ടെലസ്കോപ് ഉപയോഗിച്ച് എടുത്ത സി/2022 ഇ 3 (ഇസഡ്.ടി.എഫ്) എന്ന വാൽനക്ഷത്രത്തിന്റെ ചിത്രം
ന്യൂയോർക്: അടുത്തിടെ കണ്ടെത്തിയ വാൽനക്ഷത്രം ഭൂമിക്കരികിലേക്ക് എത്തുന്നു. 50,000 വർഷത്തിനിടെ ആദ്യമായാണ് ഭൂമിക്കരികിലേക്ക് സി/2022 ഇ 3 (ഇസഡ്.ടി.എഫ്) എന്ന വാൽനക്ഷത്രം എത്തുന്നത്.
ഫെബ്രുവരി ഒന്നോടെ ഭൂമിക്കരികിലേക്ക് എത്തുന്ന ഈ വാൽനക്ഷത്രത്തെ നഗ്നനേത്രങ്ങളാൽ ദർശിക്കാനാകുമെന്നാണ് ജ്യോതിശാസ്ത്രജ്ഞർ പറയുന്നു. മാർച്ച് 12ഓടെ സൂര്യന് സമീപത്തുകൂടെ നീങ്ങുന്ന ഈ വാൽനക്ഷത്രം ഫെബ്രുവരി ഒന്നിനാണ് ഭൂമിക്കരികിലേക്ക് എത്തുന്നത്. രാത്രിയിൽ നഗ്നനേത്രങ്ങൾ ഉപയോഗിച്ച് കാണാൻ സാധിക്കുമെന്ന് പാരിസ് വാന നിരീക്ഷണകേന്ദ്രത്തിലെ വിദഗ്ധൻ നിക്കോളാസ് ബിവെർ പറഞ്ഞു. 2022ലാണ് ഈ വാൽനക്ഷത്രത്തെ കണ്ടെത്തിയത്. 2020 മാർച്ചിലാണ് അവസാനമായി ഭൂമിയിൽനിന്ന് നഗ്നനേത്രങ്ങളുപയോഗിച്ച് വാൽനക്ഷത്രത്തെ ദർശിക്കാനായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.