ അനുദിനം തകരുന്നതിൽ തീ​വ്രദേശീയവാദികൾക്ക്​ പരിഭ്രാന്തിയും കാണുന്നില്ല. എന്നാൽ, ഭരണഘടനാ തത്വങ്ങൾ നിലനിൽക്കണമെന്നും പൗരസ്വാതന്ത്ര്യങ്ങളും ജനാധിപത്യാവകാശങ്ങളും എന്തു വിലകൊടുത്തും സംരക്ഷിക്കണമെന്നും ആഗ്രഹിക്കുന്ന നാനാജാതി മതസ്​ഥരായ ഒരു വലിയ വിഭാഗം രാജ്യത്തുണ്ട്​. അവരുടെ എതിർപ്പും പ്രതിഷേധവും സമരവുമാണ്​ അപൂർവമായെങ്കിലും സർക്കാറിനെ മാറിച്ചിന്തിപ്പിക്കുന്നത്​. മൗലികാവകാശങ്ങൾക്കായുള്ള ഈ പോരാട്ടം പൂർവാധികം ശക്തിയോടെ തുടർന്നേ മതിയാവൂ.