പാരിസ്: ഫ്രഞ്ച് ഒാപൺ ടെന്നിസ് സിംഗ്ൾസിൽ നിലവിലെ ജേതാക്കളായ നൊവാക് ദ്യോകോവിചും ഗർബിൻ മുഗുരുസയും മൂന്നാം റൗണ്ടിൽ. അട്ടിമറികളില്ലാത്ത ദിനത്തിൽ ടോപ്സീഡുകളായ വീനസ് വില്ല്യംസ്, പത്താം കിരീടത്തിനൊരുങ്ങുന്ന റഫേൽ നദാൽ, ആറാം സീഡ് ഡൊമിനിക് തീം എന്നിവരും മൂന്നാം റൗണ്ടിൽ ഇടം ഉറപ്പിച്ചു.
പോർചുഗലിെൻറ ജോ സൗസയെ 6-1, 6-4, 6-3 സ്കോറിന് തോൽപിച്ചാണ് ദ്യോകോവിച് മുന്നേറിയത്. എസ്തോണിയയുടെ അനെറ്റ് കൊൻറവിയറ്റിന് മുന്നിൽ ആദ്യ സെറ്റ് കീഴടങ്ങിയ ശേഷമാണ് സ്പാനിഷ് താരം ഗർബിൻ മുഗുരുസ ജയിച്ചു കയറിയത്. സ്കോർ 6-7, 6-4, 6-2. വീനസ് വില്യംസ് ജപ്പാെൻറ കുറുമി നാരയെ (6-3, 6-1) കീഴടക്കി. നെതർലൻഡുകാരനായ റോബിൻ ഹാസെ കോർട്ടിൽ ഒാടിക്കളിപ്പിച്ച നദാൽ നേരിട്ടുള്ള സെറ്റിന് കളി ജയിച്ചു. സ്കോർ 6-1, 6-4, 6-3.
ക്രിസ്റ്റിന മ്ലാഡിനോവിൺ, കരോലിൻ വോസ്നിയാകി, സാമന്ത സ്റ്റോസർ എന്നിവർ മൂന്നാം റൗണ്ടിൽ കടന്നു.
സാനിയ പുറത്ത്
പുരുഷ ഡബ്ൾസിൽ രോഹൻ ബൊപ്പണ്ണ-പെട്ര ക്യൂവസ്, ലിയാണ്ടർ പേസ്-സ്കോട്ട് ലിപ്സ്കി സഖ്യങ്ങൾ രണ്ടാം റൗണ്ടിൽ കടന്നു. വനിതാ ഡബ്ൾസിൽ സാനിയ മിർസ-യാരസ്ലോവ ഷിഡോവ സഖ്യം പുറത്തായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.