കൊളംബോ: 55 വർഷത്തിനിടെ വിദേശത്ത് പരമ്പര തൂത്തുവാരി ഇംഗ്ലണ്ടിെൻറ ചരിത്രക്കുതിപ്പ്. മൂന്നു ടെസ്റ്റുകളും നാല് ഏകദിനങ്ങളും ഒരു ട്വൻറി20യുമടങ്ങിയ പരമ്പരയിൽ ശ്രീലങ്കയെയാണ് ജോ റൂട്ടിെൻറ സംഘം തകർത്തത്.
അവസാന ടെസ്റ്റിൽ 327 റൺസ് വിജയലക്ഷ്യവുമായി രണ്ടാം ഇന്നിങ്സ് ബാറ്റിങ്ങിനിറങ്ങിയ ശ്രീലങ്കയെ സ്പിന്നർമാരായ ജാക് ലീച്ചും മുഇൗൻ അലിയും ചേർന്ന് കറക്കി വീഴ്ത്തുകയായിരുന്നു. തോൽവി ഒഴിവാക്കാൻ കിണഞ്ഞുശ്രമിച്ച ലങ്ക പിടിച്ചുനിൽക്കാൻ പരമാവധി ശ്രമിച്ചെങ്കിലും 284ന് എല്ലാവരും പുറത്തായി.
86 റൺസെടുത്ത് കുശാൽ മെൻഡിസും 65 എടുത്ത റോഷൻ സിൽവയും ആതിഥേയർക്കായി മികച്ച പ്രകടനം പുറത്തെടുത്തെങ്കിലും പ്രയോജനമുണ്ടായില്ല. ഇൗ ജയത്തോടെ മൂന്നു ടെസ്റ്റിലും ജയം അടിച്ചെടുത്ത ഇംഗ്ലണ്ട് നേരേത്ത ഏകദിന പരമ്പരയും 3-1ന് സ്വന്തമാക്കിയിരുന്നു. കഴിഞ്ഞ വർഷം ഇന്ത്യയോടും 2004ൽ ആസ്ട്രേലിയയോടും ലങ്ക സ്വന്തംമണ്ണിൽ തകർന്നടിഞ്ഞിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.