ഇന്ത്യൻ ബൗളർ മുഹമ്മദ്​ ഷമിക്കെതിരെ ഭാര്യയുടെ ഗുരുതരാരോപണം

ന്യൂഡൽഹി: ഇന്ത്യൻ പേസ്​ ബൗളർ മുഹമ്മദ്​ ഷമിക്കെതിരെ ഭാര്യ ഹസിൻ ജഹാ​​​െൻറ ഗുരുതരാരോപണം. ഷമിക്ക്​ മറ്റ്​ സ്​ത്രീകളുമായി ബന്ധമുണ്ടെന്നും തന്നെ മാനസികവും ശാരീരികവുമായി പീഡിപ്പിക്കാറുണ്ടെന്നും ഹസിൻ ജഹാൻ ആരോപിച്ചു. ഷമിയുടെ സഹോദരനും അമ്മയും കൊല്ലാൻ വരെ ശ്രമിച്ചെന്നും അവർ പറയുന്നു.

നേരത്തെ ഹസിൻ, ഷമിയുടെ പരസ്​ത്രീകളുമായുള്ള  വാട്​സ്​ആപ്പ്​, മെസ്സൻജർ ചാറ്റുകളുടെ സ്​ക്രീൻഷോട്ടുകൾ ഫേസ്​ബുക്കിലൂടെ പങ്കുവെച്ചിരുന്നു. ഷമിയുമായി അവിഹിത ബന്ധമുണ്ടെന്ന്​ ആരോപിക്കുന്ന ഒരു സ്​ത്രീയുടെ ഫോ​േട്ടായും അവരുടെ നമ്പറും സാമൂഹിക മാധ്യമങ്ങളിലൂടെ പ്രചരിപ്പിക്കുകയും ചെയ്​തിരുന്നു. 

അതേ സമയം ത​​​െൻറ വ്യക്​തി ജീവിതവുമായി ബന്ധപ്പെട്ട്​ പ്രചരിക്കുന്ന കാര്യങ്ങളെല്ലാം നിഷേധിക്കുന്നതായും ഭാര്യയുടെ ആരോപണം ത​​​​െൻറ കരിയർ നശിപ്പിക്കാനുള്ള ശ്രമത്തി​​​െൻറ ഭാഗമാണെന്നും ഷമി പ്രതികരിച്ചു. ട്വിറ്ററിലൂടെയായിരുന്നു പ്രതികരണം.

നിയമപരമായി എന്തെങ്കിലും നടപടിയെടുക്കുന്നതിന്​ മുമ്പ്​ ഷമിയുടെ മനസുമാറുമെന്ന്​ പ്രതീക്ഷിക്കുന്നതായി ഹസി​​​െൻറ അഭിഭാഷകൻ സാക്കിർ ഹുസൈൻ പറഞ്ഞു. നിലവിൽ ഇന്ത്യൻ എ ടീമിന്​ വേണ്ടി കളിക്കുകയാണ്​ 27 വയസ്സുകാരനായ ഷമി.