മസ്കത്ത്: കന്തൂറയണിഞ്ഞ് തലപ്പാവും കെട്ടി അസ്സൽ അറബി സ്റ്റൈലിൽ ഒരു മലയാളി. യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലാണ് തന്റെ പുതിയ ലുക്കിലുള്ള ഫോട്ടോ ഫേസ്ബുക്കിൽ പോസ്റ്റ് ചെയ്തത്.
രണ്ട് ദിവസത്തെ സന്ദർശനത്തിന് ഒമാനിൽ എത്തിയതാണ് രാഹുൽ. ഇതിനിടെയാണ് പരമ്പരാഗത അറബിക് വേഷത്തിൽ ഫോട്ടോ എടുത്ത് ഫേസ്ബുക്കിൽ പോസ്റ്റ് ചെയ്തത്. രസകരമായ കമന്റുകളാണ് ഫോട്ടോക്ക് താഴെ വരുന്നത്.
'വരുമ്പോൾ കുറച്ച് ഈന്തപ്പഴം കൊണ്ടുവരണേ അതിലെ കുരു സ്വർണ്ണം ആയാലും കുഴപ്പമില്ല' എന്നാണ് ഒരാളുടെ ട്രോൾ. കേരളത്തിൽ ചാനൽ ചർച്ചകളിൽ സ്ഥിരം സാന്നിധ്യമായ രാഹുലിനെ ഇനി അറബി ചാനലുകളിൽ കാണാം എന്ന് മറ്റൊരു കമന്റ്.
'അൽ ഷെയ്ഖ് രാഹുൽ മാംകൂട്ടത്തിൽ!!' എന്ന് പുതിയ പേരും ചിലർ നൽകി. ഇത് ഒമാനി വേഷമല്ലെന്നും എങ്കിലും കാണാൻ അറബി ലുക്ക് ഉണ്ടെന്നും മറ്റൊരാൾ ചൂണ്ടികാട്ടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.