ചെന്നൈ: റുപേ പ്രൈം വോളിബാള്‍ സൂപ്പര്‍ ഫൈവിലെ അഞ്ചു സെറ്റ് നീണ്ട ആവേശകരമായ മത്സരത്തില്‍ ബംഗളൂരു ടോർപിഡോസിന് ജയം. ചൊവ്വാഴ്ച ചെന്നൈ ജവഹര്‍ലാല്‍ നെഹ്‌റു ഇന്‍ഡോര്‍ സ്‌റ്റേഡിയത്തില്‍ നടന്ന മത്സരത്തില്‍ രണ്ടു സെറ്റുകൾക്ക് പിന്നിട്ടുനിന്നശേഷം നിലവിലെ ചാമ്പ്യന്മാരായ അഹ്മദാബാദ് ഡിഫന്‍ഡേഴ്‌സിനെ തോൽപിക്കുകയായിരുന്നു. സ്‌കോര്‍: 14-16, 7-15, 16-14, 15-9, 15-13. ജിഷ്ണുവാണ് കളിയിലെ താരം. സീസണിലെ ത്രില്ലർ പോരാട്ടങ്ങളിലൊന്നിനാണ് ചെന്നൈ സാക്ഷ്യം വഹിച്ചത്. സൂപ്പര്‍ ഫൈവിലെ ആദ്യ മത്സരത്തിൽ ടോർപിഡോസ് തോറ്റിരുന്നു.
ഇന്ന് സൂപ്പര്‍ ഫൈവിലെ നാലാം മത്സരത്തില്‍ കാലിക്കറ്റ് ഹീറോസ് ഡല്‍ഹി തൂഫാന്‍സിനെ നേരിടും. ഇരുടീമുകളും ആദ്യ മത്സരങ്ങള്‍ ജയിച്ചിട്ടുണ്ട്. നാലു പോയന്റുമായി ഹീറോസാണ് സൂപ്പര്‍ ഫൈവ് പട്ടികയില്‍ ഒന്നാമത്. രണ്ടാമതുള്ള ഡല്‍ഹിക്ക് മൂന്നു പോയന്റുണ്ട്. ലീഗ് ഘട്ടത്തില്‍ യഥാക്രമം ആദ്യ സ്ഥാനങ്ങളില്‍ ഫിനിഷ് ചെയ്തതിന് കാലിക്കറ്റിന് രണ്ടു പോയന്റും ഡല്‍ഹിക്ക് ഒരു പോയന്റും ബോണസായി ലഭിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.