ലണ്ടൻ: അവസാന ശ്വാസം വരെ ടീമിനായി പോരാടുമെന്ന് ഇന്ത്യൻ ക്രിക്കറ്റ്താരം രവീന്ദ്ര ജഡേജ. ലോകകപ്പിലെ ന്യൂസിലാൻഡിനെതിരായ മികച്ച പ്രകടനത്തിന് ശേഷം ട്വിറ്ററിലൂടെ പ്രതികരിക്കുകയായിരുന്നു അദ്ദേഹം. തൻെറ ആരാധകരോട് എത്രത്തോളം നന്ദി പറഞ്ഞാലും മതിയാകില്ലെന്നും ജഡേജ പറഞ്ഞു.
എല്ലാ പരാജയത്തിലും ഉയർത്തേഴുന്നേൽക്കാനാണ് ശ്രമിക്കേണ്ടതെന്നും ഒരിക്കലും കീഴടങ്ങരുതെന്നും സ്പോർട്സ് എന്നെ പഠിപ്പിച്ചു. ചുറ്റുമുള്ള കാണികൾ എക്കാലത്തും പ്രചോദനമാണെന്നും ജഡേജ ട്വിറ്ററിൽ കുറിച്ചു.
മാഞ്ചസ്റ്റിൽ നടന്ന ന്യൂസിലൻഡിനെതിരായ ലോകകപ്പ് സെമി മൽസരത്തിൽ ആറ് വിക്കറ്റ് വീണ് തകർച്ചയെ അഭിമുഖീകരിച്ച ഇന്ത്യയെ കരകയറ്റിയത് ജഡേജയും ധോണിയും തമ്മിലുള്ള കൂട്ടുകെട്ടായിരുന്നു. ഇരുവരും ചേർന്ന് 116 റൺസ് കൂട്ടിച്ചേർത്തിരുന്നു.
77 റൺസെടുത്ത ജഡേജയുടെ പ്രകടനമാണ് ഇന്ത്യൻ ഇന്നിങ്സിൽ നിർണായകമായത്. എന്നാൽ, ധോണിയും ജഡേജയും പുറത്തായതോടെ സെമിയിൽ ഇന്ത്യ പരാജയപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.