ലണ്ടൻ: സാനിയ മിർസ- ബെതാനി മാറ്റെക്ക് സഖ്യം വിംബിൾഡൺ ടെന്നിസ് ടൂർണമെൻറിെൻറ വനിത വിഭാഗം ഡബിൾസിൽ നിന്ന് പുറത്തായി. റഷ്യയുടെ എലേന വെസ്നിയ-വെറോണിക്ക കുഡെർമെറ്റോവ ജോഡിയാണ് രണ്ടാം റൗണ്ടിൽ സാനിയ സഖ്യത്തെ തോൽപിച്ചത്. നേരിട്ടുള്ള സെറ്റുകൾക്കായിരുന്നു തോൽവി.
ആദ്യ സെറ്റിൽ ഇന്തോ-അമേരിക്കൻ സഖ്യം റഷ്യക്കാർക്കെതിരെ ശക്തമായി പോരാടിയെങ്കിലും 4-6ന് തോറ്റു. രണ്ടാം സെറ്റിെൻറ തുടക്കത്തിൽ മുന്നേറാൻ സാധിച്ചെങ്കിലും സാനിയയുടെ ചില പിഴവുകൾ മൂലം സെറ്റ് 3-6ന് അടിയറവ് പറയേണ്ടി വന്നു. വ്യാഴാഴ്ച നടന്ന ആദ്യ റൗണ്ട് പോരാട്ടത്തിൽ സാനിയയും മാറ്റക്കും ആറാം സീഡായ അലക്സ ഗ്വാറച്ചി-ഡെസിറ ക്രോസിക് സഖ്യത്തെയാണ് തോൽപിച്ചത്.
ഇന്ത്യയുടെ തന്നെ രോഹൻ ബൊപ്പണ്ണക്കൊപ്പം സാനിയ മിക്സഡ് ഡബിൾസിെൻറ രണ്ടാം റൗണ്ടിൽ കടന്നിട്ടുണ്ട്. ബ്രിട്ടെൻറ എയ്ഡൻ മക്ഹ്യൂഗ്-എമിലി വെബ്ലി സ്മിത്ത് ജോഡിയെയാണ് ഇരുവരും രണ്ടാം റൗണ്ടിൽ നേരിടുക. ആദ്യ റൗണ്ടിൽ ഇന്ത്യയുടെ തന്നെ അങ്കിത റെയ്ന-രാംകുമാർ രാമാനന്തൻ സഖ്യത്തെ നേരിട്ടുള്ള സെറ്റുകൾക്ക് തോൽപിച്ചാണ് സാനിയയും ബൊപ്പണ്ണയും രണ്ടാം റൗണ്ടിലെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.