ജയ്പൂർ: രാജസ്ഥാൻ റോയൽസിനെതിരെ കൊൽക്കത്ത നൈറ്റ് റൈഡേഴ്സിന് അനായാസ ജയം. രാജസ്ഥ ാൻ ഉയർത്തിയ 139 റൺസ് വിജയലക്ഷ്യം 13.5 ഒാവറിൽ രണ്ടു വിക്കറ്റ് മാത്രം നഷ്ടപ്പെടുത്തിയാണ് കൊൽക്കത്ത മറികടന്നത് . േടാസ് നേടിയിട്ടും രാജസ്ഥാനെ ബാറ്റിങ്ങിനയച്ച കൊൽക്കത്തയുടെ കണക്കുകൂട്ടൽ പൂർണമായി വിജയം കാണുന്നതായിരുന്നു മൈതാനത്തെ കാഴ്ച.
ആദ്യം ബാറ്റു ചെയ്ത രാജസ്ഥാൻ മൂന്നു വിക്കറ്റ് നഷ്ടത്തിൽ 139 റൺസ് മാത്രം എടുത്തപ്പോഴേ സന്ദർശകർ വിജയം മണത്തിരുന്നു. 59 പന്തിൽ 73 റൺസുമായി പുറത്താകാതെ നിന്ന സ്റ്റീവൻ സ്മിത്തും 37 റൺസെടുത്ത ജോസ് ബട്ലറുമാണ് ടീമിന് മാന്യമായ സ്കോർ സമ്മാനിച്ചത്.
മറുപടി ബാറ്റിങ്ങിനിറങ്ങിയ കൊൽക്കത്തയുടെ നരെയ്ൻ-ലിൻ ജോടി അനായാസമായാണ് ബാറ്റുചെയ്തത്. ലിൻ അർധ സെഞ്ച്വറി നേടിയപ്പോൾ നരെയ്ൻ 47 റൺസെടുത്തു. ഉത്തപ്പ 26 റൺസെടുത്തു. രാജസ്ഥാൻ നിരയിൽ പരിക്കേറ്റ മലയാളി താരം സഞ്ജു സാംസൺ കളിച്ചില്ല. അതേസമയം, മിഥുൻ എസ് അരങ്ങേറ്റ മത്സരം കളിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.