അരിസോണ: കോപ അമേരിക്കയില്‍ ഞായറാഴ്ച പുലര്‍ച്ചെ തോറ്റവരുടെ പോരാട്ടം. സ്വന്തം മണ്ണിലത്തെിയ ശതാബ്ദി ചാമ്പ്യന്‍ഷിപ്പില്‍ അഭിമാനിക്കാവുന്ന സ്ഥാനം തേടിയാണ് ക്ളിന്‍സ്മാന്‍െറ അമേരിക്ക കളത്തിലിറങ്ങുന്നത്. 1995ല്‍ നേടിയ നാലാം സ്ഥാനമാണ് കോപയില്‍ അമേരിക്കയുടെ മികച്ച പ്രകടനം. പ്രമുഖ താരങ്ങളുടെ സസ്പെന്‍ഷന്‍ വലച്ച സെമിയില്‍ അര്‍ജന്‍റീനയോട് മറുപടിയില്ലാത്ത നാല് ഗോളിനായിരുന്നു അമേരിക്കയുടെ തോല്‍വി. അതേസമയം, എതിരാളിയായ കൊളംബിയയുടെ ലക്ഷ്യവും മികച്ച റെക്കോഡുമായി മടങ്ങുകതന്നെ. രണ്ടു തവണ അഞ്ചാം സ്ഥാനക്കാരായി മടങ്ങിയതാണ് കൊളംബിയയുടെ മികച്ച പ്രകടനം. സെമിയില്‍ നിലവിലെ ചാമ്പ്യന്മാരായ ചിലിയോട് മറുപടിയില്ലാത്ത രണ്ട് ഗോളിന് തോറ്റായിരുന്നു കൊളംബിയയുടെ മടക്കം. ഹാമിഷ് റോഡ്രിഗസും കാര്‍ലോസ് ബാകയുമടങ്ങിയ ടീം കഴിഞ്ഞ ലോകകപ്പിലും കോപയിലും മികച്ച പ്രകടനം കാഴ്ചവെച്ചെങ്കിലും കാര്യമായ നേട്ടമില്ലാതെയായിരുന്നു മടക്കം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.