മഡ്രിഡ്: ലോക ഒന്നാം നമ്പര്‍ താരം നൊവാക് ദ്യോകോവിച്, രണ്ടാം നമ്പര്‍ താരം ആന്‍ഡി മറെ, റാഫേല്‍ നദാല്‍ എന്നിവര്‍ മഡ്രിഡ് ഓപണ്‍ ക്വാര്‍ട്ടര്‍ ഫൈനലില്‍ പ്രവേശിച്ചു. സ്പെയിന്‍ താരം റോബര്‍ട്ടോ ബോട്ടിസ്റ്റയെ 6-2, 6-1 എന്ന സ്കോറിന് തോല്‍പിച്ചാണ് ദ്യോകോവിച് ക്വാര്‍ട്ടറില്‍ കടന്നത്. നിലവിലെ ചാമ്പ്യന്‍ മറെ ഫ്രാന്‍സിന്‍െറ ഗില്‍സ് സൈമണെ 6-4, 6-2 എന്ന സ്കോറിന് മറികടന്നു. യു.എസ് താരം സാം ക്യുറെയെ 6-4, 6-2 എന്ന സ്കോറിന് തോല്‍പിച്ചാണ് നദാല്‍ ക്വാര്‍ട്ടര്‍ ഉറപ്പാക്കിയത്. വനിതാ ഡബ്ള്‍സില്‍ വിജയ ജോടികളായ സാനിയ മിര്‍സ-മാര്‍ട്ടിന ഹിംഗിസ് സഖ്യം ഫൈനലില്‍ കടന്നു. വാനിയ കിങ്-അല്ല കുഡ്രിയാട്സേവ സഖ്യത്തെ 6-2, 6-0 എന്ന സ്കോറിന് തോല്‍പിച്ചാണ് സാനിയ സഖ്യം ഫൈനല്‍ ഉറപ്പിച്ചത്. സീസണിലെ അഞ്ചാം കിരീടമാണ് സാനിയ-ഹിംഗിസ് സഖ്യം ലക്ഷ്യമിടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.