സിംഗപ്പൂർ: ലോക ഒന്നാം നമ്പർ ജോഡികളായ സാനിയ മിർസ-മാർട്ടിന ഹിംഗിസ് സഖ്യം ഡബിൾസിൽ ജൈത്രയാത്ര തുടരുന്നു. ഡബ്യൂ.ടി.എ ഫൈനൽസ് ടെന്നിസ് ചാമ്പ്യൻഷിപ്പിൽ കിരീടം നേടിയതോടെയാണ് ഇന്തോ- സ്വിസ് ജോഡി സീസണിലെ ഒമ്പതാം കിരീടം സ്വന്തമാക്കിയത്. സ്പെയിനിൻെറ ഗാബ്രിനെ മുഗുരുസ കാർല-സുവാറസ് സഖ്യത്തെയാണ് സാനിയ സഖ്യം തോൽപിച്ചത്. സ്കോർ: 6-0, 6-3.
തകർപ്പൻ പ്രകടനമാണ് സാനിയ-ഹിംഗിസ് സഖ്യം മത്സരത്തിൽ പുറത്തെടുത്തത്. ആദ്യ സെറ്റ് 6-0 ന് സാനിയ സഖ്യം നേടിയ ശേഷം രണ്ടാം സെറ്റിൽ സ്പാനിഷ് എതിരാളികൾ തരക്കേടില്ലാത്ത പ്രകടനം നടത്തിയെങ്കിലും ഇന്തോ-സ്വിസ് സഖ്യത്തെ തോൽപിക്കാൻ അത് മതിയായിരുന്നില്ല. സാനിയ സഖ്യത്തിന് ഒരു തവണ മാത്രമാണ് മത്സരത്തിൽ സെർവ് നഷ്ടപ്പെട്ടത്. എന്നാൽ എതിരാളികളുടെ അഞ്ച് സെർവുകൾ ബ്രേക്ക് ചെയ്യാൻ അവർക്കായി. ഈ ടൂമർണമെൻറിൽ ഒരു സെറ്റുപോലും എതിരാളികളുടെ മുന്നിലെ അടിയറവ് വെക്കാതെയാണ് ഇന്തോ-സ്വിസ് സഖ്യം മുന്നേറിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.