ചെന്നൈ: ചെപ്പോക്ക് സ്റ്റേഡിയത്തിൽ നടന്ന ഇന്ത്യ-ഇംഗ്ലണ്ട് രണ്ടാം ടെസ്റ്റിനിടെ സ്പിന്നർ ആർ.അശ്വിനെ നായകൻ വിരാട് കോഹ്ലി പ്രോത്സാഹിപ്പിക്കുന്ന വിഡിയോ സമൂഹമാധ്യമങ്ങളിൽ വൈറലാകുന്നു. അശ്വിൻ ബൗൾ ചെയ്യവേ തമിഴിലും മലയാളത്തിലും വൈറലായ 'വേറെ ലെവൽ' പ്രയോഗമാണ് കോഹ്ലി പ്രോത്സാഹിപ്പിക്കാനായി ഉപയോഗിച്ചത്. കോഹ്ലി പറയുന്നത് കേട്ട് വിക്കറ്റ് കീപ്പർ ഋഷഭ് പന്തും സമാന പ്രയോഗം ഉപയോഗിക്കുന്നുണ്ട്.
ചെന്നൈ സ്വദേശിയായ അശ്വിനിൽ നിന്നും കേട്ട 'വേറെ ലെവൽ' പ്രയോഗം കോഹ്ലി ഉപയോഗിച്ചതാകാനാണ് സാധ്യത. രണ്ടാംടെസ്റ്റിൽ എട്ടുവിക്കറ്റും സെഞ്ച്വറിയും നേടിയ അശ്വിൻ ഇന്ത്യൻ ജയത്തിൽ പ്രധാനപങ്കുവഹിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.