രജ്ഞി ട്രോഫി ക്രിക്കറ്റിൽ ആന്ധ്രക്കെതിരെ കേരളം ജയപ്രതീക്ഷയിൽ. ആദ്യ ഇന്നിങ്സിൽ ആന്ധ്ര ഉയർത്തിയ 272 റൺസിന് മറുപടിയായി ബാറ്റിങ്ങിനിറങ്ങിയ കേരളം അക്ഷയ് ചന്ദ്രന്റെയും (184), സചിൻ ബേബിയുടെയും (113) തകർപ്പൻ സെഞ്ച്വറികളുടെയും രോഹൻ കുന്നുമ്മൽ (61), സൽമാൻ നിസാർ (58) എന്നിവരുടെ അർധസെഞ്ച്വറികളുടെയും മികവിൽ ഏഴ് വിക്കറ്റ് നഷ്ടത്തിൽ 514 റൺസ് അടിച്ചുകൂട്ടിയിരുന്നു.
242 റൺസിന്റെ ഒന്നാം ഇന്നിങ്സ് ലീഡ് വഴങ്ങിയ ആന്ധ്ര നാലാം ദിനം ലഞ്ചിന് പിരിയുമ്പോൾ മൂന്ന് വിക്കറ്റ് നഷ്ടത്തിൽ 100 റൺസെന്ന നിലയിലാണ്. ഇന്നിങ്സ് തോൽവി ഒഴിവാക്കാൻ 142 റൺസ് കൂടി വേണ്ട ആന്ധ്ര അവസാന സെഷനിൽ പിടിച്ചുനിന്ന് സമനില പിടിക്കാനാകും ശ്രമിക്കുക. 50 റൺസുമായി അശ്വിൻ ഹെബ്ബാറും 25 റൺസുമായി കരൺ ഷിൺഡെയും പിടിച്ചുനിൽക്കുന്നതാണ് കേരളത്തിന് മുന്നിലെ വെല്ലുവിളി. രേവന്ത് റെഡ്ഢി (5), മഹീപ് കുമാർ (13), ക്യാപ്റ്റൻ റിക്കി ബുലി (1) എന്നിവരാണ് പുറത്തായത്. കേരളത്തിനായി ബേസിൽ തമ്പി രണ്ടും വൈശാഖ് ചന്ദ്രൻ ഒന്നും വിക്കറ്റ് വീഴ്ത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.