തിരുവനന്തപുരം: കെ.പി.സി.സി അധ്യക്ഷന് കെ. സുധാകരനെ കൊലപ്പെടുത്താന് സി.പി.എം പദ്ധതിയിട്ടെന്ന വെളിപ്പെടുത്തല് അന്വേഷിക്കാന് സര്ക്കാര് തയാറാകുമോയെന്ന് പ്രതിപക്ഷ നേതാവ് വി.ഡി സതീശൻ. സുധാകരനെ കൊല്ലാന് സി.പി.എം കൊലയാളി സംഘത്തെ അയച്ചെന്ന ജി. ശക്തിധരന്റെ പുതിയ വെളിപ്പെടുത്തല് ഞെട്ടിക്കുന്നതാണ്.
കോണ്ഗ്രസ് പ്രവര്ത്തകര് നെഞ്ചിലേറ്റുന്ന ഒരു നേതാവിനെ കൊലപ്പെടുത്താന് സി.പി.എം ഗൂഡപദ്ധതിയിട്ടെന്നാണ് ശക്തിധരന് വെളിപ്പെടുത്തിയിരിക്കുന്നത്. ദേശാഭിമാനി പത്രത്തിന്റെ അസോസിയേറ്റ് എഡിറ്ററും പിണറായി വിജയന്റെ സന്തതസഹചാരിയും ആയിരുന്ന ശക്തിധരനാണ് വെളിപ്പെടുത്തല് നടത്തിയത്. താന് കൂടി പ്രതി ചേര്ക്കപ്പെട്ടേക്കാവുന്ന കാര്യമാണ് ധീരതയോടെ ശക്തിധരന് വെളിപ്പെടുത്തിയത്.
സി.പി.എമ്മിന്റെ തനിനിറം പുറത്തുവന്നുകൊണ്ടിരിക്കുകയാണ്. സുധാകരനെ കൊല്ലാന് പല വഴികള് നേക്കിയവരാണ് അവര്. സുധാകരനെ രാഷ്ട്രീയമായും ശാരീരികമായും ഇല്ലായ്മ ചെയ്യാന് പിണറായി വിജയന്റെ നേതൃത്വത്തില് മുഖ്യമന്ത്രിയുടെ ഓഫീസില് ഗൂഡസംഘം പ്രവര്ത്തിക്കുമ്പോള് എന്ത് വില കൊടുത്തും ഞങ്ങള് അദ്ദേഹത്തെ സംരക്ഷിക്കും. അക്കാര്യത്തില് ആര്ക്കും ഒരു സംശയവും വേണ്ടെന്നും സതീശൻ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.