ന്യൂഡൽഹി: വ്യത്യസ്ഥമായൊരു പ്രണയദിനാഘോഷവുമായി ഐ.പി.എൽ ടീം ഡൽഹി കാപ്പിറ്റൽസിന്‍റെ ആരാധകർ കൈയ്യടി നേടുന്നു. ഫെബ്രുവരി 14ന് ഡൽഹി കാപ്പിറ്റൽസ് ആരാധകർ അന്നം നൽകിയത് 400ഓളം തെരുവുനായ്ക്കൾക്കാണ്. ക്വാബ് വെൽഫയർ ഫൗണ്ടേഷനുമായി ചേർന്നാണ് ഡൽഹി കാപ്പിറ്റൽസിന്‍റെ ഔദ്യോഗിക ആരാധകക്കൂട്ടമായ ഡി.സി ടോളി അഭിനന്ദനാർഹമായ പ്രവർത്തി നടത്തിയത്.
തെക്കൻ ഡൽഹിയിലെ കൽകാജി, ജവഹർലാൽ നെഹ്റു മെട്രോ സ്റ്റേഷൻ, സഞ്ചർ ഭവൻ, ദാക് ഭവൻ, എയർ ഇന്ത്യ ഓഫീസ് അടക്കമുള്ളിടങ്ങളിലാണ് സംഘം ഭക്ഷണം നൽകിയത്. ചിക്കനടക്കമുള്ളവയുമായി വിഭവ സമൃദ്ധമായ ഭക്ഷണമാണ് സംഘം നായ്ക്കൾക്ക് നൽകിയത്.
കഴിഞ്ഞ വർഷം ഡൽഹി കാപ്പിറ്റൽസിന്‍റെ മത്സരം നടക്കുന്ന ദിവസങ്ങളിൽ ഈ കൂട്ടായ്മ ഭക്ഷണം നൽകിയിരുന്നു. ഡൽഹി കാപ്പിറ്റൽസ് ആരാധകരുടെ പ്രവർത്തിയെ അഭിനന്ദിച്ച് നിരവധിപേർ രംഗത്തെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.