ദ്യോ​കോ വീ​ഴു​മ്പോ​ൾ

നി​ല​വി​ലെ ഫോ​മി​ൽ വിം​ബ്ൾ​ഡ​ൺ കോ​ർ​ട്ടി​ൽ ദ്യോ​കോവിച് വീ​ഴു​മെ​ന്ന് അ​ധി​ക​മാ​രും ചി​ന്തി​ച്ചു​കാ​ണി​ല്ല. ആ​ദ്യ​സെ​റ്റി​ൽ 6-1ന്റെ ​ആ​ധി​കാ​രി​ക ജ​യം നേ​ടി​യ​തോ​ടെ ദ്യോ​കോ​ക്ക് അ​നാ​യാ​സ വി​ജ​യ​മെ​ന്ന് തോ​ന്നി​പ്പി​ച്ചു. ഒ​പ്പ​ത്തി​നൊ​പ്പം നി​ന്ന ര​ണ്ടാം സെ​റ്റി​ൽ അ​വ​സാ​ന ചി​രി അ​ൽ​കാ​ര​സി​ന്. മൂ​ന്നാം സെ​റ്റി​ൽ ദ്യോ​കോ​യെ നി​ഷ്പ്ര​ഭ​നാ​ക്കി മ​ല​ർ​ത്തി​യ​ടി​ച്ച​തോ​ടെ ക​ളി മു​റു​കി.

ദ്യോ​കോ പ​തി​വു​ശൈ​ലി​യി​ൽ ബാ​റ്റു​ത​ക​ർ​ത്താ​ണ് അ​രി​ശം തീ​ർ​ത്ത​ത്. വി​ജ​യം അ​നി​വാ​ര്യ​മാ​യ നാ​ലാം സെ​റ്റി​ൽ ദ്യോ​കോ ഉ​ണ​ർ​ന്നെ​ണീ​റ്റ​തോ​ടെ ചൂ​ടു​പി​ടി​ച്ചു​നി​ന്നി​രു​ന്ന പു​ൽ​നാ​മ്പു​ക​ളി​ൽ തീ​പ​ട​ർ​ന്നു. അ​ൽ​കാ​ര​സി​ന് മ​റു​പ​ടി കൊ​ടു​ക്കാ​നു​ള്ള ഓ​ട്ട​ത്തി​നി​ടെ പ​ല​കു​റി തെ​ന്നി​വീ​ഴു​ന്ന ദ്യോ​കോ​യെ​യും മൈ​താ​നം ക​ണ്ടു. മു​ൾ​മു​ന​യി​ൽ നി​ർ​ത്തി​യ പൊ​രി​ഞ്ഞ പോ​രാ​ട്ട​ത്തി​നൊ​ടു​വി​ൽ മാ​ച്ച് പോ​യ​ന്റു​മാ​യി അ​ൽ​കാ​ര​സ് വീ​ണു​കി​ട​ന്ന​പ്പോ​ൾ ഗാ​ല​റി എ​ഴു​ന്നേ​റ്റ് കൈ​യ​ടി​ച്ചു. ചി​ല​ർ അ​വി​സ്മ​ര​ണീ​യ മ​ത്സ​ര​ത്തി​ന് സാ​ക്ഷി​യാ​യ​തി​ന്റെ നി​ർ​വൃ​തി​യി​ൽ ക​ണ്ണീ​ർ തു​ട​ച്ചു.

കോ​ർ​ട്ടു​ക​ളെ​യും എ​തി​രാ​ളി​ക​ളെ​യും പ​ല​കു​റി ക​ണ്ട ദ്യോ​കോ മ​ത്സ​ര​ശേ​ഷം പ​റ​ഞ്ഞ​തി​ങ്ങ​നെ: ‘‘ഇ​തു​പോ​ലൊ​രു ക​ളി​ക്കാ​ര​നെ​തി​​രെ ഇ​ത്ര​യും കാ​ല​ത്തി​നി​ടെ ക​ളി​ച്ചി​ട്ടി​ല്ല. റോ​ജ​റി​ലും റാ​ഫ​യി​ലും എ​ന്നി​ലു​മു​ള്ള ഗു​ണ​ങ്ങ​ൾ അ​വ​നി​ലു​ണ്ടെ​ന്ന് പ​ല​രും പ​റ​യു​ന്നു​ണ്ട്. അ​തി​നോ​ട് ഞാ​നും യോ​ജി​ക്കു​ന്നു.’’ ര​ണ്ടു​പ​തി​റ്റാ​ണ്ടി​ലേ​റെ​യാ​യി ടെ​ന്നി​സി​ലെ അ​ഭി​മാ​ന​കി​രീ​ട​ങ്ങ​ളെ​ല്ലാം പ​ങ്കു​വെ​ച്ചു ക​ളി​ച്ച ഫെ​ഡ​റ​ർ-​ന​ദാ​ൽ-​​ദ്യോ​കോ​വി​ച് ത്രി​മൂ​ർ​ത്തി​ക​ളി​ലേ​ക്ക് ന​ട​ന്നെ​ത്താ​ൻ ഇ​നി​യു​മെ​ത്ര​യോ കോ​ർ​ട്ടു​ക​ളും ഗ്രാ​ൻ​ഡ്സ്ലാ​മു​ക​ളും 20കാ​ര​ൻ താ​ണ്ടി​ക്ക​ട​ക്കേ​ണ്ട​തു​ണ്ട്. എ​ങ്കി​ലും ഈ ​ത്രി​മൂ​ർ​ത്തി​ക​ളു​ടെ യു​ഗ​ത്തി​ന്റെ പ​രി​സ​മാ​പ്തി​യാ​യി ഈ ​വി​ജ​യം ആ​ഘോ​ഷി​ക്കു​ന്നു. അ​ത​ല്ലെ​ങ്കി​ൽ ഇ​നി​യു​ള്ള കാ​ലം ദ്യോ​കോ​ക്ക് കി​രീ​ട​ങ്ങ​ൾ എ​ളു​പ്പ​മാ​കി​ല്ലെ​ന്നെ​ങ്കി​ലും അ​വ​ർ ക​രു​തു​ന്നു.