റി​പ്പ​ബ്ലി​ക് ദി​നം ഓ​ർ​മ​പ്പെ​ടു​ത്തു​ന്ന​ത്

ജ​നാ​ധി​പ​ത്യം നി​ല​നി​ർ​ത്താ​നാ​വ​ശ്യ​മാ​യ മൂ​ന്ന് ഘ​ട​ക​ങ്ങ​ളും - അ​നു​താ​പം, ബ​ഹു​സ്വ​ര​ത, സം​വാ​ദം - ഇ​ല്ലാ​താ​യി​ക്കൊ​ണ്ടി​രി​ക്കു​ന്നു. ഈ ​ന​ഷ്ട​ത്തെ​ക്കു​റി​ച്ചാ​ണ് എ​ഴു​പ​ത്തി അ​ഞ്ചാം റി​പ്പ​ബ്ലി​ക് ദി​നം ന​മ്മെ ഓ​ർ​മ​പ്പെ​ടു​ത്തു​ന്ന​ത്

അ​യോ​ധ്യ​യി​ലെ രാ​മ​ക്ഷേ​ത്ര പ്ര​തി​ഷ്ഠാ​ക​ർ​മം ന​ട​ന്ന​തി​ന്റെ നാ​ലാം നാ​ളി​ലാ​ണ് ഇ​ത്ത​വ​ണ​ത്തെ റി​പ്പ​ബ്ലി​ക് ദി​നാ​ഘോ​ഷം ന​ട​ക്കു​ന്ന​ത് എ​ന്ന​ത് പ്ര​തീ​കാ​ത്മ​ക​മാ​ണ്. ഇ​ന്ത്യ​ൻ റി​പ്പ​ബ്ലി​ക്കി​ന് മു​ക​ളി​ൽ മ​ത​ത്തെ പ്ര​തി​ഷ്ഠി​ക്കാ​നു​ള്ള സം​ഘ്പ​രി​വാ​റി​ന്റെ അ​ജ​ണ്ട​യു​ടെ ഭാ​ഗ​മാ​യി​വേ​ണം ഇ​തി​നെ കാ​ണാ​ൻ. ഇ​വി​ടെ ഭ​ര​ണ​ഘ​ട​ന​ക്ക് മു​ക​ളി​ലാ​ണ് ക്ഷേ​ത്ര​ത്തി​ന്റെ സ്ഥാ​നം. അ​ധി​കാ​ര​ത്തി​ന് പ​രി​ധി ക​ൽ​പി​ക്കു​ന്ന അ​വ​കാ​ശ​പ​ത്രി​ക​യാ​യ ഭ​ര​ണ​ഘ​ട​ന​യെ​ക്കാ​ൾ അ​ധി​കാ​ര രാ​ഷ്ട്രീ​യ​ത്തി​ന്റെ ചി​ഹ്ന​ങ്ങ​ൾ അ​വ​ർ​ക്ക് പ​ഥ്യ​മാ​വു​ന്ന​ത് സ്വാ​ഭാ​വി​കം മാ​ത്രം. മ​ത​വും രാ​ഷ്ട്രീ​യ​വും ത​മ്മി​ലെ ബ​ല​പ​രീ​ക്ഷ​ണ​ത്തി​ൽ മ​തം വി​ജ​യി​ച്ചി​രി​ക്കു​ന്നു, ത​ൽ​ക്കാ​ല​ത്തേ​ക്കെ​ങ്കി​ലും. എ​ഴു​പ​ത്തി അ​ഞ്ചാം റി​പ്പ​ബ്ലി​ക് ദി​നം ആ​ഘോ​ഷി​ക്കു​മ്പോ​ൾ രാ​ജ്യം എ​വി​ടെ എ​ത്തി​നി​ൽ​ക്കു​ന്നു എ​ന്ന​തി​ന്റെ സാ​ക്ഷ്യ​പ​ത്ര​മാ​ണി​ത്.

1974ൽ ​പു​റ​ത്തി​റ​ങ്ങി​യ എം.​എ​സ്. സ​ത്യു​വി​ന്റെ ഗ​രം ഹ​വ എ​ന്ന ച​ല​ച്ചി​ത്ര​ത്തി​ലെ ഒ​രു​രം​ഗം ഇ​വി​ടെ പ്ര​സ​ക്ത​മാ​ണ്. രാ​ജ്യ​ത്തി​ന്റെ വി​ഭ​ജ​ന​മാ​ണ് പ​ശ്ചാ​ത്ത​ലം. ഇ​ന്ത്യ​യി​ൽ പി​ടി​ച്ചു​നി​ൽ​ക്കാ​ൻ പ​ര​മാ​വ​ധി ശ്ര​മി​ച്ചെ​ങ്കി​ലും അ​തി​ന് പ​റ്റാ​താ​യ​തോ​ടെ മ​ന​സ്സി​ല്ലാ​മ​ന​സ്സോ​ടെ ക​ഥ​യി​ലെ നാ​യ​ക​ൻ, സ​ലിം മി​ർ​സ, പാ​കി​സ്താ​നി​ലേ​ക്ക് കു​ടി​യേ​റാ​ൻ തീ​രു​മാ​നി​ക്കു​ന്നു. സാ​ധ​ന​ങ്ങ​ളെ​ല്ലാം പെ​റു​ക്കി​ക്കെ​ട്ടി റെ​യി​ൽ​വേ സ്റ്റേ​ഷ​നി​ലേ​ക്ക് പോ​കു​ന്ന​തി​നി​ട​യി​ൽ അ​യാ​ൾ അ​രി​വാ​ളും ചു​റ്റി​ക​യും ആ​ലേ​ഖ​നം ചെ​യ്ത കൊ​ടി​യു​മേ​ന്തി മു​ന്നേ​റു​ന്നൊ​രു പ്ര​ക​ട​നം കാ​ണാ​നി​ട​യാ​യി. വ​ണ്ടി​യി​ൽ നി​ന്നി​റ​ങ്ങി, ത​ല​യി​ലെ തൊ​പ്പി നേ​രെ​യാ​ക്കി, അ​യാ​ൾ പ്ര​ക​ട​ന​ത്തി​ന്റെ ഭാ​ഗ​മാ​യി. മ​ത​ത്തി​ന്റെ രാ​ഷ്ട്രീ​യ​വ​ത്ക​ര​ണ​ത്തി​നും മ​ത​വൈ​ര​ത്തി​നു​മ​പ്പു​റം മ​റ്റൊ​രു മാ​ർ​ഗം - അ​ടി​ച്ച​മ​ർ​ത്ത​പ്പെ​ട്ട​വ​രു​ടെ ഐ​ക്യ​നി​ര - തു​റ​ന്നു​കി​ട​ക്കു​ന്നു​ണ്ടെ​ന്ന സ​ന്ദേ​ശ​മാ​ണ് ഇ​തി​ലൂ​ടെ സ​ത്യു ന​ൽ​കു​ന്ന​ത്. ചി​ത്രം ഇ​റ​ങ്ങി​യി​ട്ട് നാ​ല് പ​തി​റ്റാ​ണ്ട് ക​ഴി​യു​മ്പോ​ഴും ‘പാ​കി​സ്താ​നി​ലേ​ക്ക് പോ​കൂ’ എ​ന്ന അ​ട്ട​ഹാ​സ​ങ്ങ​ൾ​ക്ക് യാ​തൊ​രു ശ​മ​ന​വു​മി​ല്ല. ഭ​ര​ണ​കൂ​ട വി​മ​ർ​ശ​ക​ർ​ക്ക് സം​ഘ്പ​രി​വാ​ർ അ​നു​കൂ​ലി​ക​ളു​ടെ താ​ക്കീ​ത്.

റി​പ്പ​ബ്ലി​ക് എ​ന്ന ആ​ശ​യം

ചി​ത്ര​ത്തി​ൽ വി​വ​രി​ച്ച​തു​പോ​ലു​ള്ള മ​റ്റൊ​രു പാ​ത​യാ​ണ് ഇ​ന്ത്യ​ൻ ഭ​ര​ണ​ഘ​ട​ന​യും വെ​ട്ടി​ത്തെ​ളി​യി​ക്കു​ന്ന​ത്. ഭൂ​രി​പ​ക്ഷ-​ന്യൂ​ന​പ​ക്ഷ ദ്വ​ന്ദ​ങ്ങ​ൾ​ക്ക​പ്പു​റം, മ​ത​നി​ര​പേ​ക്ഷ​ത​യു​ടെ​യും ബ​ഹു​സ്വ​ര​ത​യു​ടെ​യും മൂ​ന്നാം മാ​ർ​ഗം. മ​തം വി​ശ്വാ​സ​മാ​കു​മ്പോ​ൾ മ​നു​ഷ്യ​രെ ഒ​രു​മി​പ്പി​ക്കു​മെ​ന്നും അ​ത് രാ​ഷ്ട്രീ​യ​വ​ത്ക​രി​ക്ക​പ്പെ​ടു​മ്പോ​ൾ മ​നു​ഷ്യ​സ​മൂ​ഹം വി​ഭ​ജി​ക്ക​പ്പെ​ടു​മെ​ന്നു​ള്ള തി​രി​ച്ച​റി​വാ​ണ് ഇ​തി​ന് പി​ന്നി​ൽ. ഹി​ന്ദി - ഉ​റു​ദു ക​വി, സാ​ഹി​ർ ലു​ധി​യാ​ൻ​വി, പ​റ​ഞ്ഞ​ത് ഓ​ർ​മ​യി​ല്ലേ? ‘സ്നേ​ഹം സ്വ​ത​ന്ത്ര​മാ​ണ്. അ​ത് ഹി​ന്ദു​വു​മ​ല്ല മു​സ്‍ലി​മു​മ​ല്ല. അ​ത് സ്വ​യം ഒ​രു ധ​ർ​മ​വും വി​ശ്വാ​സ​വു​മാ​ണ്’. സാ​ഹോ​ദ​ര്യ​ത്തി​ലും സ്വാ​ത​ന്ത്ര്യ​ത്തി​ലും സ്ഥി​തി സ​മ​ത്വ​ത്തി​ലും ഊ​ന്നി​നി​ൽ​ക്കു​ന്ന ന​മ്മു​ടെ റി​പ്പ​ബ്ലി​ക്ക​ൻ ഭ​ര​ണ​ഘ​ട​ന മു​ന്നോ​ട്ടു​വെ​ക്കു​ന്ന മൂ​ല്യ​വും ഇ​തു​ത​ന്നെ. സാ​മൂ​ഹി​ക​മാ​യി വി​ഭ​ജി​ക്ക​പ്പെ​ട്ടൊ​രു രാ​ജ്യ​ത്ത് അ​ത് സ​മ​വാ​യ​ത്തി​ന്റെ സാ​ധ്യ​ത​ക​ൾ തേ​ടു​ന്നു.

റി​പ്പ​ബ്ലി​ക്കും ജ​നാ​ധി​പ​ത്യ​വും കൂ​ടി​ച്ചേ​രു​മ്പോ​ൾ അ​തൊ​രു ജീ​വി​ത​രീ​തി​യാ​യി മാ​റു​ന്നു. സ​മൂ​ഹ​ത്തി​ന്റെ നാ​നാ​തു​റ​യി​ലും പെ​ട്ട​വ​ർ ക​ണ്ണോ​ടു​ക​ണ്ണ് കാ​ണു​ക​യും തോ​ളോ​ടു തോ​ൾ ചേ​ർ​ന്നു​നി​ൽ​ക്കു​ക​യും പ​ര​സ്പ​രം സ​ഹ​ക​രി​ക്കു​ക​യും ബ​ഹു​മാ​നി​ക്കു​ക​യും വി​ട്ടു​വീ​ഴ്ച​ക​ൾ​ക്ക് ത​യാ​റാ​വു​ക​യും ചെ​യ്യു​ന്ന​താ​ണ് അ​തി​ന്റെ അ​ടി​ത്ത​റ. സു​താ​ര്യ​ത​യും സം​വാ​ദ​വും ഇ​തി​ന് അ​ത്യ​ന്താ​പേ​ക്ഷി​ത​മാ​യ മ​റ്റ് ഘ​ട​ക​ങ്ങ​ളാ​ണ്.

‘റി​പ്പ​ബ്ലി​ക്’ എ​ന്ന ലാ​റ്റി​ൻ പ​ദ​ത്തി​ന്‍റെ അ​ർ​ഥം​ത​ന്നെ ‘പൊ​തു​കാ​ര്യം’ എ​ന്നാ​ണ്. രാ​ഷ്ട്രീ​യ​ത്തി​ൽ അ​ത് ഭ​ര​ണ​സു​താ​ര്യ​ത​ക്കും ശ​ക്ത​മാ​യ പൊ​തു​മ​ണ്ഡ​ല​ത്തി​നും വേ​ണ്ടി നി​ല​കൊ​ള്ളു​ന്നു. ഒ​രു രാ​ജ്യം ജ​നാ​ധി​പ​ത്യ റി​പ്പ​ബ്ലി​ക് ആ​വു​ന്ന​ത് ജ​ന​ങ്ങ​ൾ പ​ര​സ്പ​രം സം​ഭാ​ഷ​ണ​ത്തി​ലേ​ർ​പ്പെ​ടു​ക​യും ശ്ര​വി​ക്കു​ക​യും മ​ന​സ്സി​ലാ​ക്കു​ക​യും ചെ​യ്യു​മ്പോ​ഴാ​ണ്. മാ​ധ്യ​മ​ങ്ങ​ൾ രൂ​പ​പ്പെ​ടു​ത്തു​ന്ന സം​വാ​ദ​ത്തി​ന്റെ പൊ​തു സം​സ്കാ​രം ഇ​തി​ൽ വ​ഹി​ക്കു​ന്ന പ​ങ്ക് നി​സ്തു​ല​മാ​ണ്. ഇ​തി​ലൂ​ടെ​യാ​ണ് പൊ​തു താ​ൽ​പ​ര്യ​വും പൊ​തു​ജ​നാ​ഭി​പ്രാ​യ​വും രൂ​പം​കൊ​ള്ളു​ന്ന​ത്. മ​റി​ച്ചാ​വു​മ്പോ​ൾ സ്വ​കാ​ര്യ താ​ൽ​പ​ര്യ​വും സ്വ​കാ​ര്യാ​ഭി​പ്രാ​യ​വും പൊ​തു​താ​ൽ​പ​ര്യ​ത്തി​ന്റെ​യും പൊ​തു​ജ​നാ​ഭി​പ്രാ​യ​ത്തി​ന്റെ​യും പ്ര​ച്ഛ​ന്ന​വേ​ഷ​ത്തി​ൽ അ​വ​ത​രി​ക്കു​ക​യും റി​പ്പ​ബ്ലി​ക്കി​ന്റെ അ​ടി​ത്ത​റ ദു​ർ​ബ​ല​പ്പെ​ടു​ത്തു​ക​യും ചെ​യ്യും. ഇ​വി​ടെ​യാ​ണ് സ്വ​ത​ന്ത്ര മാ​ധ്യ​മ​ങ്ങ​ളും അ​ഭി​പ്രാ​യ സ്വാ​ത​ന്ത്ര്യ​വും പ്രാ​ധാ​ന്യ​മ​ർ​ഹി​ക്കു​ന്ന​ത്.

ഭ​ര​ണ​ഘ​ട​ന​യും പാ​ർ​ല​മെ​ന്റും തെ​ര​ഞ്ഞെ​ടു​പ്പും ദേ​ശീ​യ​പ​താ​ക​യും ഉ​ള്ള​തു​കൊ​ണ്ടു​മാ​ത്രം ഒ​രു രാ​ജ്യ​വും റി​പ്പ​ബ്ലി​ക്കാ​വു​ന്നി​ല്ല. ഇ​തി​ന് മൗ​ലി​ക​മാ​യി ഉ​ണ്ടാ​വേ​ണ്ട​ത് സ്വ​ത​ന്ത്ര​രും പ​ര​സ്പ​രാ​ശ്ര​യ​ത്തി​ലും വി​ശ്വാ​സ​ത്തി​ലും ക​ഴി​യു​ന്ന ജ​ന​ത​യാ​ണ്. ജാ​തി, മ​ത പ​രി​ഗ​ണ​ന​ക​ൾ​ക്ക​പ്പു​റം സാ​ർ​വ​ത്രി​ക പൗ​ര​ത്വ​വും ഇ​തി​ന്റെ മു​ൻ ഉ​പാ​ധി​യാ​ണ്. ഇ​തു​കൊ​ണ്ടാ​ണ് ഗാ​ന്ധി​ജി​യു​ടെ സ്വ​രാ​ജ് ഒ​രു റി​പ്പ​ബ്ലി​ക്ക​ൻ ആ​ശ​യ​മാ​യി മാ​റു​ന്ന​ത്.

ന​ഷ്ട​പ്പെ​ടു​ന്ന റി​പ്പ​ബ്ലി​ക്ക​ൻ മൂ​ല്യ​ങ്ങ​ൾ

റി​പ്പ​ബ്ലി​ക് ദി​നാ​ഘോ​ഷ​ത്തെ ആ​വേ​ശ​ഭ​രി​ത​വും ചേ​തോ​ഹ​ര​വു​മാ​ക്കേ​ണ്ട​ത് സൈ​നി​ക പ​രേ​ഡി​നും ആ​യു​ധ പ്ര​ദ​ർ​ശ​ന​ത്തി​നു​മ​പ്പു​റം, ഭ​ര​ണ​ഘ​ട​നാ മൂ​ല്യ​ങ്ങ​ളു​ടെ ഓ​ർ​മ പു​തു​ക്ക​ലും അ​വ ന​മ്മു​ടെ രാ​ഷ്ട്രീ​യ​ത്തെ എ​ത്ര​ക​ണ്ട് സ​മ്പ​ന്ന​മാ​ക്കി എ​ന്ന​തി​ന്റെ ക​ണ​ക്കെ​ടു​പ്പു​മാ​ണ്. അ​ത് ഒ​രേ​സ​മ​യം പോ​യ വ​ർ​ഷ​ത്തി​ലേ​ക്കു​ള്ളൊ​രു തി​രി​ഞ്ഞു​നോ​ട്ട​വും വ​രും​വ​ർ​ഷ​ത്തെ നേ​രി​ടാ​നു​ള്ളൊ​രു ത​യാ​റെ​ടു​പ്പു​മാ​ണ്. ഗ്രീ​ക്ക് രാ​ഷ്ട്ര​ത​ന്ത്ര​ജ്ഞ​ൻ പെ​രി​ക്കി​ൾ​സ് പ​റ​യും​പോ​ലെ, രാ​ജ്യ​ത്തി​ന് സ്വാ​ത​ന്ത്ര്യം നേ​ടി​ത്ത​ന്ന ന​മ്മു​ടെ പൂ​ർ​വി​ക​രെ ഓ​ർ​ക്കാ​നു​ള്ള സ​ന്ദ​ർ​ഭം.

മൂ​ല്യ​ങ്ങ​ളെ​ക്കു​റി​ച്ചു​ള്ള ഓ​ർ​മ പു​തു​ക്ക​ലി​ൽ ഒ​രു തി​രി​ച്ച​റി​വി​ന്റെ പ്ര​ശ്ന​വും അ​ന്ത​ർ​ലീ​ന​മാ​ണ്. ഒ​രു​ദാ​ഹ​ര​ണം കൊ​ണ്ട് ഇ​ത് വ്യ​ക്ത​മാ​ക്കാം. രാ​ജ്യ​ത്തി​ന്റെ സാ​മൂ​ഹി​ക വൈ​വി​ധ്യം നി​ഴ​ലി​ക്കേ​ണ്ട​ത് റി​പ്പ​ബ്ലി​ക് ദി​ന ഫ്ലോ​ട്ടു​ക​ളി​ല​ല്ല, സ​ർ​ക്കാ​റി​ന്റെ ന​യ​ങ്ങ​ളി​ലും സ​മീ​പ​ന​ങ്ങ​ളി​ലു​മാ​ണ്. ഫ്ലോ​ട്ടു​ക​ൾ പ്ര​തീ​കാ​ത്മ​ക​വും ഭ​ര​ണ​കൂ​ട ചെ​യ്തി​ക​ൾ യ​ഥാ​ർ​ഥ്യ​ത്തി​ന്റെ വെ​ളി​ച്ച​വു​മാ​യി നി​ൽ​ക്ക​ണം എ​ന്ന​ർ​ഥം. എ​ന്നാ​ൽ, ഇ​വി​ടെ നേ​രെ വി​പ​രീ​ത​മാ​ണ് കാ​ര്യ​ങ്ങ​ൾ. ഫ്ലോ​ട്ടു​ക​ളെ യാ​ഥാ​ർ​ഥ്യ​മാ​യി ചി​ത്രീ​ക​രി​ച്ച് അ​തി​നു​ള്ളി​ൽ ഭ​ര​ണ​കൂ​ട ചെ​യ്തി​ക​ൾ മ​റ​ച്ചു​വെ​ക്കു​ന്നു. ഡ്യൂ​പ്ലി​ക്കേ​റ്റി​നെ ഒ​ർ​ജി​ന​ലാ​ക്കു​ന്ന ഇ​ന്ദ്ര​ജാ​ലം. ഇ​തോ​ടെ റി​പ്പ​ബ്ലി​ക് ദി​നാ​ഘോ​ഷം വെ​റും കെ​ട്ടു​കാ​ഴ്ച​യാ​യി മാ​റു​ന്നു.

ഭ​ര​ണ​കൂ​ട​ത്തി​ന് സ​ർ​വ​തും അ​ധി​കാ​ര രാ​ഷ്ട്രീ​യ​ത്തി​ലെ ലാ​ഭ-​ന​ഷ്ട ക​ണ​ക്കെ​ടു​പ്പു​ക​ൾ​ക്കു​ള്ള അ​വ​സ​ര​ങ്ങ​ളാ​ണ്. വം​ശ​ഹ​ത്യ​യും വ​ർ​ഗീ​യ-​സാ​മൂ​ഹി​ക സം​ഘ​ർ​ഷ​ങ്ങ​ളും ആ​രാ​ധ​നാ​ല​യ​ങ്ങ​ളു​ടെ നി​ർ​മാ​ണ​വും പൊ​ളി​ച്ച​ടു​ക്ക​ലും പു​രോ​ഗ​തി​യു​ടെ പേ​രി​ൽ ഗോ​ത്ര​ജ​ന​ങ്ങ​ളു​ടെ കു​ടി​യൊ​ഴി​പ്പി​ക്ക​ലും കേ​ന്ദ്ര-​സം​സ്ഥാ​ന ബ​ന്ധ​ങ്ങ​ളും പൗ​ര​ത്വ​പ്ര​ശ്ന​വു​മെ​ല്ലാം ഇ​തി​ലെ ക​രു​ക്ക​ളാ​ണ്. ഇ​തി​ന് വി​ഘ്നം നി​ൽ​ക്കു​ന്ന​തി​നെ​യെ​ല്ലാം അ​വ​ർ നി​ർ​ഭ​യം ത​ട്ടി​നീ​ക്കു​ന്നു. അ​ത് പൗ​രാ​വ​കാ​ശ​ങ്ങ​ളാ​വാം, മാ​ധ്യ​മ സ്വാ​ത​ന്ത്ര്യ​മാ​വാം, നി​യ​മ​വാ​ഴ്ച​യാ​വാം, പ്ര​തി​പ​ക്ഷ​മാ​വാം, ഭ​ര​ണ​ഘ​ട​ന​യാ​വാം, സ്ഥാ​പ​ന സ്വ​രൂ​പ​ങ്ങ​ളാ​വാം, സി​വി​ൽ സ​മൂ​ഹ​മാ​വാം. ഇ​ത്ത​ര​മൊ​രു സാ​ഹ​ച​ര്യ​ത്തി​ൽ, റി​പ്പ​ബ്ലി​ക്ക​ൻ മൂ​ല്യ​ങ്ങ​ൾ അ​വ​രെ സം​ബ​ന്ധി​ച്ചി​ട​ത്തോ​ളം അ​ർ​ഥ​മ​ല്ല; അ​ന​ർ​ഥ​മാ​ണ്.

ക​ഴി​ഞ്ഞ​വ​ർ​ഷ​ത്തെ ബു​ക്ക​ർ സ​മ്മാ​ന ജേ​താ​വ് പോ​ൾ ലി​ഞ്ചി​ന്റെ പു​സ്ത​ക​ത്തി​ൽ, പു​രോ​ഹി​ത ഗീ​ത​ത്തി​ൽ, പ​റ​യു​ന്ന​ത് വ​ർ​ത്ത​മാ​ന​കാ​ല ഇ​ന്ത്യ​ൻ രാ​ഷ്ട്രീ​യ​ത്തി​ന് ന​ന്നേ ചേ​രും. ‘നി​ങ്ങ​ൾ യാ​ഥാ​ർ​ഥ്യം എ​ന്നു ക​രു​തു​ന്ന​തി​നെ​യാ​ണ് അ​വ​ർ മാ​റ്റാ​ൻ ശ്ര​മി​ക്കു​ന്ന​ത്. അ​വ​ർ അ​തി​നെ ക​ല​ക്ക​വെ​ള്ളം പോ​ലെ അ​വ്യ​ക്ത​മാ​ക്കാ​ൻ ശ്ര​മി​ക്കു​ന്നു. നി​ങ്ങ​ൾ, ഒ​ന്ന് മ​റ്റൊ​ന്നാ​ണെ​ന്ന് ആ​വ​ർ​ത്തി​ച്ചാ​വ​ർ​ത്തി​ച്ച് പ​റ​ഞ്ഞാ​ൽ ജ​നം അ​ത് സ​ത്യ​മാ​ണെ​ന്ന് വി​ശ്വ​സി​ക്കും’, ലി​ഞ്ച് വ്യ​ക്ത​മാ​ക്കു​ന്നു. സ​ത്യാ​ന​ന്ത​ര​കാ​ല​ത്തെ ഇ​ന്ത്യ​ൻ രാ​ഷ്ട്രീ​യം എ​ത്തി​നി​ൽ​ക്കു​ന്ന​ത് ഈ ​വി​ഷ​മ​വൃ​ത്ത​ത്തി​ലാ​ണ്. ജ​നാ​ധി​പ​ത്യം നി​ല​നി​ർ​ത്താ​നാ​വ​ശ്യ​മാ​യ മൂ​ന്ന് ഘ​ട​ക​ങ്ങ​ളും - അ​നു​താ​പം, ബ​ഹു​സ്വ​ര​ത, സം​വാ​ദം - ഇ​ല്ലാ​താ​യി​ക്കൊ​ണ്ടി​രി​ക്കു​ന്നു. ഈ ​ന​ഷ്ട​ത്തെ​ക്കു​റി​ച്ചാ​ണ് എ​ഴു​പ​ത്തി അ​ഞ്ചാം റി​പ്പ​ബ്ലി​ക് ദി​നം ന​മ്മെ ഓ​ർ​മ​പ്പെ​ടു​ത്തു​ന്ന​ത്. ●