പവർലിഫ്റ്റിങിൽ സ്വർണം നേടിയ സോളമനും ക്രിസ്റ്റിയും
കോട്ടയം: മലപ്പുറത്ത് നടന്ന കേരള സ്റ്റേറ്റ് മാസ്റ്റേഴ്സ് ഗെയിംസ് പവർലിഫ്റ്റിങിൽ സ്വർണം നേടി ദമ്പതികൾ. കോട്ടയം ജില്ലക്കായി 105 കിലോ വിഭാഗത്തിൽ സോളമൻ തോമസും, 63 കിലോ വിഭാഗത്തിൽ ഭാര്യ ക്രിസ്റ്റി സോളമനുമാണ് സ്വർണം നേടിയത്. ഹിമാചൽ പ്രദേശിൽ നടക്കുന്ന ദേശീയ തല മത്സരത്തിലും ഇരുവരും പങ്കെടുക്കും.
കോട്ടയം കളത്തിപ്പടിയിൽ പ്രവർത്തിക്കുന്ന സോളമൻസ് ജിം ഫിറ്റ്നസ് സെന്റർ ആൻഡ് സ്പോർട്സ് ക്ലബിന്റെ ഉടമസ്ഥരും പരിശീലകരുമാണ് സോളമനും ക്രിസ്റ്റിയും.
രണ്ടു മാസം മുൻപ് കേരള സ്റ്റേറ്റ് പവർലിഫ്റ്റിങ് അസോസിയേഷൻ ആലപ്പുഴയിൽ നടത്തിയ കേരള സ്റ്റേറ്റ് ബെഞ്ച്പ്രസ് മത്സരത്തിലും ഇരുവരും സ്വർണ മെഡൽ നേടിയിരുന്നു. ഗുസ്തി, ബോഡി ബിൽഡിംഗ് എന്നിവയിൽ ജില്ലാതലത്തിലും സംസ്ഥാനതലത്തിലും ജേതാവ് ആയിട്ടുള്ള സോളമൻ തോമസ് പഞ്ചഗുസ്തി, പവർലിഫ്റ്റിങ് ദേശീയ ജേതാവുമാണ്.
മക്കൾ : സൂസൻ (അലയൻസ് - ടെക്നോപാർക്ക്, തിരുവനന്തപുരം). ഗബ്രിയേൽ (മെക്കാനിക്കൽ എൻജിനീയറിങ് വിദ്യാർഥി - അയർലൻഡ്).
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.