ലണ്ടൻ: വിംബിൾഡണിൽ ലോക ഒന്നാം നമ്പർ താരം കാർലോസ് അൽകാരസ് അനായാസ ജയവുമായി മൂന്നാം റൗണ്ടിൽ. സെന്റർ കോർട്ടിൽ ആദ്യ ജയം കുറിച്ച് ലോക 80ാം നമ്പർ താരം മുള്ളറെ 6-4 7-6 (7-2) 6-3നാണ് സ്പാനിഷ് താരം മറികടന്നത്. കഴിഞ്ഞ വർഷം ഇതേ കോർട്ടിൽ ജാനിക് സിന്നറോട് തോറ്റ് പ്രീക്വാർട്ടറിൽ മടങ്ങിയിരുന്നു.
മറ്റു മത്സരങ്ങളിൽ മൂന്നാം സീഡ് ഡാനിൽ മെദ്‍വദേവ്, ആറാം സീഡ് ഹോൾഗർ റൂൺ എന്നിവർ ജയിച്ചു. 15ാം സീഡ് അലക്സ് ഡി മിനോർ മാറ്റിയോ ബെറെറ്റിനിയോട് തോൽവിയറിഞ്ഞു. 2021 വിംബിൾഡണിൽ ഫൈനലിസ്റ്റാണ് ബെററ്റിനി. അന്ന് നൊവാക് ദ്യോകോവിച്ചിനു മുന്നിലായിരുന്നു തോൽവി. ഇത്തവണ ഫ്രഞ്ച് ഓപൺ സെമിയിൽ ദ്യോകോക്കു മുന്നിൽ കീഴടങ്ങിയ അൽകാരസ് വിംബിൾഡണിൽ കിരീടം പിടിച്ച് ഒന്നാംസ്ഥാനം ഉറപ്പിക്കാനുള്ള ഒരുക്കത്തിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.