ന്യൂഡൽഹി: രാജ്യത്തിനായി കായിക രംഗത്ത് ഒരുപാട് നേട്ടങ്ങൾ എത്തിപ്പിടിക്കേണ്ട താരങ്ങൾ ജീവിത പ്രാരാബ്ധം കൊണ്ട് മറ്റ് പല ജോലികളും ചെയ്ത് ജീവിതം പുലർത്തുന്ന വാർത്തകൾ നാം വായിക്കാറുണ്ട്. അക്കൂട്ടത്തിലെ ഏറ്റവും പുതിയ അംഗമാണ് ചണ്ഡിഗഢിൽ നിന്നുള്ള യുവ ബോക്സറായ ഋതു. ദേശീയ സ്കൂൾ ബോക്സിങ്ങിൽ വെങ്കല മെഡൽ ജേതാവായ ഋതു ഇപ്പോൾ ഒരു പാർക്കിങ് അറ്റൻഡന്‍റ് ആയാണ് ജോലി ചെയ്യുന്നത്. ശാസ്ത്രി പാർക്ക് പ്രദേശത്താണ് പാർക്കിങ് ഫീ പിരിക്കുന്നത്.
പത്താം ക്ലാസിൽ പഠിക്കുേമ്പാൾ ബോക്സിങ്ങിൽ താൽപര്യം തോന്നിത്തുടങ്ങിയയ ഋതു സംസ്ഥാന, ദേശീയ തലത്തിലുള്ള ടൂർണമെന്‍റുകളിൽ പങ്കെടുത്തിട്ടുണ്ട്. ബോക്സിങ്ങിന് പുറമേ വേളിബാളിലും ഗുസ്തിയിലും 23കാരി മികവ് തെളിയിച്ചു.
'പിതാവിന് സുഖമില്ലാതായയേതയാടെ കുടുംബം പുലർത്താൻ കൂലിപ്പണിക്ക് പോകേണ്ടതായി വന്നു. എന്‍റെ കോച്ചിനോട് സഹായം ചോദിച്ചെങ്കിലും സീനിയർ തലത്തിൽ കളിക്കാനായി പിന്തുണ ലഭിക്കാൻ പ്രയാസമായിരിക്കുെമന്നായിരുന്നു അദ്ദേഹത്തിന്‍റെ മറുപടി' -കായിക രംഗം വിടാനുണ്ടായ കാരണം ഋതു വിശദീകരിച്ചു.
'എനിക്ക് പഠനം വര ഉപേക്ഷിക്കേണ്ടി വന്നു. സ്പോട്സ് ക്വോട്ടയിൽ എനിക്ക് സ്കോളർഷിപ്പോ അല്ലെങ്കിൽ ജോലിയോ ലഭിച്ചില്ല. അതുകൊണ്ട് ബോക്സിങ് ഉപേക്ഷിക്കുകയല്ലാതെ വേറെ വഴിയില്ലായിരുന്നു' -ഋതു പറഞ്ഞു. അധികൃതരുടെ സഹായം ലഭിച്ചാൽ രാജ്യത്തിന് വേണ്ടി കളിക്കാനും ഒളിമ്പിക് മെഡലിനായി ശ്രമിക്കാനും ഋതുവിന് താൽപര്യമുണ്ട്.
ഒളിമ്പിക്സ് ബോക്സിങ്ങിൽ 23കാരിയായ അസം സ്വദേശിനി ലവ്ലിന ബോർഗോഹെയ്ൻ വെങ്കലം സ്വന്തമാക്കിയിരുന്നു. വിജേന്ദർ സിങ്ങിനും (2008) മേരി കോമിനും (2012) ശേഷം ഒളിമ്പിക് മെഡൽ നേടുന്ന മുന്നാമത്തെ ബേകാക്സറായിരുന്നു ലവ്ലിന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.