ല​ങ്ക​യി​ൽ​നി​ന്ന് ചി​ല ഇ​ട​തു​പ​ക്ഷ പാ​ഠ​ങ്ങ​ൾ

ശ്രീ​ല​ങ്ക​ൻ പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ അനുര കുമാര ദിസ്സനായകെയുടെ നേതൃത്വത്തിൽ ഇ​ട​തു​പ​ക്ഷ പാ​ർ​ട്ടി​യാ​യ ജ​ന​താ വി​മു​ക്തി പെ​രു​മു​ന നേ​ടി​യ വി​ജ​യം, അ​സ്തി​ത്വ പ്ര​തി​സ​ന്ധി​യി​ൽ ഉ​ഴ​റു​ന്ന ഇ​ന്ത്യ​ൻ ഇ​ട​തു​പ​ക്ഷ​ത്തി​ന് പ്ര​സ​ക്ത​മാ​യ ചി​ല പാ​ഠ​ങ്ങ​ൾ ന​ൽ​കു​ന്നു​ണ്ട്

1935 ഡി​സം​ബ​ർ 18ന് ​സ്ഥാ​പി​ക്ക​പ്പെ​ട്ട ല​ങ്ക സ​മ സ​മാ​ജ പാ​ർ​ട്ടി (എ​ൽ.​എ​സ്.​എ​സ്.​പി) ഏ​ഷ്യ​യി​ലെ​ത​ന്നെ ഏ​റ്റ​വും പ​ഴ​ക്ക​മു​ള്ള ക​മ്യൂ​ണി​സ്റ്റ് പാ​ർ​ട്ടി​ക​ളി​ൽ ഒ​ന്നാ​ണ്. ട്രോ​ട്സ്ക്യ​ൻ പ്ര​ത്യ​യ​ശാ​സ്ത്ര മാ​ർ​ഗ​ത്തി​ൽ സ​ഞ്ച​രി​ക്കു​ന്ന മാ​ർ​ക്സി​സ്റ്റ്-​ലെ​നി​നി​സ്റ്റ് ആ​ദ​ർ​ശ​മാ​ണ് അ​വ​ർ മു​ന്നോ​ട്ടു​വെ​ച്ച​ത്. ബോ​ൾ​ഷെ​വി​ക് ലെ​നി​നി​സ്റ്റ് പാ​ർ​ട്ടി ഓ​ഫ് ഇ​ന്ത്യ, സി​ലോ​ൺ ആ​ൻ​ഡ് ബ​ർ​മ മു​ഖേ​ന ക്വി​റ്റ് ഇ​ന്ത്യാ സ​മ​ര​ത്തി​ൽ ചെ​റു​ത​ല്ലാ​ത്ത പ​ങ്കും അ​വ​ർ വ​ഹി​ച്ചു. പ​ര​സ്പ​രം ചേ​ർ​ന്നു​നി​ന്ന് പ്ര​വ​ർ​ത്തി​ച്ച​തി​ന്റെ പൊ​ക്കി​ൾ​ക്കൊ​ടി ബ​ന്ധം ഇ​ന്ത്യ​യി​ലെ​യും ശ്രീ​ല​ങ്ക​യി​ലെ​യും ഇ​ട​തു​പ​ക്ഷ രാ​ഷ്ട്രീ​യ​ങ്ങ​ൾ ത​മ്മി​ൽ കാ​ണാ​നാ​വും. ഇ​ന്ത്യ​ൻ മു​ഖ്യ​ധാ​രാ ഇ​ട​തു​പ​ക്ഷ​ത്തെ​പോ​ലെ ല​ങ്ക​യി​ലെ എ​ൽ.​എ​സ്.​എ​സ്.​പി​യും ക​മ്യൂ​ണി​സ്റ്റ് പാ​ർ​ട്ടി ഓ​ഫ് ശ്രീ​ല​ങ്ക (സി.​പി.​എ​സ്.​എ​ൽ)​യും സാ​മൂ​ഹി​ക നീ​തി​ക്കും സാ​മ്പ​ത്തി​ക പു​ന​ർ​വി​ത​ര​ണ​ത്തി​നും ശ​ക്ത​മാ​യി വാ​ദി​ക്കു​ന്ന​വ​രാ​ണ്.

സ​ഖ്യ​രാ​ഷ്ട്രീ​യ​ത്തി​ന്റെ സ​മ്മ​ർ​ദ​ങ്ങ​ൾ

ഇ​ന്ത്യ​യി​ലെ​യും ശ്രീ​ല​ങ്ക​യി​ലെ​യും മു​ഖ്യ​ധാ​രാ ഇ​ട​തു​പ​ക്ഷ പാ​ർ​ട്ടി​ക​ളെ സം​ബ​ന്ധി​ച്ചി​ട​ത്തോ​ളം സ​ഖ്യ​രാ​ഷ്ട്രീ​യം പു​ലി​പ്പു​റ​ത്തെ യാ​ത്ര​പോ​ലെ ബു​ദ്ധി​മു​ട്ടേ​റി​യ​താ​യി​രു​ന്നു. ശ്രീ​ല​ങ്ക​യി​ൽ ഇ​ട​തു​പ​ക്ഷ​ത്തി​ന്റെ ആ​ദ്യ സ​ഖ്യ​രാ​ഷ്ട്രീ​യ പ​രീ​ക്ഷ​ണം 1964ൽ ​ശ്രീ​ല​ങ്ക ഫ്രീ​ഡം പാ​ർ​ട്ടി​യു​മാ​യി ചേ​ർ​ന്നാ​യി​രു​ന്നു. ശ്രീ​ല​ങ്ക​യി​ലെ ഇ​ട​തു​പ​ക്ഷ​ത്തെ സം​ബ​ന്ധി​ച്ചി​ട​ത്തോ​ളം അ​ങ്ങേ​യ​റ്റം ക്ലേ​ശ​ക​ര​മാ​യ രാ​ഷ്ട്രീ​യ ഉ​ദ്യ​മ​മാ​യി​രു​ന്നു അ​ത്. ഈ ​സ​ഖ്യ​രാ​ഷ്ട്രീ​യ പ​രീ​ക്ഷ​ണം ശ്രീ​ല​ങ്ക​യി​ലെ ഇ​ട​തു​രാ​ഷ്ട്രീ​യ​ത്തെ വ​ലി​യൊ​രു പ്ര​ത്യാ​ശാ​സ്ത്ര​പ​ര​മാ​യ പി​ള​ർ​പ്പി​ലേ​ക്ക് ന​യി​ച്ചു. ‘പ​ഴ​യ ഇ​ട​ത്’ എ​ന്ന പേ​രി​ൽ മു​ഖ്യ​ധാ​രാ ഇ​ട​തു​പ​ക്ഷ​വും ‘പു​തി​യ ഇ​ട​ത്’ എ​ന്ന പേ​രി​ൽ റാ​ഡി​ക്ക​ൽ ഇ​ട​തു​പാ​ർ​ട്ടി​ക​ളും രൂ​പ​പ്പെ​ട്ടു. ‘പ​ഴ​യ ഇ​ട​ത്’ പ​ക്ഷ​ത്തി​ൽ​നി​ന്ന് വി​ഭി​ന്ന​മാ​യി എ​ൽ.​എ​സ്.​എ​സ്.​പി (റെ​വ​ല്യൂ​ഷ​ന​റി), സി.​പി.​എ​സ്.​എ​ൽ (പീ​ക്കി​ങ് വി​ങ്) തു​ട​ങ്ങി​യ ‘പു​തി​യ ഇ​ട​ത്’ സം​ഘ​ങ്ങ​ൾ സാ​യു​ധ സ​മ​ര​രീ​തി​ക​ൾ തെ​ര​ഞ്ഞെ​ടു​ത്തു.

ശ്രീ​ല​ങ്ക​യി​ലെ ‘പ​ഴ​യ ഇ​ട​തു​പ​ക്ഷം’ പ്ര​ത്യ​യ​ശാ​സ്ത്ര​വും ല​ക്ഷ്യ​ങ്ങ​ളും വ​ക​വെ​ക്കാ​തെ അ​തി​ജീ​വ​ന​ത്തി​നു​വേ​ണ്ടി ശ്രീ​ല​ങ്കാ ഫ്രീ​ഡം പാ​ർ​ട്ടി​യു​മാ​യു​ള്ള സ​ഖ്യ​ബ​ന്ധം തു​ട​രാ​ൻ നി​ർ​ബ​ന്ധി​ത​രാ​യി. ഫ്രീ​ഡം പാ​ർ​ട്ടി​യു​ടെ ബു​ദ്ധി​സ്റ്റ് ദേ​ശീ​യ​ത​ക്കും മു​ത​ലാ​ളി​ത്ത ന​യ​ങ്ങ​ൾ​ക്കും മു​ന്നി​ൽ ത​ങ്ങ​ളു​ടെ സോ​ഷ്യ​ലി​സ്റ്റ് സെ​ക്കു​ല​ർ മൂ​ല്യ​ങ്ങ​ൾ അ​ടി​യ​റ​വെ​ക്കേ​ണ്ടി​വ​ന്നു. 1980 ക​ളി​ൽ ത​മി​ഴ് പു​ലി​ക​ളു​മാ​യി ബ​ന്ധ​പ്പെ​ട്ട പ്ര​തി​സ​ന്ധി​ക​ളെ രാ​ഷ്ട്രീ​യ​മാ​യി പ​രി​ഹ​രി​ക്ക​ണ​മെ​ന്ന് വാ​ദി​ച്ചി​രു​ന്ന എ​ൽ.​എ​സ്.​എ​സ്.​പി, സി.​പി.​എ​സ്.​എ​ൽ പാ​ർ​ട്ടി​ക​ൾ പി​ന്നീ​ട് സ​ഖ്യ​രാ​ഷ്ട്രീ​യ സ​മ്മ​ർ​ദ​ത്തി​ന്റെ ഭാ​ഗ​മാ​യി ‘സ​മാ​ധാ​ന​ത്തി​നു​വേ​ണ്ടി യു​ദ്ധ​വു​മാ​കാം’ എ​ന്ന ന​യ​ത്തി​ലേ​ക്ക് എ​ത്തി​പ്പെ​ടു​ക​യു​ണ്ടാ​യി. പ്ര​സി​ഡ​ന്റ് മ​ഹീ​ന്ദ്ര രാ​ജ്പ​ക്സേ​ക്ക് അ​നി​യ​ന്ത്രി​താ​ധി​കാ​രം ന​ൽ​കി​യ 2010ലെ ​പ​തി​നെ​ട്ടാ​മ​ത് ഭ​ര​ണ​ഘ​ട​ന ഭേ​ദ​ഗ​തി ബി​ൽ പി​ന്തു​ണ​ക്കാ​ൻ​പോ​ലും സ​ഖ്യ​രാ​ഷ്ട്രീ​യ​ത്തി​ന്റെ സ​മ്മ​ർ​ദം​മൂ​ലം ഈ ​ഇ​ട​തു​പാ​ർ​ട്ടി​ക​ൾ ത​യാ​റാ​യി.

മൂ​ല്യ​ച്യു​തി​യു​ടെ വേ​ലി​യേ​റ്റം

കൊ​ളം​ബോ യൂ​നി​വേ​ഴ്സി​റ്റി​യി​ലെ രാ​ഷ്ട്ര​ത​ന്ത്ര​ശാ​സ്ത്ര വി​ഭാ​ഗം എ​മി​രി​റ്റ​സ് പ്ര​ഫ​സ​ർ ജ​യ​ദേ​വ ഉ​യ​ൻ​ഗോ​ഡ ‘Left Parties in Permanent Decline: Ideological and Strategy Shifts, Survival Strategies, and Consequences’ (2018) എ​ന്ന ഉ​പ​ന്യാ​സ​ത്തി​ൽ ഇ​ങ്ങ​നെ നി​രീ​ക്ഷി​ക്കു​ന്നു: “എ​ൽ.​എ​സ്.​എ​സ്.​പി​യു​ടെ​യും സി.​പി​യു​ടെ​യും ഭൂ​ത​കാ​ല​മെ​ടു​ത്ത് നോ​ക്കി​യാ​ൽ രാ​ഷ്ട്രീ​യ​പാ​ർ​ട്ടി​ക​ൾ എ​ന്ന നി​ല​ക്ക് വ​ലി​യ പ്ര​ത്യാ​ഘാ​ത​ങ്ങ​ളി​ലേ​ക്ക് ന​യി​ച്ച ര​ണ്ട് പ്ര​ധാ​ന മാ​റ്റ​ങ്ങ​ൾ​ക്ക് ഈ ​പാ​ർ​ട്ടി​ക​ൾ വി​ധേ​യ​മാ​യ​താ​യി കാ​ണാം. ഒ​ന്ന്, ര​ണ്ട് പാ​ർ​ട്ടി​ക​ളും അ​തു​വ​രെ പി​ന്തു​ട​ർ​ന്നി​രു​ന്ന കേ​ഡ​ർ സം​വി​ധാ​ന​ത്തി​ൽ​നി​ന്ന് വ്യ​തി​ച​ലി​ച്ച് കേ​വ​ലം നേ​താ​ക്ക​ളെ മാ​ത്രം ആ​ശ്ര​യി​ച്ച് ക​ഴി​യു​ന്ന നേ​തൃ-​കേ​ന്ദ്രീ​കൃ​ത രീ​തി​യി​ലേ​ക്ക് മാ​റി. ര​ണ്ട്, സ​ഖ്യ​രാ​ഷ്ട്രീ​യ​ത്തി​ലൂ​ടെ കൈ​വ​രു​ന്ന പൊ​തു​വി​ഭ​വ​ങ്ങ​ളി​ൽ മാ​ത്രം കൂ​ടു​ത​ൽ ആ​ശ്ര​യി​ക്കു​ന്ന വി​ധ​ത്തി​ലേ​ക്ക് പാ​ർ​ട്ടി പ​രു​വ​പ്പെ​ട്ടു. ഈ ​മാ​റ്റ​ങ്ങ​ൾ എ​ൽ.​എ​സ്.​എ​സ്.​പി​യി​ലെ​യും സി.​പി​യി​ലെ​യും നേ​താ​ക്ക​ളെ പാ​ർ​ട്ടി​യി​ലെ കേ​ഡ​ർ സം​വി​ധാ​ന​ത്തെ കേ​വ​ലം ര​ക്ഷാ​ധി​കാ​രി-​ഉ​പ​ഭോ​ക്തൃ ബ​ന്ധ​ത്തി​ൽ കാ​ണു​ന്ന​തി​ലേ​ക്ക് ന​യി​ച്ചു”. ജ​യ​ദേ​വ​യു​ടെ ഈ​യൊ​രു നി​രീ​ക്ഷ​ണം ഇ​ന്ത്യ​യി​ലെ മു​ഖ്യ​ധാ​രാ ഇ​ട​തു​പ​ക്ഷ പാ​ർ​ട്ടി​ക​ളാ​യ സി.​പി.​എം, സി.​പി.​ഐ പാ​ർ​ട്ടി​ക​ളെ സം​ബ​ന്ധി​ച്ചും കൃ​ത്യ​മാ​ണ്.

സാ​യു​ധ​ക​ലാ​പ​വും ഡി-​റാ​ഡി​ക്ക​ലൈ​സേ​ഷ​നും

ഫീ​നി​ക്സ് പ​ക്ഷി​യെ ഓ​ർ​മി​പ്പി​ക്കു​ന്ന​താ​ണ് ശ്രീ​ല​ങ്ക​യി​ലെ ജ​ന​ത വി​മു​ക്തി പെ​രു​മ​ന എ​ന്ന ജെ.​വി.​പി​യു​ടെ ഉ​യ​ർ​ച്ച. 1960ക​ളി​ൽ പ്ര​ച്ഛ​ന്ന​മാ​യി ഭീ​ക​ര​പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന തീ​വ്ര​ഇ​ട​തു​സം​ഘ​മാ​യാ​ണ് തു​ട​ക്കം. 1971ൽ ​രാ​ജ്യ​ത്തു​ട​നീ​ളം ന​ട​ത്തി​യ സാ​യു​ധ ക​ലാ​പ​ങ്ങ​ൾ അ​ടി​ച്ച​മ​ർ​ത്ത​പ്പെ​ട്ടെ​ങ്കി​ലും 1983ലെ ​തെ​ര​ഞ്ഞെ​ടു​പ്പി​ൽ വ​ലി​യൊ​രു ശ​ക്തി​യാ​യി മു​ന്നോ​ട്ടു​വ​രാ​ൻ ജെ.​വി.​പി​ക്ക് ക​ഴി​ഞ്ഞു. 1982ലെ ​രാ​ഷ്ട്ര​പ​തി തെ​ര​ഞ്ഞെ​ടു​പ്പി​ൽ പാ​ർ​ട്ടി സ്ഥാ​പ​ക​ൻ രോ​ഹ​ന വി​ജെ​വീ​ര മൂ​ന്നാം സ്ഥാ​നം കൈ​യ​ട​ക്കി. 1983ലെ ​ത​മി​ഴ് വി​രു​ദ്ധ ക​ലാ​പ​ത്തി​ൽ പാ​ർ​ട്ടി​യു​ടെ പ​ങ്ക് വ്യ​ക്ത​മ​ല്ലെ​ങ്കി​ലും അ​തി​ന്റെ പേ​രി​ൽ നി​രോ​ധി​ക്ക​പ്പെ​ട്ടു.

പ​ക്ഷേ, അ​ഴി​മ​തി​യും അ​ടി​ച്ച​മ​ർ​ത്ത​ലു​ക​ളും മാ​ത്രം കൈ​മു​ത​ലാ​ക്കി മു​ന്നോ​ട്ടു​പോ​യ ജ​ന​വി​രു​ദ്ധ ഭ​ര​ണ​കൂ​ട​ത്തി​നെ​തി​രെ 1987-89 കാ​ല​ത്ത് കൃ​ത്യ​മാ​യി ആ​സൂ​ത്ര​ണം ചെ​യ്ത് സാ​യു​ധ ക​ലാ​പം അ​ഴി​ച്ചു​വി​ടു​ന്ന​തി​ൽ ജെ.​വി.​പി വീ​ണ്ടും വി​ജ​യി​ച്ചു.ഇ​ന്ത്യ​യി​ലും 1960ക​ളി​ൽ തീ​വ്ര ഇ​ട​തു​പ്ര​സ്ഥാ​ന​ങ്ങ​ൾ രൂ​പം കൊ​ണ്ടി​രു​ന്നു എ​ന്ന​ത് ശ്ര​ദ്ധേ​യ​മാ​ണ്. 1967ലെ ​ന​ക്സ​ൽ​ബാ​രി ല​ഹ​ള​യെ ഇ​ന്ത്യ​യി​ലെ വ​സ​ന്ത​ത്തി​ന്റെ ഇ​ടി​മു​ഴ​ക്ക​മാ​യാ​ണ് ക​മ്യൂ​ണി​സ്റ്റ് വി​പ്ല​വ​കാ​രി​ക​ൾ ക​ണ്ടി​രു​ന്ന​ത്. ഇ​ന്ത്യ​യി​ൽ ആ​ദി​വാ​സി ദ​ലി​ത് വി​ഭാ​ഗ​ങ്ങ​ളു​ടെ പ​രി​തഃ​സ്ഥി​തി​യെ മാ​വോ​വാ​ദി സം​ഘ​ട​ന​ക​ൾ മു​ത​ലെ​ടു​ക്കു​ന്ന​തു​പോ​ലെ ശ്രീ​ല​ങ്ക​യി​ലെ ബു​ദ്ധി​സ്റ്റ്-​സിം​ഹ​ള ഉ​ത്ക്ക​ണ്ഠ​ക​ളെ മു​ത​ലെ​ടു​ത്താ​ണ് ജെ.​വി.​പി രാ​ഷ്ട്രീ​യ​നേ​ട്ടം കൊ​യ്ത​ത്. 1983ൽ ​ത​ങ്ങ​ളു​ടെ ക​മ്യൂ​ണി​സ്റ്റ് ആ​ദ​ർ​ശ​ത്തോ​ട് വി​ട്ടു​വീ​ഴ്ച ചെ​യ്ത് സിം​ഹ​ള ബു​ദ്ധി​സ്റ്റ് ദേ​ശീ​യ​വാ​ദ രാ​ഷ്ട്രീ​യം മു​ന്നോ​ട്ടു​വെ​ക്കാ​നും ജെ.​വി.​പി ത​യാ​റാ​യി.

1987-89ൽ ​ജെ.​വി.​പി ര​ണ്ടാം സാ​യു​ധ ക​ലാ​പ​ത്തി​ന് ശ്ര​മി​ച്ചെ​ങ്കി​ലും അ​ത് പൂ​ർ​ണ​മാ​യി അ​മ​ർ​ച്ച ചെ​യ്ത അ​ന്ന​ത്തെ ശ്രീ​ല​ങ്ക​ൻ സ​ർ​ക്കാ​ർ നേ​താ​ക്ക​ളെ മു​ഴു​വ​നാ​യും കൊ​ന്നൊ​ടു​ക്കി. ശേ​ഷം തീ​വ്ര ഇ​ട​തു​രാ​ഷ്ട്രീ​യം കൈ​യൊ​ഴി​ഞ്ഞ് പാ​ർ​ല​മെ​ന്റ​റി രാ​ഷ്ട്രീ​യ​ത്തി​ൽ പ്ര​വേ​ശി​ച്ച് ജെ.​വി.​പി ര​ണ്ട് പ​തി​റ്റാ​ണ്ടു​ക​ൾ​ക്കു​ള്ളി​ൽ ശ്രീ​ല​ങ്ക​യി​ലെ സ​ഖ്യ​രാ​ഷ്ട്രീ​യ​ത്തി​ന​ക​ത്തെ വ​ലി​യൊ​രു ശ​ക്തി​ഘ​ട​ക​മാ​യി മാ​റു​ക​യാ​യി​രു​ന്നു. ജെ.​വി.​പി​യു​ടെ മി​ത​വാ​ദ രാ​ഷ്ട്രീ​യ​ത്തി​ലേ​ക്കു​ള്ള മാ​റ്റം എ​ൽ.​എ​സ്.​എ​സ്.​പി, സി.​പി.​സി.​എ​ൽ പാ​ർ​ട്ടി​ക​ളി​ൽ​നി​ന്ന് വ്യ​ത്യ​സ്ത​മാ​യി ജ​ന​ങ്ങ​ൾ​ക്കി​ട​യി​ൽ കൂ​ടു​ത​ൽ സ്വീ​കാ​ര്യ​ത ഉ​റ​പ്പി​ക്കു​ക​യും തെ​ര​ഞ്ഞെ​ടു​പ്പ് ഗോ​ദ​യി​ൽ വി​ജ​യ​സാ​ധ്യ​ത വ​ർ​ധി​പ്പി​ക്കു​ക​യു​മാ​ണ് ചെ​യ്ത​ത്.

2004ലെ ​പൊ​തു​തെ​ര​ഞ്ഞെ​ടു​പ്പി​ൽ ജെ.​വി.​പി, ശ്രീ​ല​ങ്കാ ഫ്രീ​ഡം പാ​ർ​ട്ടി​യു​മാ​യി സ​ഖ്യ​ത്തി​ലാ​യി മു​പ്പ​ത്തി​യൊ​മ്പ​ത് പാ​ർ​ല​മെ​ന്റ​റി മ​ണ്ഡ​ല​ങ്ങ​ളി​ൽ വി​ജ​യി​ച്ചു. പ്ര​ധാ​ന രാ​ഷ്ട്രീ​യ​ശ​ക്തി​ക​ളാ​യി​രു​ന്ന ശ്രീ​ല​ങ്കാ ഫ്രീ​ഡം പാ​ർ​ട്ടി​യോ​ടും യു​നൈ​റ്റ​ഡ് നാ​ഷ​ന​ൽ പാ​ർ​ട്ടി​യോ​ടും ജ​ന​ങ്ങ​ൾ​ക്കി​ട​യി​ൽ നി​സ്സം​ഗ​ത രൂ​പ​പ്പെ​ട്ട സാ​ഹ​ച​ര്യ​ത്തി​ൽ മി​ക​ച്ച ഒ​രു ബ​ദ​ൽ പ്ര​സ്ഥാ​ന​മാ​യി മാ​റാ​ൻ ജെ.​വി.​പി​ക്ക് ക​ഴി​ഞ്ഞു. സാ​മൂ​ഹി​ക തി​ന്മ​ക​ൾ​ക്കെ​തി​രെ​യും വ​രേ​ണ്യ​ത​ക്കെ​തി​രെ​യും പാ​ർ​ട്ടി​ക്ക​ക​ത്ത് നി​ന്നു​ത​ന്നെ വി​ട്ടു​വീ​ഴ്ച​യി​ല്ലാ​ത്ത ന​ട​പ​ടി​ക​ൾ ഉ​ണ്ടാ​യ​പ്പോ​ൾ ജ​ന​ങ്ങ​ൾ​ക്കി​ട​യി​ൽ സ്വീ​കാ​ര്യ​ത ഊ​ട്ടി​യു​റ​പ്പി​ക്കാ​നും പാ​ർ​ട്ടി​ക്ക് സാ​ധി​ച്ചു. 2019ൽ ​സ​മൂ​ഹ​ത്തി​ലെ വി​വി​ധ വി​ഭാ​ഗ​ങ്ങ​ളെ അ​ണി​നി​ര​ത്തി നാ​ഷ​ന​ൽ പീ​പ്പി​ൾ​സ് പ​വ​ർ എ​ന്ന പേ​രി​ൽ ഒ​രു വി​ശാ​ല​സ​ഖ്യം രൂ​പീ​ക​രി​ച്ച​പ്പോ​ൾ വ​നി​താ സം​ഘ​ട​ന​ക​ളും യു​വ​സം​ഘ​ട​ന​ക​ളും ട്രേ​ഡ് യൂ​നി​യ​നു​ക​ളും അ​ട​ക്കം ഇ​രു​പ​ത്തൊ​ന്നോ​ളം രാ​ഷ്ട്രീ​യ സാ​മൂ​ഹി​ക പൗ​ര​വി​ഭാ​ഗ​ങ്ങ​ൾ ആ ​സ​ഖ്യ​ത്തി​ൽ അ​ണി​നി​ര​ന്നു. ഇ​ക്ക​ഴി​ഞ്ഞ സെ​പ്റ്റം​ബ​ർ മാ​സം പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ വി​ജ​യം കൈ​വ​രി​ക്കാ​നാ​യ​ത് ജെ.​വി.​പി​യു​ടെ നി​ര​ന്ത​ര​മാ​യ രാ​ഷ്ട്രീ​യ കു​തി​പ്പി​നൊ​ടു​വി​ലെ യു​ക്തി​സ​ഹ​മാ​യ ഉ​പ​സം​ഹാ​ര​മാ​യാ​ണ് കാ​ണാ​ൻ ക​ഴി​യു​ന്ന​ത്.

ശ്രീ​ല​ങ്ക​യി​ലെ ഇ​ട​ത് രാ​ഷ്ട്രീ​യ ച​രി​ത്ര​ത്തി​ൽ​നി​ന്ന് ഇ​ന്ത്യ​യി​ലെ ഇ​ട​തു​പ​ക്ഷ പ്ര​സ്ഥാ​ന​ങ്ങ​ൾ​ക്ക് സ്വീ​ക​രി​ക്കാ​വു​ന്ന ഗു​ണ​പാ​ഠം ഇ​താ​ണ്; മു​ഖ്യ​ധാ​രാ ഇ​ട​തു​പ​ക്ഷം ത​ങ്ങ​ളു​ടെ ന​ഷ്ട​പ്പെ​ട്ടു​പോ​യ വി​പ്ല​വ ആ​വേ​ശം തി​രി​ച്ചു​പി​ടി​ച്ച് പാ​ർ​ല​മെ​ന്റ​റി വ്യാ​മോ​ഹ​ത്തി​ന് ക​ടി​ഞ്ഞാ​ണി​ടു​ക​യും തീ​വ്ര​ഇ​ട​തു​പ​ക്ഷം സാ​മൂ​ഹി​ക യാ​ഥാ​ർ​ഥ്യ​ങ്ങ​ൾ മ​ന​സ്സി​ലാ​ക്കി മി​ത​ന​യ​ങ്ങ​ൾ സ്വീ​ക​രി​ച്ച് പ്ര​ത്യാ​ശാ​സ്ത്ര വാ​ചാ​ടോ​പ​ങ്ങ​ൾ​ക്ക് വി​രാ​മ​മി​ടു​ക​യും ഇ​രു ഇ​ട​തു​രാ​ഷ്ട്രീ​യ പ്ര​സ്ഥാ​ന​ങ്ങ​ളും ദേ​ശീ​യ​ത​ല​ത്തി​ൽ ഒ​റ്റ​ക്കെ​ട്ടാ​യി ഒ​രു ഐ​ക്യ​മു​ന്ന​ണി രൂ​പീ​ക​രി​ച്ച് മു​ന്നോ​ട്ടു​പോ​വു​ക​യും ചെ​യ്താ​ൽ ന​ഷ്ട​പ്പെ​ട്ടു​പോ​യ ത​ങ്ങ​ളു​ടെ രാ​ഷ്ട്രീ​യ പ്ര​സ​ക്തി വീ​ണ്ടെ​ടു​ക്കാ​ൻ ഇ​ന്ത്യ​യി​ലെ ഇ​ട​തു​പ​ക്ഷ​ത്തി​ന് ക​ഴി​യും.

(ഡെ. ലോ സെക്രട്ടറിയും സാമൂഹിക നിരീക്ഷകനുമാണ് ലേഖകൻ)